Read Новый Завет на церковнославянском языке От Марка 8 Bible Online

От Марка 8 - Новый Завет на церковнославянском языке bible

От Марка 8

¹В тыя дни, зeло многу народу сущу, и не имущым чесо ясти, призвав Иисус ученики своя, глагола им:

²млсрдую о народe, яко уже три дни присeдят мнe и не имут чесо ясти:

³и аще отпущу их не ядших в домы своя, ослабeют на пути: мнози бо от них издалеча пришли суть.

⁴И отвeщаша ему ученицы его: откуду сих возможет кто здe насытити хлeбы в пустыни?

⁵И вопроси их: колико имате хлeбов? Они же рeша: седмь.

⁶И повелe народу возлещи на земли: и приемь седмь хлeбов, хвалу воздав, преломи и даяше учеником своим, да предлагают: и предложиша пред народом.

⁷И имяху рыбиц мало: и (сия) благсвив, рече предложити и тыя.

⁸Ядоша же и насытишася: и взяша избытки укрух, седмь кошниц.

⁹Бяху же ядших яко четыре тысящы. И отпусти их.

¹⁰И абие влeз в корабль со ученики своими, прииде во страны далмануфански.

¹¹И изыдоша фарисее и начаша стязатися с ним, ищуще от него знамения с небесе, искушающе его.

¹²И воздохнув духом своим, глагола: что род сей знамения ищет? аминь глаголю вам, аще дастся роду сему знамение.

¹³И оставль их, влeз паки в корабль, (и) иде на он пол.

¹⁴И забыша ученицы его взяти хлeбы и развe единаго хлeба не имяху с собою в корабли.

¹⁵И прещаше им, глаголя: зрите, блюдитеся от кваса фарисейска и от кваса иродова.

¹⁶И помышляху, друг ко другу глаголюще, яко хлeбы не имамы.

¹⁷И разумeв Иисус, глагола им: что помышляете, яко хлeбы не имате? не у ли чувствуете, ниже разумeете? еще ли окаменено сердце ваше имате?

¹⁸очи имуще не видите? и ушы имуще не слышите? и не помните ли,

¹⁹егда пять хлeбы преломих в пять тысящ, колико кош исполнь укрух приясте? Глаголаша ему: дванадесять.

²⁰Егда же седмь в четыре тысящы, колико кошниц исполнения укрух взясте? Они же рeша: седмь.

²¹И глагола им: како не разумeете?

²²И прииде в вифсаиду: и приведоша к нему слeпа, и моляху его, да его коснется.

²³И емь за руку слeпаго, изведе его вон из веси: и плюнув на очи его, (и) возложь руцe нань, вопрошаше его, аще что видит?

²⁴И воззрeв глаголаше: вижу человeки яко древие ходящя.

²⁵Потом (же) паки возложи руцe на очи его и сотвори его прозрeти: и утворися (и изцeлe) и узрe свeтло все.

²⁶И посла его в дом его, глаголя: ни в весь вниди, ни повeждь кому в веси.

²⁷И изыде Иисус и ученицы его в веси кесарии филипповы: и на пути вопрошаше ученики своя, глаголя им: кого мя глаголют человeцы быти?

²⁸Они же отвeщаша: иоанна крестителя: и инии илию: друзии же единаго от пророк.

²⁹И той глагола им: вы же кого мя глаголете быти? Отвeщав же петр глагола ему: ты еси Христос.

³⁰И запрети им, да ни комуже глаголют о нем.

³¹И начат учити их, яко подобает Сыну человeческому много пострадати, и искушену быти от старец и архиерей и книжник, и убиену быти, и в третий день воскрснути.

³²И не обинуяся слово глаголаше. И приемь его петр, начат претити ему.

³³Он же обращься и воззрeв на ученики своя, запрети петрови, глаголя: иди за мною, сатано: яко не мыслиши, яже (суть) Божия, но яже человeческа.

³⁴И призвав народы со ученики своими, рече им: иже хощет по мнe ити, да отвержется себе, и возмет крест свой, и по мнe грядет:

³⁵иже бо аще хощет душу свою спасти, погубит ю: а иже погубит душу свою мене ради и евангелиа, той спасет ю:

³⁶кая бо польза человeку, аще приобрящет мир весь, и отщетит душу свою?

³⁷или что даст человeк измeну на души своей?

³⁸иже бо аще постыдится мене и моих словес в родe сем прелюбодeйнeм и грeшнeм, и Сын человeческий постыдится его, егда приидет во славe Отца своего со ангелы святыми.