Read Новый Завет на церковнославянском языке От Матфея 7 Bible Online

От Матфея 7 - Новый Завет на церковнославянском языке bible

От Матфея 7

¹Не судите, да не судими будете:

²имже бо судом судите, судят вам: и в нюже мeру мeрите, возмeрится вам.

³Что же видиши сучец, иже во оцe брата твоего, бервна же, еже есть во оцe твоем, не чуеши?

⁴Или како речеши брату твоему: остави, да изму сучец из очесе твоего: и се, бервно во оцe твоем?

⁵Лицемeре, изми первeе бервно из очесе твоего, и тогда узриши изяти сучец из очесе брата твоего.

⁶Не дадите святая псом, ни пометайте бисер ваших пред свиниями, да не поперут их ногами своими и вращшеся расторгнут вы.

⁷Просите, и дастся вам: ищите, и обрящете: толцыте, и отверзется вам:

⁸всяк бо просяй приемлет, и ищяй обрeтает, и толкущему отверзется.

⁹Или кто есть от вас человeк, егоже аще воспросит сын его хлeба, еда камень подаст ему?

¹⁰Или аще рыбы просит, еда змию подаст ему?

¹¹Аще убо вы, лукави суще, умeете даяния блага даяти чадом вашым, кольми паче Отец ваш небeсный даст блага просящым у него.

¹²Вся убо, елика аще хощете, да творят вам человeцы, тако и вы творите им: се бо есть закон и пророцы.

¹³Внидите узкими враты: яко пространная врата и широкий путь вводяй в пагубу, и мнози суть входящии им:

¹⁴что узкая врата, и тeсный путь вводяй в живот, и мало их есть, иже обрeтают его.

¹⁵Внемлите же от лживых пророк, иже приходят к вам во одеждах овчих, внутрь же суть волцы хищницы:

¹⁶от плод их познаете их. Еда обемлют от терния грозды, или от репия смоквы?

¹⁷Тако всяко древо доброе плоды добры творит, а злое древо плоды злы творит:

¹⁸не может древо добро плоды злы творити, ни древо зло плоды добры творити.

¹⁹Всяко убо древо, еже не творит плода добра, посeкают е и во огнь вметают.

²⁰Тeмже убо от плод их познаете их.

²¹Не всяк глаголяй ми: Господи, Господи, внидет в царствие небeсное: но творяй волю Отца моего, иже есть на небесeх.

²²Мнози рекут мнe во он день: Господи, Господи, не в твое ли имя пророчествовахом, и твоим именем бeсы изгонихом, и твоим именем силы многи сотворихом?

²³И тогда исповeм им, яко николиже знах вас: отидите от мене, дeлающии беззаконие.

²⁴Всяк убо, иже слышит словеса моя сия и творит я, уподоблю его мужу мудру, иже созда храмину свою на камени:

²⁵и сниде дождь, и приидоша рeки, и возвeяша вeтри, и нападоша на храмину ту: и не падеся, основана бо бe на камени.

²⁶И всяк слышай словеса моя сия, и не творя их, уподобится мужу уродиву, иже созда храмину свою на песцe:

²⁷и сниде дождь, и приидоша рeки, и возвeяша вeтри, и опрошася храминe той, и падеся: и бe разрушение ея велие.

²⁸И бысть егда сконча Иисус словеса сия, дивляхуся народи о учении его:

²⁹бe бо учя их яко власть имeя, и не яко книжницы (и фарисее).