Read Новый Завет на церковнославянском языке От Марка 6 Bible Online

От Марка 6 - Новый Завет на церковнославянском языке bible

От Марка 6

¹И изыде оттуду и прииде во отечествие свое: и по нем идоша ученицы его.

²И бывшей субботe, начат на сонмищи учити. И мнози слышащии дивляхуся, глаголюще: откуду сему сия? и что премдрость данная ему, и силы таковы рукама его бывают?

³не сей ли есть тектон, Сын мариин, брат же иакову и иосии и иудe и симону? и не сестры ли его здe (суть) в нас? И блажняхуся о нем.

⁴Глаголаше же им Иисус, яко нeсть пророк без чести, токмо во отечествии своем, и в сродствe и в дому своем.

⁵И не можаше ту ни единыя силы сотворити, токмо мало недужных, возложь руцe, изцeли.

⁶И дивляшеся за невeрствие их: и обхождаше веси окрест учя.

⁷И призва обанадесяте, и начат их посылати два два, и даяше им власть над духи нечистыми.

⁸И заповeда им, да ничесоже возмут на путь, токмо жезл един: ни пиры, ни хлeба, ни при поясe мeди:

⁹но обувени в сандалия: и не облачитися в двe ризe.

¹⁰И глаголаше им: идeже аще внидете в дом, ту пребывайте, дондеже изыдете оттуду:

¹¹и елицы аще не приимут вы, ниже послушают вас, исходяще оттуду, оттрясите прах, иже под ногами вашими, во свидeтелство им: аминь глаголю вам, отраднeе будет содомом и гоморром в день судный, неже граду тому.

¹²И изшедше проповeдаху, да покаются:

¹³и бeсы многи изгоняху: и мазаху маслом многи недужныя, и изцeлeваху.

¹⁴И услыша царь ирод: явe бо бысть имя его: и глаголаше, яко иоанн креститель от мертвых воста, и сего ради силы дeются о нем.

¹⁵Инии глаголаху, яко илиа есть: инии же глаголаху, яко пророк есть, или яко един от пророк.

¹⁶Слышав же ирод рече, яко, егоже аз усeкнух иоанна, той есть: той воста от мертвых.

¹⁷Той бо ирод послав, ят иоанна и связа его в темницe, иродиады ради жены филиппа брата своего, яко оженися ею.

¹⁸Глаголаше бо иоанн иродови: не достоит тебe имeти жену (филиппа) брата твоего.

¹⁹Иродиа же гнeвашеся на него и хотяше его убити: и не можаше.

²⁰Ирод бо бояшеся иоанна, вeдый его мужа првдна и свята, и соблюдаше его: и послушав его, многа творяше, и в сладость его послушаше.

²¹И приключшуся дню потребну (удобну), егда ирод рождеству своему вечерю творяше князем своим и тысящником и старeйшинам галилейским:

²²и вшедши дщерь тоя иродиады, и плясавши, и угождши иродови и возлежащым с ним, рече царь дeвицe: проси у мене егоже аще хощеши, и дам ти.

²³И клятся ей: яко егоже аще попросиши у мене, дам ти, и до пол царствия моего.

²⁴Она же изшедши рече матери своей: чесо прошу? Она же рече: главы иоанна крестителя.

²⁵И вшедши абие со тщанием к царю, просяше, глаголющи: хощу, да ми даси от него (абие) на блюдe главу иоанна крестителя.

²⁶И прискорбен быв царь, клятвы (же) ради и за возлежащих с ним не восхотe отрeщи ей.

²⁷И абие послав царь спекулатора, повелe принести главу его.

²⁸Он же шед усeкну его в темницe, и принесе главу его на блюдe, и даде ю дeвицe: и дeвица даде ю матери своей.

²⁹И слышавше ученицы его, приидоша и взяша труп его, и положиша его во гробe.

³⁰И собрашася апостоли ко Иисусу и возвeстиша ему вся, и елика сотвориша, и елика научиша.

³¹И рече им: приидите вы сами в пусто мeсто едини (особь) и почийте мало. Бяху бо приходящии и отходящии мнози, и ни ясти им бe когда.

³²И идоша в пусто мeсто кораблем едини.

³³И видeша их идущих народи, и познаша их мнози: и пeши от всeх градов стицахуся тамо, и предвариша их, и снидошася к нему.

³⁴И изшед видe Иисус народ мног и млсрдова о них, зане бяху яко овцы не имущыя пастыря: и начат их учити много.

³⁵И уже часу многу бывшу, приступльше к нему ученицы его, глаголаша, яко пусто есть мeсто, и уже час мног:

³⁶отпусти их, да шедше во окрестных селeх и весех купят себe хлeбы: не имут бо чесо ясти.

³⁷Он же отвeщав рече им: дадите им вы ясти. И глаголаша ему: да шедше купим двeма стома пeнязь хлeбы и дамы им ясти?

³⁸Он же рече им: колико хлeбы имате? идите и видите. И увeдeвше глаголаша: пять (хлeб), и двe рыбe.

³⁹И повелe им посадити вся на споды на споды (во округ) на травe зеленe.

⁴⁰И возлегоша на лeхи на лeхи (на кучы) по сту и по пятидесят.

⁴¹И приемь пять хлeб и двe рыбe, воззрeв на небо, благсви и преломи хлeбы, и даяше учеником своим, да предлагают пред ними: и обe рыбe раздeли всeм.

⁴²И ядоша вси и насытишася:

⁴³и взяша укрухи, дванадесяте кошя исполнь, и от рыбу.

⁴⁴Бяше же ядших хлeбы яко пять тысящ мужей.

⁴⁵И абие понуди ученики своя внити в корабль и варити (предварити) его на он пол к вифсаидe, дондеже сам отпустит народы.

⁴⁶И отрекся им (и отпустив я), иде в гору помолитися.

⁴⁷И вечеру бывшу, бe корабль посредe моря, и сам един на земли.

⁴⁸И видe их страждущих в плавании: бe бо вeтр противен им: и о четвертeй стражи нощнeй прииде к ним, по морю ходяй, и хотяше минути их.

⁴⁹Они же видeвше его ходяща по морю, мняху призрак быти и возопиша.

⁵⁰Вси бо его видeша и смутишася. И абие глагола с ними и рече им: дерзайте: аз есмь, не бойтеся.

⁵¹И вниде к ним в корабль: и улеже вeтр. И зeло излиха в себe ужасахуся и дивляхуся.

⁵²Не разумeша бо о хлeбeх: бe бо сердце их окаменено.

⁵³И прешедше приидоша в землю геннисаретску и присташа.

⁵⁴И изшедшым им из корабля, абие познаша его,

⁵⁵обтекше всю страну ту, начаша на одрeх приносити болящыя, идeже слышаху, яко ту есть.

⁵⁶И аможе аще вхождаше в веси, или во грады, или села, на распутиих полагаху недужныя и моляху его, да поне воскрилию ризы его прикоснутся: и елицы аще прикасахуся ему, спасахуся.