Read Новый Завет на церковнославянском языке От Марка 5 Bible Online

От Марка 5 - Новый Завет на церковнославянском языке bible

От Марка 5

¹И приидоша на он пол моря, во страну гадаринскую.

²И излeзшу ему из корабля, абие срeте его от гробов человeк в дусe нечистe,

³иже жилище имяше во гробeх, и ни веригами никтоже можаше его связати:

⁴зане ему многажды путы и ужы (желeзны) связану сущу, и растерзатися от него ужем (желeзным) и путом сокрушатися: и никтоже можаше его умучити (укротити):

⁵и выну нощь и день во гробeх и в горах бe, вопия и толкийся камением.

⁶Узрeв же Иисуса издалеча, тече и поклонися ему,

⁷и возопив гласом велиим, рече: что мнe и тебe, Иисусе, Сыне Бога вышняго? заклинаю тя Богом, не мучи мене.

⁸Глаголаше бо ему: изыди, душе нечистый, от человeка.

⁹И вопрошаше его: что ти есть имя? И отвeща глаголя: легеон имя мнe, яко мнози есмы.

¹⁰И молиша его много, да не послет их внe страны.

¹¹Бe же ту при горe стадо свиное велие пасомо.

¹²И молиша его вси бeси, глаголюще: посли ны во свиния, да в ня внидем.

¹³И повелe им абие Иисус. И изшедше дуси нечистии, внидоша во свиния: и устремися стадо по брегу в море, бяху же яко двe тысящы, и утопаху в мори.

¹⁴Пасущии же свиния бeжаша и возвeстиша во градe и в селeх. И изыдоша видeти, что есть бывшее.

¹⁵И приидоша ко Иисусови, и видeша бeсновавшагося сeдяща и оболчена и смысляща, имeвшаго легеон: и убояшася.

¹⁶Повeдаша же им видeвшии, како бысть бeсному, и о свиниях.

¹⁷И начаша молити его отити от предeл их.

¹⁸И влeзшу ему в корабль, моляше его бeсновавыйся, дабы был с ним.

¹⁹Иисус же не даде ему, но рече ему: иди в дом твой ко твоим и возвeсти им, елика ти господь сотвори и помилова тя.

²⁰И иде и нача проповeдати в десяти градeх, елика сотвори ему Иисус. И вси дивляхуся.

²¹И прешедшу Иисусу в корабли паки на он пол, собрася народ мног о нем (к нему). И бe при мори.

²²И се, прииде един от архисинагог, именем иаир, и видeв его, паде при ногу его

²³и моляше его много, глаголя, яко дщи моя на кончинe есть: да пришед возложиши на ню руцe, яко да спасется и жива будет.

²⁴И иде с ним: и по нем идяху народи мнози и угнетаху его.

²⁵И жена нeкая сущи в точении крове лeт дванадесяте,

²⁶и много пострадавши от мног врачев, и издавши своя вся, и ни единыя пользы обрeтши, но паче в горшее пришедши:

²⁷слышавши о Иисусe, пришедши в народe созади, прикоснуся ризe его:

²⁸глаголаше бо, яко, аще прикоснуся ризам его, спасена буду.

²⁹И абие изсякну источник крове ея: и разумe (и ощути) тeлом, яко изцeлe от раны.

³⁰И абие Иисус разумe в себe силу изшедшую от него, (и) обращься в народe, глаголаше: кто прикоснуся ризам моим?

³¹И глаголаху ему ученицы его: видиши народ угнетающь тя, и глаголеши: кто прикоснуся мнe?

³²И обглядаше видeти сотворшую сие.

³³Жена же убоявшися и трепещущи, вeдящи, еже бысть ей, прииде и припаде к нему и рече ему всю истину.

³⁴Он же рече ей: дщи, вeра твоя спасе тя: иди в мирe и буди цeла от раны твоея.

³⁵Еще ему глаголющу, (и) приидоша от архисинагога, глаголюще, яко дщи твоя умре: что еще движеши учителя?

³⁶Иисус же абие слышав слово глаголемое, глагола архисинагогови: не бойся, токмо вeруй.

³⁷И не остави по себe ни единаго ити, токмо петра и иакова и иоанна брата иаковля.

³⁸И прииде в дом архисинагогов и видe молву, плачущыяся и кричащыя много.

³⁹И вшед глагола им: что молвите и плачетеся? отроковица нeсть умерла, но спит.

⁴⁰И ругахуся ему. Он же изгнав вся, поят отца отроковицы и матерь, и иже (бeху) с ним, и вниде, идeже бe отроковица лежащи.

⁴¹И емь за руку отроковицу, глагола ей: талифа куми: еже есть сказаемо: дeвице, тебe глаголю, востани.

⁴²И абие воста дeвица и хождаше: бe бо лeт двоюнадесяте. И ужасошася ужасом велиим.

⁴³И запрети им много, да никтоже увeсть сего, и рече: дадите ей ясти.