Read Новый Завет на церковнославянском языке От Марка 10 Bible Online

От Марка 10 - Новый Завет на церковнославянском языке bible

От Марка 10

¹И оттуду востав прейде в предeлы иудейския, (чрез страну, яже) об он пол иордана. И снидошася паки народи к нему: и яко обычай имe, паки учаше их.

²И приступльше фарисее вопросиша его: аще достоит мужу жену пустити? искушающе его.

³Он же отвeщав рече им: что вам заповeда моисей?

⁴Они же рeша: моисей повелe книгу распустную написати, и пустити.

⁵И отвeщав Иисус рече им: по жестосердию вашему написа вам заповeдь сию:

⁶от начала же создания, мужа и жену сотворил я есть Бог:

⁷сего ради оставит человeк отца своего и матерь

⁸и прилeпится к женe своей, и будета оба в плоть едину: тeмже уже нeста два, но плоть едина:

⁹еже убо Бог сочета, человeк да не разлучает.

¹⁰И в дому паки ученицы его о сем вопросиша его.

¹¹И глагола им: иже аще пустит жену свою и оженится иною, прелюбы творит на ню:

¹²и аще жена пустит мужа (мужа своего) и посягнет за иного, прелюбы творит.

¹³И приношаху к нему дeти, да коснется их: ученицы же прещаху приносящым.

¹⁴Видeв же Иисус негодова и рече им: оставите дeтей приходити ко мнe и не браните им, тацeх бо есть царствие Божие:

¹⁵аминь глаголю вам: иже аще не приимет царствия Божия яко отроча, не имать внити в не.

¹⁶И обемь их, возложь руцe на них, благсвляше их.

¹⁷И исходящу ему на путь, притек нeкий и поклонься на колeну ему, вопрошаше его: учителю благий, что сотворю, да живот вeчный наслeдствую?

¹⁸Иисус же рече ему: что мя глаголеши блага? никтоже благ, токмо един Бог.

¹⁹Заповeди вeси: не прелюбы сотвориши: не убий: не укради: не лжесвидeтелствуй: не обиди: чти отца твоего и матерь.

²⁰Он же отвeщав рече ему: учителю, сия вся сохраних от юности моея.

²¹Иисус же воззрeв нань, возлюби его и рече ему: единаго еси не докончал: иди, елика имаши, продаждь и даждь нищым, и имeти имаши сокровище на небеси: и прииди (и) ходи вслeд мене, взем крест.

²²Он же дряхл быв о словеси (о словеси сем), отиде скорбя: бe бо имeя стяжания многа.

²³И воззрeв Иисус глагола учеником своим: како неудобь имущии богатство в царствие Божие внидут.

²⁴Ученицы же ужасахуся о словесeх его. Иисус же паки отвeщав глагола им: чада, како неудобь уповающым на богатство в царствие Божие внити:

²⁵удобeе бо есть вельбуду сквозe иглинe ушы проити, неже богату в царствие Божие внити.

²⁶Они же излиха дивляхуся, глаголюще к себe: то кто может спасен быти?

²⁷Воззрeв же на них Иисус глагола: у человeк невозможно, но не у Бога: вся бо возможна суть у Бога.

²⁸Начат же петр глаголати ему: се, мы оставихом вся и вслeд тебе идохом.

²⁹Отвeщав же Иисус рече: аминь глаголю вам: никтоже есть, иже оставил есть дом, или братию, или сестры, или отца, или матерь, или жену, или чада, или села, мене ради и евангелиа ради:

³⁰аще не приимет сторицею нынe во время сие, домов, и братий, и сестр, и отца, и матере, и чад, и сел, во изгнании, и в вeк грядущий живот вeчный:

³¹мнози же будут первии послeдни, и послeднии перви.

³²Бяху же на пути, восходяще во иерусалим: и бe варяя их Иисус, и ужасахуся, и вслeд идуще, бояхуся. И поемь паки обанадесять, начат им глаголати, яже хотяху ему быти:

³³яко, се, восходим во иерусалим, и Сын человeческий предан будет архиереом и книжником, и осудят его на смерть, и предадят его языком:

³⁴и поругаются ему, и уязвят его, и оплюют его, и убиют его: и в третий день воскрснет.

³⁵И пред него приидоста иаков и иоанн, сына зеведеева, глаголюща: учителю, хощева, да, еже аще просива, сотвориши нама.

³⁶Он же рече има: что хощета, да сотворю вама?

³⁷Она же рeста ему: даждь нам, да един о десную тебе и един о шуюю тебе сядева во славe твоей.

³⁸Иисус же рече има: не вeста, чесо просита: можета ли пити чашу, юже аз пию, и крещением, имже аз крещаюся, креститися?

³⁹Она же рeста ему: можева. Иисус же рече има: чашу убо, юже аз пию, испиета, и крещением, имже аз крещаюся, креститася:

⁴⁰а еже сeсти о десную мене и о шуюю, нeсть мнe дати, но имже уготовано есть.

⁴¹И слышавше десять, начаша негодовати о иаковe и иоаннe.

⁴²Иисус же призвав их, глагола им: вeсте, яко мнящиися владeти языки, соодолeвают им, и велицыи их обладают ими:

⁴³не тако же будет в вас: но иже аще хощет в вас вящший быти, да будет вам слуга:

⁴⁴и иже аще хощет в вас быти старeй, да будет всeм раб:

⁴⁵ибо Сын человeчь не прииде, да послужат ему, но да послужит и даст душу свою избавление за многи.

⁴⁶И приидоша во иерихон. И исходящу ему от иерихона, и учеником его, и народу многу, сын тимеов вартимей слeпый сeдяше при пути, прося.

⁴⁷И слышав, яко Иисус назорянин есть, начат звати и глаголати: Сыне давидов Иисусе, помилуй мя.

⁴⁸И прещаху ему мнози, да умолчит: он же множае паче зваше: Сыне давидов, помилуй мя.

⁴⁹И став Иисус, рече его возгласити. И возгласиша слeпца, глаголюще ему: дерзай, востани, зовет тя.

⁵⁰Он же отверг ризы своя, востав прииде ко Иисусови.

⁵¹И отвeщав глагола ему Иисус: что хощеши, да сотворю тебe? Слeпый же глагола ему: учителю, да прозрю.

⁵²Иисус же рече ему: иди: вeра твоя спасе тя. И абие прозрe и по Иисусe иде в путь.