Read Новый Завет на церковнославянском языке От Марка 16 Bible Online

От Марка 16 - Новый Завет на церковнославянском языке bible

От Марка 16

¹И минувшей субботe, мариа магдалина и мариа иаковля и саломиа купиша ароматы, да пришедшя помажут Иисуса.

²И зeло заутра во едину от суббот приидоша на гроб, возсиявшу солнцу,

³и глаголаху к себe: кто отвалит нам камень от дверий гроба?

⁴И воззрeвшя видeша, яко отвален бe камень: бe бо велий зeло.

⁵И вшедшя во гроб, видeша юношу сeдяща в десных, одeяна во одежду бeлу: и ужасошася.

⁶Он же глагола им: не ужасайтеся: Иисуса ищете назарянина распятаго: воста, нeсть здe: се, мeсто, идeже положиша его:

⁷но идите, рцыте учеником его и петрови, яко варяет вы в галилеи: тамо его видите, якоже рече вам.

⁸И изшедшя бeжаша от гроба: имяше (одержаше) же их трепет и ужас: и ни комуже ничтоже рeша: бояхубося.

⁹Воскрес же (Иисус) заутра в первую субботу, явися прежде марии магдалини, из неяже изгна седмь бeсов.

¹⁰Она (же) шедши возвeсти с ним бывшым, плачущымся и рыдающым:

¹¹и они слышавше, яко жив есть и видeн бысть от нея, не яша вeры.

¹²По сих же двeма от них грядущема явися инeм образом, идущема на село.

¹³И та шедша возвeстиста прочым: и ни тeма вeры яша.

¹⁴Послeди (же) возлежащым им единомунадесяте явися, и поноси невeрствию их и жестосердию, яко видeвшым его воставша не яша вeры.

¹⁵И рече им: шедше в мир весь, проповeдите евангелие всей твари.

¹⁶Иже вeру имет и крестится, спасен будет: а иже не имет вeры, осужден будет.

¹⁷Знамения же вeровавшым сия послeдуют: именем моим бeсы ижденут: языки возглаголют новы:

¹⁸змия возмут: аще и что смертно испиют, не вредит их: на недужыя руки возложат, и здрави будут.

¹⁹Господь же убо, по глаголании (его) к ним, вознесеся на небо и сeде о десную Бога.

²⁰Они же изшедше проповeдаша всюду, Господу поспeшствующу и слово утверждающу послeдствующими знаменьми. Аминь.