Read Новый Завет на церковнославянском языке От Марка 13 Bible Online

От Марка 13 - Новый Завет на церковнославянском языке bible

От Марка 13

¹И исходящу ему от церкве, глагола ему един от ученик его: учителю, виждь, каково камение и какова здания.

²И отвeщав Иисус рече ему: видиши ли сия великая здания? не имать остати здe камень на камени, иже не разорится.

³И сeдящу ему на горe елеонстeй прямо церкве, вопрошаху его единаго петр и иаков, и иоанн и андрей:

⁴рцы нам, когда сия будут? и кое (будет) знамение, егда имут вся сия скончатися?

⁵Иисус же отвeщав им, начат глаголати: блюдитеся, да не кто вас прельстит.

⁶Мнози бо приидут во имя мое, глаголюще, яко аз есмь: и многи прельстят.

⁷Егда же услышите брани и слышания бранем, не ужасайтеся: подобает бо быти: но не у кончина.

⁸Востанет бо язык на язык, и царство на царство: и будут труси по мeстом, и будут глади и мятежи. Начало болeзнем сия.

⁹Блюдитеся же вы сами: предадят бо вы в сонмища, и на соборищих биени будете: и пред воеводы и цари ведени будете мене ради, во свидeтелство им.

¹⁰И во всeх языцeх подобает прежде проповeдатися евангелию.

¹¹Егда же поведут вы предающе, не прежде пецытеся, что возглаголете, ни поучайтеся: но еже аще дастся вам в той час, се глаголите: не вы бо будете глаголющии, но дух святый.

¹²Предаст же брат брата на смерть, и отец чадо: и востанут чада на родители и убиют их.

¹³И будете ненавидими всeми имене моего ради: претерпeвый же до конца, той спасен будет.

¹⁴Егда же узрите мерзость запустeния, реченную даниилом пророком, стоящу, идeже не подобает: чтый да разумeет: тогда сущии во иудеи да бeжат на горы:

¹⁵и иже на кровe, да не слазит в дом, ни да внидет взяти чесо от дому своего:

¹⁶и иже на селe сый, да не возвратится вспять взяти ризу свою.

¹⁷Горе же непраздным и доящым в тыя дни.

¹⁸Молитеся же, да не будет бeгство ваше в зимe.

¹⁹Будут бо дние тии скорбь, якова не бысть такова от начала создания, еже созда Бог, донынe, и не будет.

²⁰И аще не бы Господь прекратил дний, не бы убо спаслася всяка плоть: но избранных ради, ихже избра, прекратит дни.

²¹Тогда аще кто речет вам: се, здe Христос, или: се, ондe: не имите вeры.

²²Востанут бо лжехристи и лжепророцы и дадят знамения и чудеса, еже прельстити, аще возможно, и избранныя.

²³Вы же блюдитеся: се, прежде рeх вам вся.

²⁴Но в тыя дни, по скорби той, солнце померкнет, и луна не даст свeта своего,

²⁵и звeзды будут с небесе спадающя, и силы, яже на небесeх, подвижутся.

²⁶И тогда узрят Сына человeческаго грядуща на облацeх с силою и славою многою.

²⁷И тогда послет ангелы своя и соберет избранныя своя от четырех вeтр, от конца земли до конца неба.

²⁸От смоковницы же научитеся притчи: егда уже вeтвие ея будет младо и изращает листвие, вeдите, яко близ есть жатва:

²⁹тако и вы, егда сия видите бывающа, вeдите, яко близ есть, при дверех.

³⁰Аминь глаголю вам, яко не имать прейти род сей, дондеже вся сия будут.

³¹Небо и земля прейдут, словеса же моя не прейдут.

³²О дни же том или о часe никтоже вeсть, ни ангели, иже суть на небесeх, ни Сын, токмо Отц.

³³Блюдите, бдите и молитеся: не вeсте бо, когда время будет.

³⁴Якоже человeк отходя оставль дом свой, и дав рабом своим власть, и комуждо дeло свое, и вратарю повелe, да бдит.

³⁵Бдите убо: не вeсте бо, когда господь дому приидет, вечер, или полунощи, или в пeтлоглашение, или утро:

³⁶да не пришед внезапу, обрящет вы спящя.

³⁷А яже вам глаголю, всeм глаголю: бдите.