Read Новый Завет на церковнославянском языке От Матфея 6 Bible Online

От Матфея 6 - Новый Завет на церковнославянском языке bible

От Матфея 6

¹Внемлите милостыни вашея не творити пред человeки, да видими будете ими: аще ли же ни, мзды не имате от Отца вашего, иже есть на небесeх.

²Егда убо твориши милостыню, не воструби пред собою, якоже лицемeри творят в сонмищих и в стогнах, яко да прославятся от человeк. Аминь глаголю вам, восприемлют мзду свою.

³Тебe же творящу милостыню, да не увeсть шуйца твоя, что творит десница твоя,

⁴яко да будет милостыня твоя в тайнe: и Отец твой, видяй в тайнe, той воздаст тебe явe.

⁵И егда молишися, не буди якоже лицемeри, яко любят в сонмищих и в стогнах путий стояще молитися, яко да явятся человeком. Аминь глаголю вам, яко восприемлют мзду свою.

⁶Ты же, егда молишися, вниди в клeть твою, и затворив двери твоя, помолися Отцу твоему, иже в тайнe: и Отец твой, видяй в тайнe, воздаст тебe явe.

⁷Молящеся же не лишше глаголите, якоже язычницы: мнят бо, яко во многоглаголании своем услышани будут:

⁸не подобитеся убо им: вeсть бо Отец ваш, ихже требуете, прежде прошения вашего.

⁹Сице убо молитеся вы: Отче наш, иже еси на небесeх, да святится имя твое:

¹⁰да приидет царствие твое: да будет воля твоя, яко на небеси, и на земли:

¹¹хлeб наш насущный даждь нам днесь:

¹²и остави нам долги нашя, яко и мы оставляем должником нашым:

¹³и не введи нас в напасть, но избави нас от лукаваго: яко твое есть царствие и сила и слава во вeки. Аминь.

¹⁴Аще бо отпущаете человeком согрeшения их, отпустит и вам Отец ваш небeсный:

¹⁵аще ли не отпущаете человeком согрeшения их, ни Отец ваш отпустит вам согрeшений ваших.

¹⁶Егда же поститеся, не будите якоже лицемeри сeтующе: помрачают бо лица своя, яко да явятся человeком постящеся. Аминь глаголю вам, яко восприемлют мзду свою.

¹⁷Ты же постяся помажи главу твою, и лице твое умый,

¹⁸яко да не явишися человeком постяся, но Отцу твоему, иже в тайнe: и Отец твой, видяй в тайнe, воздаст тебe явe.

¹⁹Не скрывайте себe сокровищ на земли, идeже червь и тля тлит, и идeже татие подкопывают и крадут:

²⁰скрывайте же себe сокровище на небеси, идeже ни червь, ни тля тлит, и идeже татие не подкопывают, ни крадут:

²¹идeже бо есть сокровище ваше, ту будет и сердце ваше.

²²Свeтилник тeлу есть око. Аще убо будет око твое просто, все тeло твое свeтло будет:

²³аще ли око твое лукаво будет, все тeло твое темно будет. Аще убо свeт, иже в тебe, тма есть, то тма кольми?

²⁴Никтоже может двeма господинома работати: любо единаго возлюбит, а другаго возненавидит: или единаго держится, о друзeм же нерадити начнет. Не можете Богу работати и мамонe.

²⁵Сего ради глаголю вам: не пецытеся душею вашею, что ясте, или что пиете: ни тeлом вашим, во что облечетеся. Не душа ли болши есть пищи, и тeло одежди?

²⁶Воззрите на птицы небесныя, яко не сeют, ни жнут, ни собирают в житницы, и Отец ваш небeсный питает их. Не вы ли паче лучши их есте?

²⁷Кто же от вас пекийся может приложити возрасту своему лакоть един?

²⁸И о одежди что печетеся? Смотрите крин селных, како растут: не труждаются, ни прядут:

²⁹глаголю же вам, яко ни соломон во всей славe своей облечеся, яко един от сих:

³⁰аще же сeно селное, днесь суще и утрe в пещь вметаемо, Бог тако одeвает, не много ли паче вас, маловeри?

³¹Не пецытеся убо, глаголюще: что ямы, или что пием, или чим одеждемся?

³²Всeх бо сих языцы ищут: вeсть бо Отец ваш небeсный, яко требуете сих всeх.

³³Ищите же прежде царствия Божия и правды его, и сия вся приложатся вам.

³⁴Не пецытеся убо на утрей, утрений бо собою печется: довлeет дневи злоба (попечение) его.