Read Новый Завет на церковнославянском языке От Марка 3 Bible Online

От Марка 3 - Новый Завет на церковнославянском языке bible

От Марка 3

¹И вниде паки в сонмище: и бe тамо человeк, суху имый руку.

²И назираху его, аще в субботы изцeлит его, да нань возглаголют.

³И глагола человeку суху имущему руку: стани посредe.

⁴И глагола им: достоит ли в субботы добро творити, или зло творити? душу спасти, или погубити? Они же молчаху.

⁵И воззрeв на них со гнeвом, скорбя о окаменении сердец их, глагола человeку: простри руку твою. И простре: и утвердися рука его цeла яко другая.

⁶И изшедше фарисее, абие со иродианы совeт творяху нань, како его погубят.

⁷Иисус же отиде со ученики своими к морю: и мног народ от галилеи по нем иде, и от иудеи,

⁸и от иерусалима, и от идумеи, и со онаго полу иордана. И от тира и сидона множество многое, слышавше, елика творяше, (и) приидоша к нему.

⁹И рече учеником своим, да корабль будет у него народа ради, да не стужают ему.

¹⁰Многи бо изцeли, якоже нападати на него, да ему прикоснутся, елицы имeяху раны.

¹¹И дуси нечистии, егда видяху его, припадаху к нему и зваху, глаголюще, яко ты еси Сын Божий.

¹²И много прещаше им, да не явлена его сотворят.

¹³И взыде на гору и призва, ихже хотяше сам: и приидоша к нему.

¹⁴И сотвори дванадесяте, да будут с ним, и да посылает их проповeдати,

¹⁵и имeти власть цeлити недуги и изгонити бeсы:

¹⁶и нарече симону имя петр:

¹⁷и иакова зеведеова и иоанна брата иаковля: и нарече има имена воанергес, еже есть сына громова:

¹⁸и андреа, и филиппа, и варфоломеа, и матфеа, и фому, и иакова алфеова, и фаддеа, и симона кананита,

¹⁹и иуду искариотскаго, иже и предаде его.

²⁰И приидоша в дом: и собрася паки народ, яко не мощи им ни хлeба ясти.

²¹И слышавше иже бяху у него, изыдоша, да имут его: глаголаху бо, яко неистов есть.

²²И книжницы, иже от иерусалима низшедшии, глаголаху, яко веельзевула имать и яко о князи бeсовстeм изгонит бeсы.

²³И призвав их, в притчах глаголаше им: како может сатана сатану изгонити?

²⁴И аще царство на ся раздeлится, не может стати царство то:

²⁵и аще дом на ся раздeлится, не может стати дом той:

²⁶и аще сатана воста на ся сам и раздeлися, не может стати, но конец имать.

²⁷Никтоже может сосуды крeпкаго, вшед в дом его, расхитити, аще не первeе крeпкаго свяжет: и тогда дом его расхитит.

²⁸Аминь глаголю вам, яко вся отпустятся согрeшения сыном человeческим, и хуления, елика аще восхулят:

²⁹а иже восхулит на духа святаго, не имать отпущения во вeки, но повинен есть вeчному суду.

³⁰Зане глаголаху: духа нечистаго имать.

³¹Приидоша убо мати и братия его, и внe стояще послаша к нему, зовуще его.

³²И сeдяше народ окрест его. Рeша же ему: се, мати твоя и братия твоя (и сестры твоя) внe ищут тебе.

³³И отвeща им, глаголя: кто есть мати моя, или братия моя?

³⁴И соглядав окрест себе сeдящыя, глагола: се, мати моя и братия моя:

³⁵иже бо аще сотворит волю Божию, сей брат мой и сестра моя и мати (ми) есть.