Read Новый Завет на церковнославянском языке От Матфея 5 Bible Online

От Матфея 5 - Новый Завет на церковнославянском языке bible

От Матфея 5

¹Узрeв же народы, взыде на гору: и сeдшу ему, приступиша к нему ученицы его.

²И отверз уста своя, учаше их, глаголя:

³блажени нищии духом: яко тeх есть царствие небeсное.

⁴Блажени плачущии: яко тии утeшатся.

⁵Блажени кротцыи: яко тии наслeдят землю.

⁶Блажени алчущии и жаждущии правды: яко тии насытятся.

⁷Блажени милостивии: яко тии помиловани будут.

⁸Блажени честии срдцем: яко тии Бога узрят.

⁹Блаажени миротворцы: яко тии Сынове Божии нарекутся.

¹⁰Блаажени изгнани правды ради: яко тeх есть царствие небeсное.

¹¹Блаажени есте, егда поносят вам, и ижденут, и рекут всяк зол глагол на вы лжуще, мене ради:

¹²радуйтеся и веселитеся, яко мзда ваша многа на небесeх: тако бо изгнаша пророки, иже (бeша) прежде вас.

¹³Вы есте соль земли: аще же соль обуяет, чим осолится? ни во чтоже будет ктому, точию да изсыпана будет вон и попираема человeки.

¹⁴Вы есте свeт мира: не может град укрытися верху горы стоя:

¹⁵ниже вжигают свeтилника и поставляют его под спудом, но на свeщницe, и свeтит всeм, иже в храминe (суть).

¹⁶Тако да просвeтится свeт ваш пред человeки, яко да видят ваша добрая дeла и прославят Отца вашего, иже на небесeх.

¹⁷(Да) не мните, яко приидох разорити закон, или пророки: не приидох разорити, но исполнити.

¹⁸Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут.

¹⁹Иже аще разорит едину заповeдий сих малых и научит тако человeки, мний наречется в царствии небeснeм: а иже сотворит и научит, сей велий наречется в царствии небeснeм.

²⁰Глаголю бо вам, яко аще не избудет правда ваша паче книжник и фарисей, не внидете в царствие небeсное.

²¹Слышасте, яко речено бысть древним: не убиеши: иже (бо) аще убиет, повинен есть суду.

²²Аз же глаголю вам, яко всяк гнeваяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть гееннe огненнeй.

²³Аще убо принесеши дар твой ко олтарю и ту помянеши, яко брат твой имать нeчто на тя:

²⁴остави ту дар твой пред олтарем и шед прежде смирися с братом твоим, и тогда пришед принеси дар твой.

²⁵Буди увeщаваяся с соперником твоим скоро, дондеже еси на пути с ним, да не предаст тебе соперник судии, и судия тя предаст слузe, и в темницу ввержен будеши:

²⁶аминь глаголю тебe: не изыдеши оттуду, дондеже воздаси послeдний кодрант.

²⁷Слышасте, яко рeчено бысть древним: не прелюбы сотвориши.

²⁸Аз же глаголю вам, яко всяк, иже воззрит на жену ко еже вожделeти ея, уже любодeйствова с нею в сердцы своем:

²⁹аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тeло твое ввержено будет в геенну (огненную):

³⁰и аще десная твоя рука соблажняет тя, усeцы ю и верзи от себе: уне бо ти есть, да погибнет един от уд твоих, а не все тeло твое ввержено будет в геенну.

³¹Речено же бысть, яко иже аще пустит жену свою, да даст ей книгу распустную.

³²Аз же глаголю вам, яко всяк отпущаяй жену свою, развe словесе любодeйнаго, творит ю прелюбодeйствовати: и иже пущеницу поймет, прелюбодeйствует.

³³Паки слышасте, яко рeчено бысть древним: не во лжу кленешися, воздаси же Господеви клятвы твоя.

³⁴Аз же глаголю вам не клятися всяко: ни небом, яко престол есть Божий:

³⁵ни землею, яко подножие есть ногама его: ни иерусалимом, яко град есть великаго царя:

³⁶ниже главою твоею кленися, яко не можеши власа единаго бeла или черна сотворити:

³⁷буди же слово ваше: ей, ей: ни, ни: лишше же сею от неприязни есть.

³⁸Слышасте, яко рeчено бысть: око за око, и зуб за зуб.

³⁹Аз же глаголю вам не противитися злу: но аще тя кто ударит в десную твою ланиту, обрати ему и другую:

⁴⁰и хотящему судитися с тобою и ризу твою взяти, отпусти ему и срачицу:

⁴¹и аще кто тя поймет по силe поприще едино, иди с ним два.

⁴²Просящему у тебе дай, и хотящаго от тебе заяти не отврати.

⁴³Слышасте, яко рeчено есть: возлюбиши искренняго твоего и возненавидиши врага твоего.

⁴⁴Аз же глю вам: любите враги вашя, благословите кленущыя вы, добро творите ненавидящым вас, и молитеся за творящих вам напасть и изгонящыя вы,

⁴⁵яко да будете Сынове Отца вашего, иже есть на небесeх: яко солнце свое сияет на злыя и благия и дождит на праведныя и на неправедныя.

⁴⁶Аще бо любите любящих вас, кую мзду имате? не и мытари ли тожде творят?

⁴⁷И аще цeлуете други вашя токмо, что лишше творите? не и язычницы ли такожде творят?

⁴⁸Будите убо вы совершени, якоже Отец ваш небeсный совершен есть.