Read Новый Завет на церковнославянском языке От Марка 1 Bible Online

От Марка 1 - Новый Завет на церковнославянском языке bible

От Марка 1

¹Зачало евангелиа Иисуса Христа, Сына Божия,

²якоже есть писано во пророцeх: се, аз посылаю ангела моего пред лицем твоим, иже уготовит путь твой пред тобою.

³Глас вопиющаго в пустыни: уготовайте путь Господень, правы творите стези его.

⁴Бысть иоанн крестяй в пустыни и проповeдая крещение покаяния во отпущение грeхов.

⁵И исхождаше к нему вся иудейская страна и иерусалимляне: и крещахуся вси во иорданe рeцe от него, исповeдающе грeхи своя.

⁶Бe же иоанн оболчен власы велблужди, и пояс усмен о чреслeх его, и ядый акриды и мед дивий.

⁷И проповeдаше, глаголя: грядет крeплий мене вслeд мене, емуже нeсмь достоин преклонься разрeшити ремень сапог его:

⁸аз убо крестих вы водою: той же крестит вы духом святым.

⁹И бысть во онeх днех, прииде Иисус от назарета галилейскаго и крестися от иоанна во иорданe.

¹⁰И абие восходя от воды, видe разводящася небеса и духа яко голубя, сходяща нань.

¹¹И глас бысть с небесе: ты еси Сын мой возлюбленный, о немже благоволих.

¹²И абие дух изведе его в пустыню.

¹³И бe ту в пустыни дний четыредесять, искушаемь сатаною, и бe со звeрьми: и ангели служаху ему.

¹⁴По предании же иоанновe, прииде Иисус в галилею, проповeдая евангелие царствия Божия

¹⁵и глаголя, яко исполнися время и приближися царствие Божие: покайтеся и вeруйте во евангелие.

¹⁶Ходя же при мори галилейстeм, видe симона и андреа брата (того) симона, вметающа мрежи в море: бeста бо рыбаря.

¹⁷И рече има Иисус: приидита вслeд мене, и сотворю вас быти ловца человeком.

¹⁸И абие оставльша мрежи своя, по нем идоста.

¹⁹И прешед мало оттуду, узрe иакова зеведеова и иоанна брата его, и та в корабли строяща мрежа:

²⁰и абие воззва я. И оставльша отца своего зеведеа в корабли с наемники, по нем идоста.

²¹И внидоша в капернаум: и абие в субботы вшед в сонмище, учаше.

²²И дивляхуся о учении его: бe бо учя их яко власть имый, и не яко книжницы.

²³И бe в сонмищи их человeк в дусe нечисте, и воззва,

²⁴глаголя: остави, что нам и тебe, Иисусе назарянине? пришел еси погубити нас: вeм тя, кто еси, святый Божий.

²⁵И запрети ему Иисус, глаголя: умолчи и изыди из него.

²⁶И стрясе его дух нечистый, и возопи гласом великим, и изыде из него.

²⁷И ужасошася вси, якоже стязатися им к себe, глаголющым: что есть сие? (и) что учение новое сие, яко по области и духовом нечистым велит, и послушают его?

²⁸Изыде же слух его абие во всю страну галилейску.

²⁹И абие из сонмища изшедше, приидоша в дом симонов и андреов, со иаковом и иоанном.

³⁰Теща же симонова лежаше огнем жегома: и абие глаголаша ему о ней.

³¹И приступль воздвиже ю, емь за руку ея: и остави ю огнь абие, и служаше им.

³²Поздe же бывшу, егда захождаше солнце, приношаху к нему вся недужныя и бeсныя.

³³И бe весь град собрался к дверем.

³⁴И изцeли многи злe страждущыя различными недуги: и бeсы многи изгна, и не оставляше глаголати бeсы, яко вeдяху его Христа суща.

³⁵И утро, нощи сущей зeло, востав изыде, и иде в пусто мeсто, и ту молитву дeяше.

³⁶И гнаша его симон и иже с ним:

³⁷и обрeтше его, глаголаша ему, яко вси тебе ищут.

³⁸И глагола им: идем в ближния веси и грады, да и тамо проповeм: на сие бо изыдох.

³⁹И бe проповeдая на сонмищих их, во всей галилеи, и бeсы изгоня.

⁴⁰И прииде к нему прокажен, моля его и на колeну припадая пред ним, и глаголя ему, яко, аще хощеши, можеши мя очстити.

⁴¹Иисус же млсрдовав, простер руку, коснуся его, и глагола ему: хощу, очистися.

⁴²И рекшу ему, абие отиде от него прокажение, и чист бысть.

⁴³И запрещь ему, абие изгна его:

⁴⁴и глагола ему: блюди, никомуже ничесоже рцы: но шед покажися иерееви и принеси за очищение твое, яже повелe моисей, во свидeтелство им.

⁴⁵Он же изшед начат проповeдати много и проносити слово, якоже ктому не мощи ему явe во град внити: но внe в пустых мeстeх бe. И прихождаху к нему отвсюду.