Read Новый Завет на церковнославянском языке От Марка 15 Bible Online

От Марка 15 - Новый Завет на церковнославянском языке bible

От Марка 15

¹И абие наутрие совeт сотвориша архиерее со старцы и книжники, и весь сонм, связавше Иисуса ведоша и предаша (его) пилату.

²И вопроси его пилат: ты ли еси царь иудейский? Он же отвeщав рече ему: ты глаголеши.

³И глаголаху на него архиерее много.

⁴Пилат же паки вопроси его, глаголя: не отвeщаваеши ли ничтоже? виждь, колика на тя свидeтелствуют.

⁵Иисус же ктому ничтоже отвeща, яко дивитися пилату.

⁶На (всяк) же праздник отпущаше им единаго связня, егоже прошаху.

⁷Бe же нарицаемый варавва со сковники своими связан, иже в ковe убийство сотвориша.

⁸И возопив народ нача просити, якоже всегда творяше им.

⁹Пилат же отвeща им, глаголя: хощете ли, пущу вам царя иудейска?

¹⁰Вeдяше бо, яко зависти ради предаша его архиерее.

¹¹Архиерее же помануша народу, да паче варавву пустит им.

¹²Пилат же отвeщав паки рече им: что убо хощете сотворю, егоже глаголете царя иудейска?

¹³Они же паки возопиша (глаголюще): пропни его.

¹⁴Пилат же глаголаше им: что бо зло сотвори? Они же излиха вопияху: пропни его.

¹⁵Пилат же хотя народу хотeние сотворити, пусти им варавву: и предаде Иисуса, бив, да пропнут его.

¹⁶Воини же ведоша его внутрь двора, еже есть претор: и созваша всю спиру,

¹⁷и облекоша его в препряду, и возложиша на него сплетше тернов вeнец,

¹⁸и начаша цeловати его (и глаголати): радуйся, царю иудейский.

¹⁹И бияху его по главe тростию, и плюваху на него, и прегибающе колeна покланяхуся ему.

²⁰И егда поругашася ему, совлекоша с него препряду и облекоша его в ризы своя: и изведоша его, да пропнут его.

²¹И задeша мимоходящу нeкоему симону киринею, грядущу с села, отцу александрову и руфову, да возмет крест его.

²²И приведоша его на голгофу мeсто, еже есть сказаемо лобное мeсто.

²³И даяху ему пити есмирнисмено вино: он же не прият.

²⁴И распеншии его раздeлиша ризы его, метающе жребий о них, кто что возмет.

²⁵Бe же час третий, и распяша его.

²⁶И бe написание вины его написано: царь иудейск.

²⁷И с ним распяша два разбойника, единаго о десную и единаго о шуюю его.

²⁸И сбыстся писание, еже глаголет: и со беззаконными вмeнися.

²⁹И мимоходящии хуляху его, покивающе главами своими и глаголюще: уа, разоряяй церковь и треми денми созидаяй,

³⁰спасися сам и сниди со креста.

³¹Такожде и архиерее ругающеся, друг ко другу с книжники глаголаху: ины спасе, себе ли не может спасти?

³²Христос, царь Израилев, да снидет нынe со креста, да видим и вeру имем ему. И распятая с ним поношаста ему.

³³Бывшу же часу шестому, тма бысть по всей земли до часа девятаго.

³⁴И в час девятый возопи Иисус гласом велиим, глаголя: елои, елои, лама савахфани? еже есть сказаемо: Боже мой, Боже мой, почто мя оставил еси?

³⁵И нeцыи от предстоящих слышавше, глаголаху: се, илию гласит.

³⁶Тек же един, и наполнив губу оцта, и возложь на трость, напаяше его, глаголя: оставите, да видим, аще приидет илиа Сыняти его.

³⁷Иисус же пущь глас велий, издше.

³⁸И завeса церковная раздрася на двое, свыше до низу.

³⁹Видeв же сотник стояй прямо ему, яко тако возопив издше, рече: воистинну человeк сей Сын бe Божий.

⁴⁰Бяху же и жены издалеча зрящя, в нихже бe мариа магдалина, и мариа иакова малаго и иосии мати, и саломиа,

⁴¹яже, и егда бe в галилеи, хождаху по нем и служаху ему: и ины многия, яже взыдоша с ним во иерусалим.

⁴²И уже поздe бывшу, понеже бe пяток, еже есть к субботe,

⁴³прииде иосиф, иже от аримафеа, благообразен совeтник, иже и той бe чая царствия Божия, дерзнув вниде к пилату, и проси тeлесе Иисусова.

⁴⁴Пилат же дивися, аще уже умре: и призвав сотника, вопроси его: аще уже умре?

⁴⁵И увeдeв от сотника, даде тeло иосифови.

⁴⁶И купив плащаницу и сынемь его, обвит плащаницею: и положи его во гроб, иже бe изсeчен от камене: и привали камень над двери гроба.

⁴⁷Мариа же магдалина и мариа иосиева зрястe, гдe его полагаху.