Read Новый Завет на церковнославянском языке От Матфея 8 Bible Online

От Матфея 8 - Новый Завет на церковнославянском языке bible

От Матфея 8

¹Сшедшу же ему с горы, вслeд его идяху народи мнози.

²И се, прокажен пришед кланяшеся ему, глаголя: Господи, аще хощеши, можеши мя очестити.

³И простер руку Иисус, коснуся ему, глаголя: хощу, очистися. И абие очистися ему проказа.

⁴И глагола ему Иисус: виждь, ни комуже повeждь: но шед покажися иереови и принеси дар, егоже повелe (в законe) моисей, во свидeтелство им.

⁵Вшедшу же ему в капернаум, приступи к нему сотник, моля его

⁶и глаголя: Господи, отрок мой лежит в дому разслаблен, лютe стражда.

⁷И глагола ему Иисус: аз пришед исцeлю его.

⁸И отвeщав сотник, рече (ему): Господи, нeсмь достоин, да под кров мой внидеши: но токмо рцы слово, и исцeлeет отрок мой:

⁹ибо аз человeк есмь под властию, имый под собою воины: и глаголю сему: иди, и идет: и другому: прииди, и приходит: и рабу моему: сотвори сие, и сотворит.

¹⁰Слышав же Иисус, удивися, и рече грядущым по нем: аминь глаголю вам: ни во Израили толики вeры обрeтох.

¹¹Глаголю же вам, яко мнози от восток и запад приидут и возлягут со авраамом и исааком и иаковом во царствии небeснeм:

¹²сынове же царствия изгнани будут во тму кромeшнюю: ту будет плачь и скрежет зубом.

¹³И рече Иисус сотнику: иди, и якоже вeровал еси, буди тебe. И исцeлe отрок его в той час.

¹⁴И пришед Иисус в дом петров, видe тещу его лежащу и огнем жегому,

¹⁵и прикоснуся руцe ея, и остави ю огнь: и воста и служаше ему.

¹⁶Поздe же бывшу, приведоша к нему бeсны многи: и изгна духи словом и вся болящыя исцeли:

¹⁷да сбудется рeченное исаием пророком, глаголющим: той недуги нашя прият и болeзни понесе.

¹⁸Видeв же Иисус многи народы окрест себе, повелe (учеником) ити на он пол.

¹⁹И приступль един книжник, рече ему: учителю, иду по тебe, аможе аще идеши.

²⁰Глагола ему Иисус: лиси язвины имут, и птицы небесныя гнeзда: Сын же человeческий не имать гдe главы подклонити.

²¹Другий же от ученик его рече ему: Господи, повели ми прежде ити и погребсти отца моего.

²²Иисус же рече ему: гряди по мнe и остави мертвых погребсти своя мертвецы.

²³И влeзшу ему в корабль, по нем идоша ученицы его.

²⁴И се, трус велик бысть в мори, якоже кораблю покрыватися волнами: той же спаше.

²⁵И пришедше ученицы его возбудиша его, глаголюще: Господи, спаси ны, погибаем.

²⁶И глагола им: что страшливи есте, маловeри? Тогда востав запрети вeтром и морю, и бысть тишина велия.

²⁷Человeцы же чудишася, глаголюще: кто есть сей, яко и вeтри и море послушают его?

²⁸И пришедшу ему на он пол, в страну гергесинскую, срeтоста его два бeсна от гроб исходяща, люта зeло, яко не мощи никому минути путем тeм.

²⁹И се, возописта глаголюща: что нама и тебe, Иисусе Сыне Божий? пришел еси сeмо прежде времене мучити нас.

³⁰Бяше же далече от нею стадо свиний много пасомо.

³¹Бeси же моляху его, глаголюще: аще изгониши ны, повели нам ити в стадо свиное.

³²И рече им: идите. Они же изшедше идоша в стадо свиное: и се, (абие) устремися стадо все по брегу в море, и утопоша в водах.

³³Пасущии же бeжаша, и шедше во град, возвeстиша вся, и о бeсною.

³⁴И се, весь град изыде в срeтение Иисусови: и видeвше его, молиша, яко дабы прешел от предeл их.