Read Новый Завет на церковнославянском языке От Марка 4 Bible Online

От Марка 4 - Новый Завет на церковнославянском языке bible

От Марка 4

¹И паки начат учити при мори: и собрася к нему народ мног, якоже самому влeзшу в корабль, сeдeти в мори: и весь народ при мори на земли бяше.

²И учаше их притчами много и глаголаше им во учении своем:

³слышите: се, изыде сeяй сeяти:

⁴и бысть егда сeяше, ово паде при пути, и приидоша птицы, и позобаша е:

⁵другое же паде при камени, идeже не имяше земли многи, и абие прозябе, зане не имяше глубины земныя:

⁶солнцу же возсиявшу присвяде, и зане не имяше корене, изсше:

⁷и другое паде в тернии, и взыде терние, и подави е: и плода не даде:

⁸и другое паде на земли добрeй, и даяше плод восходящь и растущь, и приплодоваше на тридесять, и на шестьдесят, и на сто.

⁹И глаголаше: имeяй ушы слышати да слышит.

¹⁰Егда же бысть един, вопросиша его, иже бяху с ним, со обeманадесяте о притчи.

¹¹И глаголаше им: вам есть дано вeдати тайны царствия Божия: онeм же внeшним в притчах вся бывают,

¹²да видяще видят, и не узрят: и слышаще слышат, и не разумeют: да не когда обратятся, и оставятся им грeси.

¹³И глагола им: не вeсте ли притчи сея? и како вся притчи уразумeете?

¹⁴Сeяй, слово сeет.

¹⁵Сии же суть, иже при пути, идeже сeется слово, и егда услышат, абие приходит сатана и отемлет слово сeянное в сердцах их.

¹⁶И сии суть такожде иже на каменных сeемии, иже егда услышат слово, абие с радостию приемлют е:

¹⁷и не имут корения в себe, но привременни суть: таже бывшей печали или гонению словесе ради, абие соблажняются.

¹⁸А сии суть, иже в тернии сeемии, слышащии слово:

¹⁹и печали вeка сего, и лесть богатства, и о прочих похоти входящыя подавляют слово, и безплодно бывает.

²⁰И сии суть, иже на земли добрeй сeяннии, иже слышат слово и приемлют, и плодствуют на тридесять, и на шестьдесят, и на сто.

²¹И глаголаше им: еда свeтилник приходит (вжигают), да под спудом положат его или под одром? не да ли на свeщницe положен будет?

²²нeсть бо тайно, еже не явится, ниже бысть потаено, но да приидет в явление:

²³аще кто имать ушы слышати, да слышит.

²⁴И глаголаше им: блюдите что слышите: в нюже мeру мeрите, возмeрится вам, и приложится вам слышащым:

²⁵иже бо аще имать, дастся ему: а иже не имать, и еже имать, отимется от него.

²⁶И глаголаше: тако есть (и) царствие Божие, якоже человeк вметает сeмя в землю,

²⁷и спит, и востает нощию и днию: и сeмя прозябает и растет, якоже не вeсть он:

²⁸от себе бо земля плодит прежде траву, потом клас, таже исполняет пшеницу в класe:

²⁹егда же созрeет плод, абие послет серп, яко наста жатва.

³⁰И глаголаше: чесому уподобим царствие Божие? или коей притчи приложим е?

³¹яко зерно горушично, еже егда всeяно будет в земли, мнeе всeх сeмен есть земных:

³²и егда всeяно будет, возрастает, и бывает болeе всeх зелий, и творит вeтви велия, яко мощи под сeнию его птицам небесным витати.

³³И таковыми притчами многими глаголаше им слово, якоже можаху слышати.

³⁴Без притчи же не глаголаше им словесе: особь же учеником своим сказаше вся.

³⁵И глагола им в той день, вечеру бывшу: прейдем на он пол.

³⁶И отпущше народы, пояша его якоже бe в корабли: и инии же корабли бяху с ним.

³⁷И бысть буря вeтрена велика: волны же вливахуся в корабль, яко уже погружатися ему.

³⁸И бe сам на кормe на возглавницe спя. И возбудиша его и глаголаша ему: учителю, не радиши ли, яко погибаем?

³⁹И востав запрети вeтру и рече морю: молчи, престани. И улеже вeтр, и бысть тишина велия.

⁴⁰И рече им: что тако страшливи есте? како не имате вeры?

⁴¹И убояшася страхом велиим и глаголаху друг ко другу: кто убо сей есть, яко и вeтр и море послушают его?