Read Новый Завет на церковнославянском языке От Марка 12 Bible Online

От Марка 12 - Новый Завет на церковнославянском языке bible

От Марка 12

¹И начат им в притчах глаголати: виноград насади человeк, и огради оплотом, и ископа точило, и созда столп, и предаде его тяжателем (дeлателем), и отиде.

²И посла к тяжателем во время раба, да от тяжатель приимет от плода винограда:

³они же емше его биша и отослаша тща.

⁴И паки посла к ним другаго раба: и того камением бивше, пробиша главу ему и послаша безчестна.

⁵И паки иного посла: и того убиша: и многи ины, овы убо биюще, овы же убивающе.

⁶Еще убо единаго сына имe возлюбленнаго своего, посла и того к ним послeди, глаголя, яко усрамятся сына моего.

⁷Они же тяжателе рeша к себe, яко сей есть наслeдник: приидите, убием его, и наше будет наслeдствие.

⁸И емше его убиша и извергоша его вон из винограда.

⁹Что убо сотворит господь винограда? Приидет и погубит тяжатели и даст виноград инeм.

¹⁰Ни писания ли сего чли есте: камень, егоже не в ряду сотвориша зиждущии, сей бысть во главу угла:

¹¹от Господа бысть сие, и есть дивно во очию нашею?

¹²И искаху его яти, и убояшася народа: разумeша бо, яко к ним притчу рече: и оставльше его отидоша.

¹³И послаша к нему нeкия от фарисей и иродиан, да его обольстят словом.

¹⁴Они же пришедше глаголаша ему: учителю, вeмы, яко истинен еси и не радиши ни о комже: не зриши бо на лице человeков, но воистинну пути Божию учиши: достоит ли кинсон кесареви дати, или ни? дамы ли, или не дамы?

¹⁵Он же вeдый их лицемeрие, рече им: что мя искушаете? принесите ми пeнязь, да вижу.

¹⁶Они же принесоша. И глагола им: чий образ сий и написание? Они же рeша ему: кесарев.

¹⁷И отвeщав Иисус рече им: воздадите кесарева кесареви и Божия Богови. И чудишася о нем.

¹⁸И приидоша саддукее к нему, иже глаголют воскреснию не быти: и вопросиша его, глаголюще:

¹⁹учителю, моисей написа нам, яко аще кому брат умрет и оставит жену, а чад не оставит: да поймет брат его жену его и воскресит сeмя брату своему.

²⁰Седмь братий бe: и первый поят жену и умирая не остави сeмене:

²¹и вторый поят ю и умре, и ни той остави сeмене: и третий такожде:

²²и пояша ю седмь и не оставиша сeмене: послeди же всeх умре и жена.

²³В воскресние убо, егда воскреснут, которому их будет жена: седмь бо имeша ю жену.

²⁴И отвeщав Иисус рече им: не сего ли ради прельщаетеся, не вeдуще писания, ни силы Божия?

²⁵егда бо из мертвых воскреснут, ни женятся, ни посягают, но суть яко ангели на небесeх:

²⁶о мертвых же, яко востают, нeсте ли чли в книгах моисеовых, при купинe яко рече ему Бог, глаголя: аз Бог авраамов и Бог исааков и Бог иаковль?

²⁷нeсть Бог мертвых, но Бог живых: вы убо много прельщаетеся.

²⁸И приступль един от книжник, слышав их стязающихся и видeв, яко добрe отвeща им, вопроси его: кая есть первая всeх заповeдий?

²⁹Иисус же отвeща ему: яко первeйши всeх заповeдий: слыши, Израилю, Господь Бог ваш Господь един есть:

³⁰и возлюбиши Господа Бога твоего всeм сердцем твоим, и всею душею твоею, и всeм умом твоим, и всею крeпостию твоею: сия есть первая заповeдь.

³¹И вторая подобна ей: возлюбиши ближняго своего яко сам себе. Болшая сею ина заповeдь нeсть.

³²И рече ему книжник: добрe, учителю, воистинну рекл еси, яко един есть Бог, и нeсть ин развe его:

³³и еже любити его всeм сердцем, и всeм разумом, и всею душею, и всею крeпостию: и еже любити ближняго яко себе, болe есть всeх всесожжений и жертв.

³⁴Иисус же видeв, яко смысленно отвeща, рече ему: не далече еси от царствия Божия. И никтоже смeяше ктому его вопросити.

³⁵И отвeщав Иисус глаголаше, учя в церкви: како глаголют книжницы, яко Христос Сын есть давидов?

³⁶Той бо давид рече духом святым: глагола Господь Господеви моему: сeди о десную мене, дондеже положу враги твоя подножие ногама твоима.

³⁷Сам убо давид глаголет его Господа: и откуду Сын ему есть? И мног народ послушаше его в сладость.

³⁸И глаголаше им во учении своем: блюдитеся от книжник, хотящих во одeяниих ходити, и цeлования на торжищих,

³⁹и преждесeдания на сонмищих, и первовозлежания на вечерях:

⁴⁰поядающе домы вдовиц и непщеванием надолзe молящеся, сии приимут лишшее осуждение.

⁴¹И сeд Иисус прямо сокровищному хранилищу, зряше, како народ мещет мeдь в сокровищное хранилище. И мнози богатии вметаху многа.

⁴²И пришедши едина вдовица убога, вверже лептe двe, еже есть кодрант.

⁴³И призвав ученики своя, рече им: аминь глаголю вам, яко вдовица сия убогая множае всeх вверже вметающих в сокровищное хранилище:

⁴⁴вси бо от избытка своего ввергоша: сия же от лишения своего вся, елика имeяше, вверже, все житие свое.