Read Новый Завет на церковнославянском языке От Марка 14 Bible Online

От Марка 14 - Новый Завет на церковнославянском языке bible

От Марка 14

¹Бe же пасха и опрeсноцы по двою днию: и искаху архиерее и книжницы, како его лестию емше убиют:

²глаголаху же: (но) не в праздник, еда (да не) како молва будет людска.

³И сущу ему в вифании, в дому симона прокаженнаго, возлежащу ему, прииде жена, имущи алавастр мира нарднаго пистикиа многоцeнна: и сокрушши алавастр, возливаше ему на главу.

⁴Бяху же нeцыи негодующе в себe и глаголюще: почто гибель сия мирная бысть?

⁵можаше бо сие продано быти вящше триех сот пeнязь и датися нищым. И прещаху ей.

⁶Иисус же рече: оставите ю: что ей труды даете? добро дeло содeла о мнe.

⁷Всегда бо нищыя имате с собою, и егда хощете, можете им добро творити: мене же не всегда имате.

⁸Еже имe (возможе) сия, сотвори: предвари помазати мое тeло на погребение.

⁹Аминь глаголю вам: идeже аще проповeстся евангелие сие во всем мирe, и еже сотвори сия, глаголано будет в память ея.

¹⁰И иуда искариотский, един от обоюнадесяте, иде ко архиереем, да предаст его им.

¹¹Они же слышавше возрадовашася и обeщаша ему сребреники дати. И искаше, како его в удобно время предаст.

¹²И в первый день опрeснок, егда пасху жряху, глаголаша ему ученицы его: гдe хощеши, шедше уготоваем, да яси пасху?

¹³И посла два от ученик своих и глагола има: идита во град: и срящет вас человeк в скудельницe воду нося: по нем идита,

¹⁴и идeже аще внидет, рцыта господину дому, яко учитель глаголет: гдe есть виталница, идeже пасху со ученики моими Сынeм?

¹⁵и той вама покажет горницу велию, постлану, готову: ту уготовайта нам.

¹⁶И изыдоста ученика его, и приидоста во град, и обрeтоста, якоже рече има: и уготоваста пасху.

¹⁷И вечеру бывшу прииде со обeманадесяте.

¹⁸И возлежащым им и ядущым, рече Иисус: аминь глаголю вам, яко един от вас предаст мя, ядый со мною.

¹⁹Они же начаша скорбeти и глаголати ему един по единому: еда аз? И другий: еда аз?

²⁰Он же отвeщав рече им: един от обоюнадесяте, омочивый со мною в солило.

²¹Сын убо человeческий идет, якоже есть писано о нем: горе же человeку тому, имже Сын человeческий предастся: добрeе было бы ему, аще не бы родился человeк той.

²²И ядущым им, приемь Иисус хлeб, (и) благсвив, преломи и даде им, и рече: приимите, ядите: сие есть тeло мое.

²³И приим чашу, хвалу воздав, даде им: и пиша от нея вси.

²⁴И рече им: сия есть кровь моя новаго завeта, за многи изливаема:

²⁵аминь глаголю вам, яко ктому не имам пити от плода лознаго до дне того, егда е пию ново во царствии Божии.

²⁶И воспeвше изыдоша в гору елеонскую.

²⁷И глагола им Иисус, яко вси соблазнитеся о мнe в нощь сию: писано бо есть: поражу пастыря, и разыдутся овцы.

²⁸Но потом, егда воскрсну, варяю вы в галилеи.

²⁹Петр же рече ему: аще и вси соблазнятся, но не аз.

³⁰И глагола ему Иисус: аминь глаголю тебe, яко ты днесь в нощь сию, прежде даже вторицею пeтель не возгласит, трикраты отвержешися мене.

³¹Он же множае глаголаше паче: аще (же) ми есть с тобою и умрети, не отвергуся тебе. Такожде и вси глаголаху.

³²И приидоша в весь, ейже имя гефсиманиа: и глагола учеником своим: сeдите здe, дондеже шед помолюся.

³³И поят петра и иакова и иоанна с собою: и начат ужасатися и тужити.

³⁴И глагола им: прискорбна есть душа моя до смерти: будите здe и бдите.

³⁵И прешед мало, паде на земли и моляшеся, да, аще возможно есть, мимо идет от него час:

³⁶и глаголаше: авва Отче, вся возможна тебe: мимо неси от мене чашу сию: но не еже аз хощу, но еже ты.

