Read Новый Завет на церковнославянском языке От Матфея 9 Bible Online

От Матфея 9 - Новый Завет на церковнославянском языке bible

От Матфея 9

¹И влeз в корабль, прейде и прииде во свой град.

²И се, принесоша ему разслаблена (жилами), на одрe лежаща: и видeв Иисус вeру их, рече разслабленному: дерзай, чадо, отпущаются ти грeси твои.

³И се, нeцыи от книжник рeша в себe: сей хулит.

⁴И видeв Иисус помышления их, рече: вскую вы мыслите лукавая в сердцах своих?

⁵что бо есть удобeе рещи: отпущаются ти грeси: или рещи: востани и ходи?

⁶но да увeсте, яко власть имать Сын человeческий на земли отпущати грeхи: тогда глагола разслабленному: востани, возьми твой одр и иди в дом твой.

⁷И востав, (взем одр свой,) иде в дом свой.

⁸Видeвше же народи чудишася и прославиша Бога, давшаго власть таковую человeком.

⁹И преходя Иисус оттуду, видe человeка сeдяща на мытницe, матфеа глаголема: и глагола ему: по мнe гряди. И востав по нем иде.

¹⁰И бысть ему возлежащу в дому, и се, мнози мытари и грeшницы пришедше возлежаху со Иисусом и со ученики его.

¹¹И видeвше фарисее, глаголаху учеником его: почто с мытари и грeшники учитель ваш яст и пиет?

¹²Иисус же слышав рече им: не требуют здравии врача, но болящии:

¹³шедше же научитеся, что есть: милости хощу, а не жертвы? не приидох бо призвати првдники, но грeшники на покаяние.

¹⁴Тогда приступиша к нему ученицы иоанновы, глаголюще: почто мы и фарисее постимся много, ученицы же твои не постятся?

¹⁵И рече им Иисус: еда могут сынове брачнии плакати, елико время с ними есть жених? Приидут же дние, егда отимется от них жених, и тогда постятся.

¹⁶Никтоже бо приставляет приставления плата небeлена ризe ветсe: возмет бо кончину свою от ризы (отторгнет бо приставление его от ризы нeчто), и горша дира будет.

¹⁷Ниже вливают вина нова в мeхи ветхи: аще ли же ни, то просадятся мeси, и вино пролиется, и мeси погибнут: но вливают вино ново в мeхи новы, и обое соблюдется.

¹⁸Сия ему глаголющу к ним, се, князь нeкий пришед кланяшеся ему, глаголя, яко дщи моя нынe умре: но пришед возложи на ню руку твою, и оживет.

¹⁹И востав Иисус по нем иде, и ученицы его.

²⁰И се, жена кровоточива дванадесяте лeт, приступльши созади, прикоснуся воскрилию ризы его,

²¹глаголаше бо в себe: аще токмо прикоснуся ризe его, спасена буду.

²²Иисус же обращься и видeв ю, рече: дерзай, дщи, вeра твоя спасе тя. И спасена бысть жена от часа того.

²³И пришед Иисус в дом княжь, и видeв сопцы и народ молвящь,

²⁴глагола им: отидите, не умре бо дeвица, но спит. И ругахуся ему.

²⁵Егда же изгнан бысть народ, вшед ят ю за руку: и воста дeвица.

²⁶И изыде вeсть сия по всей земли той.

²⁷И преходящу оттуду Иисусови, по нем идоста два слeпца, зовуща и глаголюща: помилуй ны, (Иисусе) Сыне давидов.

²⁸Пришедшу же ему в дом, приступиста к нему слeпца, и глагола има Иисус: вeруета ли, яко могу сие сотворити? Глаголаста ему: ей, Господи.

²⁹Тогда прикоснуся очию их, глаголя: по вeрe ваю буди вама.

³⁰И отверзостася очи има: и запрети има Иисус, глаголя: блюдита, да никтоже увeсть.

³¹Она же изшедша прослависта его по всей земли той.

³²Тeма же исходящема, се, приведоша к нему человeка нeма бeснуема.

³³И изгнану бeсу, проглагола нeмый. И дивишася народи, глаголюще, яко николиже явися тако во Израили.

³⁴Фарисее же глаголаху: о князи бeсовстeм изгонит бeсы.

³⁵И прохождаше Иисус грады вся и веси, учя на сонмищих их, и проповeдая евангелие царствия, и цeля всяк недуг и всяку язю в людех.

³⁶Видeв же народы, милосердова о них, яко бяху смятени и отвержени, яко овцы не имущыя пастыря.

³⁷Тогда глагола учеником своим: жатва убо многа, дeлателей же мало:

³⁸молитеся убо Господину жатвы, яко да изведет дeлатели на жатву свою.