Read Новый Завет на церковнославянском языке От Марка 2 Bible Online

От Марка 2 - Новый Завет на церковнославянском языке bible

От Марка 2

¹И вниде паки в капернаум по днех: и слышано бысть, яко в дому есть.

²И абие собрашася мнози, якоже ктому не вмещатися ни при дверех: и глаголаше им слово.

³И приидоша к нему носяще разслабленна (жилами), носима четырми:

⁴и не могущым приближитися к нему народа ради, открыша покров, идeже бe, и прокопавше свeсиша одр, на немже разслабленный лежаше.

⁵Видeв же Иисус вeру их, глагола разслабленному: чадо, отпущаются тебe грeси твои.

⁶Бяху же нeцыи от книжник ту седяще и помышляюще в сердцах своих:

⁷что сей тако глаголет хулы? кто может оставляти грeхи, токмо един Бог?

⁸И абие разумeв Иисус духом своим, яко тако тии помышляют в себe, рече им: что сия помышляете в сердцах ваших?

⁹что есть удобeе? рещи разслабленному: отпущаются тебe грeси? или рещи: востани, и возми одр твой, и ходи?

¹⁰но да увeсте, яко власть имать Сын человeческий на земли отпущати грeхи: глагола разслабленному:

¹¹тебe глаголю: востани, и возми одр твой, и иди в дом твой.

¹²И воста абие, и взем одр, изыде пред всeми: яко дивитися всeм и славити Бога, глаголющым, яко николиже тако видeхом.

¹³И изыде паки к морю: и весь народ идяше к нему, и учаше их.

¹⁴И мимогрядый видe левию алфеова, сeдяща на мытницe, и глагола ему: по мнe гряди. И востав вслeд его иде.

¹⁵И бысть возлежащу ему в дому его, и мнози мытари и грeшницы возлежаху со Иисусом и со ученики его: бяху бо мнози, и по нем идоша.

¹⁶И книжницы и фарисее, видeвше его ядуща с мытари и грeшники, глаголаху учеником его: что яко с мытари и грeшники яст и пиет?

¹⁷И слышав Иисус глагола им: не требуют здравии врача, но болящии: не приидох призвати првдники, но грeшники на покаяние.

¹⁸И бяху ученицы иоанновы и фарисейстии постящеся. И приидоша и глаголаша ему: почто ученицы иоанновы и фарисейстии постятся, а твои ученицы не постятся?

¹⁹И рече им Иисус: еда могут сынове брачнии, дондеже жених с ними есть, поститися? елико время с собою имут жениха, не могут поститися:

²⁰приидут же дние, егда отимется от них жених, и тогда постятся в тыя дни:

²¹и никтоже приложения плата небeлена пришивает к ризe ветсe: аще ли же ни, возмет конец его новое от ветхаго (отторгнет приставление его новое (нeчто) от ветхаго), и горша дира будет:

²²и никтоже вливает вина нова в мeхи ветхи: аще ли же ни, просадит вино новое мeхи, и вино пролиется, и мeси погибнут: но вино новое в мeхи новы влияти (влияти подобает).

²³И бысть мимоходити ему в субботы сквозe сeяния, и начаша ученицы его путь творити, востерзающе класы.

²⁴И фарисее глаголаху ему: виждь, что творят в субботы, егоже не достоит?

²⁵И той глаголаше им: нeсте ли николиже чли, что сотвори давид, егда требование имe и взалка сам и иже с ним?

²⁶како вниде в дом Божий при авиафарe архиереи, и хлeбы предложения Сынeде, ихже не достояше ясти токмо иереем, и даде и сущым с ним?

²⁷И глаголаше им: суббота человeка ради бысть, а не человeк субботы ради:

²⁸тeмже господь есть Сын человeческий и субботe.