³⁷И прииде, и обрeте их спящих, и глагола петрови: симоне, спиши ли? не возмогл еси единаго часа побдeти?

³⁸бдите и молитеся, да не внидете в напасть: дух убо бодр, плоть же немощна.

³⁹И паки шед помолися, тожде слово рек.

⁴⁰И возвращься обрeте я паки спяща: бяху бо очеса им тяготна: и не вeдяху, что быша ему отвeщали.

⁴¹И прииде третицею и глагола им: спите прочее и почивайте: приспe конец, прииде час: се, предается Сын человeческий в руки грeшником:

⁴²востаните, идем: се, предаяй мя приближися.

⁴³И абие, еще ему глаголющу, прииде иуда, един сый от обоюнадесяте, и с ним народ мног со оружием и дрекольми, от архиерей и книжник и старец.

⁴⁴Даде же предаяй его знамение им, глаголя: егоже аще лобжу, той есть: имите его и ведите (его) сохранно.

⁴⁵И пришед, абие приступль к нему, глагола (ему): равви, равви. И облобыза его.

⁴⁶Они же возложиша руцe свои на него и яша его.

⁴⁷Един же нeкто от стоящих извлек нож, удари раба архиереова и урeза ему ухо.

⁴⁸И отвeщав Иисус рече им: яко на разбойника ли изыдосте со оружием и дрекольми яти мя?

⁴⁹По вся дни бeх при вас в церкви учя, и не ясте мене: но да сбудется писание.

⁵⁰И оставльше его, вси бeжаша.

⁵¹И един нeкто юноша иде по нем, одeян в плащаницу по нагу: и яша того юношу.

⁵²Он же оставль плащаницу, наг бeжа от них.

⁵³И ведоша Иисуса ко архиерею: и снидошася к нему вси архиерее и книжницы и старцы.

⁵⁴И петр издалеча вслeд его иде до внутрь во двор архиереов: и бe сeдя со слугами и грeяся при свeщи (при огни).

⁵⁵Архиерее же и весь сонм искаху на Иисуса свидeтелства, да умертвят его: и не обрeтаху.

⁵⁶Мнози бо лжесвидeтелствоваху на него, и равна свидeтелства не бяху.

⁵⁷И нeцыи воставше лжесвидeтелствоваху на него, глаголюще:

⁵⁸яко мы слышахом его глаголюща, яко аз разорю церковь сию рукотвореную и треми денми ину нерукотворену созижду.

⁵⁹И ни тако равно бe свидeтелство их.

⁶⁰И востав архиерей посредe, вопроси Иисуса, глаголя: не отвeщаваеши ли ничесоже? что сии на тя свидeтелствуют?

⁶¹Он же молчаше и ничтоже отвeщаваше. Паки архиерей вопроси его и глагола ему: ты ли еси Христос, Сын благсвеннаго?

⁶²Иисус же рече: аз есмь: и узрите Сына человeческаго о десную сeдяща силы и грядуща со облаки небесными.

⁶³Архиерей же растерзав ризы своя, глагола: что еще требуем свидeтелей?

⁶⁴слышасте хулу: что вам мнится? Они же вси осудиша его быти повинна смерти.

⁶⁵И начаша нeцыи плювати нань, и прикрывати лице его, и мучити его, и глаголати ему: прорцы. И слуги по ланитома его бияху.

⁶⁶И сущу петрови во дворe низу, прииде едина от рабынь архиереовых,

⁶⁷и видeвши петра грeющася, воззрeвши на него, глагола: и ты с назарянином Иисусом был еси.

⁶⁸Он же отвержеся, глаголя: не вeм, ниже знаю, что ты глаголеши. И изыде вон на преддворие: и алектор возгласи.

⁶⁹И рабыня видeвши его паки, начат глаголати предстоящым, яко сей от них есть.

⁷⁰Он же паки отметашеся. И помалe паки предстоящии глаголаху петрови: воистинну от них еси: ибо галилеанин еси, и бесeда твоя подобится.

⁷¹Он же нача ротитися и клятися, яко не вeм человeка сего, егоже вы глаголете.

⁷²И второе алектор возгласи. И помяну петр глагол, егоже рече ему Иисус, яко прежде даже пeтель не возгласит двакраты, отвержешися мене трикраты. И начен плакашеся.