Read Новый Завет на церковнославянском языке От Марка 9 Bible Online

От Марка 9 - Новый Завет на церковнославянском языке bible

От Марка 9

¹И глаголаше им: аминь глаголю вам, яко суть нeцыи от здe стоящих, иже не имут вкусити смерти, дондеже видят царствие Божие пришедшее в силe.

²И по шести днех поят Иисус петра и иакова и иоанна, и возведе их на гору высоку особь едины: и преобразися пред ними.

³И ризы его быша блещащяся, бeлы зeло яко Сынeг, яцeхже не может бeлилник убeлити на земли.

⁴И явися им илиа с моисеем: и бeста со Иисусом глаголюща.

⁵И отвeщав петр глагола Иисусови: равви, добро есть нам здe быти: и сотворим кровы три, тебe един, и моисееви един, и илии един.

⁶Не вeдяше бо, что рeщи: бяху бо пристрашни.

⁷И бысть облак осeняя их: и прииде глас из облака, глаголя: сей есть Сын мой возлюбленный, того послушайте.

⁸И внезапу воззрeвше, ктому ни когоже видeша, токмо Иисуса единаго с собою.

⁹Сходящым же им с горы, запрети им, да ни комуже повeдят, яже видeша, токмо егда Сын человeческий из мертвых воскрснет.

¹⁰И слово удержаша в себe, стязающеся, что есть, еже из мертвых воскрснути.

¹¹И вопрошаху его глаголюще: како глаголют книжницы, яко илии подобает приити прежде?

¹²Он же отвeщав рече им: илиа убо пришед прежде, устроит вся: и како есть писано о Сынe человeчестeм, да много постраждет и уничижен будет:

¹³но глаголю вам, яко и илиа прииде, и сотвориша ему, елика хотeша, якоже есть писано о нем.

¹⁴И пришед ко учеником, видe народ мног о них (окрест их) и книжники стязающяся с ними.

¹⁵И абие весь народ видeв его ужасеся, и пририщуще цeловаху его.

¹⁶И вопроси книжники: что стязаетеся к себe (с ними)?

¹⁷И отвeщав един от народа рече: учителю, приведох сына моего к тебe, имуща духа нeма:

¹⁸и идeже колиждо имет его, разбивает его, и пeны тещит, и скрежещет зубы своими, и оцeпенeвает: и рeх учеником твоим, да изженут его, и не возмогоша.

¹⁹Он же отвeщав ему глагола: о!, роде невeрен, доколe в вас буду? доколe терплю вы? приведите его ко мнe.

²⁰И привeдоша его к нему. И видeв его, абие дух стрясе его: и пад на земли, валяшеся, пeны тещя.

²¹И вопроси отца его: колико лeт есть, отнелeже сие бысть ему? Он же рече: издeтска:

²²и многажды во огнь вверже его и в воды, да погубит его: но аще что можеши, помози нам, млсрдовав о нас.

²³Иисус же рече ему: еже аще что можеши вeровати, вся возможна вeрующему.

²⁴И абие возопив отец отрочате, со слезами глаголаше: вeрую, Господи: помози моему невeрию.

²⁵Видeв же Иисус, яко срищется народ, запрети духу нечистому, глаголя ему: душе нeмый и глухий, аз ти повeлеваю: изыди из него и ктому не вниди в него.

²⁶И возопив и много пружався, изыде: и бысть яко мертв, якоже мнозeм глаголати, яко умре.

²⁷Иисус же емь его за руку, воздвиже его: и воста.

²⁸И вшедшу ему в дом, ученицы его вопрошаху его единаго: яко мы не возмогохом изгнати его?

²⁹И рече им: сей род ничимже может изыти, токмо молитвою и постом.

³⁰И оттуду изшедше, идяху сквозe галилею: и не хотяше, да кто увeсть.

³¹Учаше бо ученики своя и глаголаше им, яко Сын человeческий предан будет в руцe человeчестe, и убиют его: и убиен быв, в третий день воскрснет.

³²Они же не разумeваху глагола и бояхуся его вопросити.

³³И прииде в капернаум: и в дому быв, вопрошаше их: что на пути в себe помышлясте?

³⁴Они же молчаху: друг ко другу бо стязашася на пути, кто (есть) болий.

³⁵И сeд пригласи обанадесяте и глагола им: аще кто хощет старeй быти, да будет всeх менший и всeм слуга.

³⁶И приимь отроча, постави е посредe их: и обемь е, рече им:

³⁷иже аще едино таковых отрочат приимет во имя мое, мене приемлет: и иже мене приемлет, не мене приемлет, но пославшаго мя.

³⁸Отвeща ему иоанн, глаголя: учителю, видeхом нeкоего именем твоим изгоняща бeсы, иже не ходит по нас: и возбранихом ему, яко не послeдует нам.

³⁹Иисус же рече: не браните ему: никтоже бо есть, иже сотворит силу о имени моем, и возможет вскорe злословити мя.

⁴⁰Иже бо нeсть на вы, по вас есть.

⁴¹Иже бо аще напоит вы чашею воды во имя мое, яко Христовы есте, аминь глаголю вам, не погубит мзды своея.

⁴²И иже аще соблазнит единаго от малых сих вeрующих в мя, добрeе есть ему паче, аще облeжит камень жерновный о выи его, и ввержен будет в море.

⁴³И аще соблажняет тя рука твоя, отсeцы ю: добрeе ти есть бeднику (без руки) в живот внити, неже обe руцe имущу внити в геенну, во огнь неугасающий,

⁴⁴идeже червь их не умирает, и огнь не угасает.

⁴⁵И аще нога твоя соблажняет тя, отсeцы ю: добрeе ти есть внити в живот хрому, неже двe нозe имущу ввержену быти в геенну, во огнь неугасающий,

⁴⁶идeже червь их не умирает, и огнь не угасает.

⁴⁷И аще око твое соблажняет тя, исткни е: добрeе ти есть со единeм оком внити в царствие Божие, неже двe оцe имущу ввержену быти в геенну огненную,

⁴⁸идeже червь их не умирает, и огнь не угасает.

⁴⁹Всяк бо огнем осолится, и всяка жертва солию осолится.

⁵⁰Добро соль: аще же соль не слана будет, чим осолится? Имeйте соль в себe, и мир имeйте между собою.