Read Новый Завет на церковнославянском языке От Марка 11 Bible Online

От Марка 11 - Новый Завет на церковнославянском языке bible

От Марка 11

¹И егда приближися во иерусалим, в виффагию и вифанию, к горe елеонстeй, посла два от ученик своих

²и глагола има: идита в весь, яже есть прямо вама: и абие входяща в ню, обрящета жребя привязано, на неже никтоже от человeк всeде: отрeшша е, приведита:

³и аще кто вама речет: что творита сие? рцыта, яко Господь требует е: и абие послет е сeмо.

⁴Идоста же, и обрeтоста жребя привязано при дверех внe на распутии, и отрeшиста е.

⁵И нeцыи от стоящих ту глаголаху има: что дeета отрeшающа жребя?

⁶Она же рeста им, якоже заповeда има Иисус: и оставиша я.

⁷И приведоста жребя ко Иисусови: и возложиша на не ризы своя, и всeде на не.

⁸Мнози же ризы своя постлаша по пути: друзии же ваиа рeзаху от древия и постилаху по пути.

⁹И предходящии и вслeд грядущии вопияху, глаголюще: осанна, благсвен грядый во имя Господне,

¹⁰благсвено грядущее царство во имя Господа отца нашего давида: осанна в вышних.

¹¹И вниде во иерусалим Иисус и в церковь: и соглядав вся, поздe уже сущу часу, изыде в вифанию со обeманадесяте.

¹²И наутрие изшедшым им от вифании, взалка:

¹³и видeв смоковницу издалеча, имущу листвие, прииде, аще убо что обрящет на ней: и пришед к ней, ничесоже обрeте, токмо листвие: не у бо бe время смоквам.

¹⁴И отвeщав Иисус рече ей: да не ктому от тебе во вeки никтоже плода Сынeсть. И слышаху ученицы его.

¹⁵И приидоша (паки) во иерусалим. И вшед Иисус в церковь, начат изгонити продающыя и купующыя в церкви: и трапезы торжником и сeдалища продающих голуби испроверже:

¹⁶и не даяше, да кто мимонесет сосуд сквозe церковь.

¹⁷И учаше, глаголя им: нeсть ли писано, яко храм мой храм молитвы наречется всeм языком? вы же сотвористе его вертеп разбойником.

¹⁸И слышаша книжницы и архиерее, и искаху, како его погубят: бояхубося его, яко весь народ дивляшеся о учении его.

¹⁹И яко поздe бысть, исхождаше вон из града.

²⁰И утро мимоходяще, видeша смоковницу изсохшу из корения.

²¹И воспомянув петр глагола ему: равви, виждь, смоковница, юже проклял еси, усше.

²²И отвeщав Иисус глагола им:

²³имeйте вeру Божию: аминь бо глаголю вам, яко, иже аще речет горe сей: двигнися и верзися в море: и не размыслит в сердцы своем, но вeру имет, яко еже глаголет, бывает: будет ему, еже аще речет:

²⁴сего ради глаголю вам: вся елика аще молящеся просите, вeруйте, яко приемлете: и будет вам:

²⁵и егда стоите молящеся, отпущайте, аще что имате на кого, да и Отец ваш, иже есть на небесeх, отпустит вам согрeшения ваша:

²⁶аще ли же вы не отпущаете, ни Отец ваш, иже есть на небесeх, отпустит вам согрeшений ваших.

²⁷И приидоша паки во иерусалим. И в церкви ходящу ему, приидоша к нему архиерее и книжницы и старцы

²⁸и глаголаша ему: коею областию сия твориши? и кто ти область сию даде, да сия твориши?

²⁹Иисус же отвeщав рече им: вопрошу вы и аз словесе единаго, и отвeщайте ми: и реку вам, коею областию сия творю:

³⁰крещение иоанново с небесе ли бe, или от человeк? отвeщайте ми.

³¹И мысляху в себe, глаголюще: аще речем, с небесе, речет: почто убо не вeровасте ему?

³²но аще речем, от человeк: бояхуся людий: вси бо имeяху иоанна, яко воистинну пророк бe.

³³И отвeщавше глаголаша Иисусови: не вeмы. И отвeщав Иисус глагола им: ни аз глаголю вам, коею областию сия творю.