Read Новый Завет на церковнославянском языке От Луки 1 Bible Online

От Луки 1 - Новый Завет на церковнославянском языке bible

От Луки 1

¹Понеже убо мнози начаша чинити повeсть о извeствованных в нас вещех,

²якоже предаша нам, иже исперва самовидцы и слуги бывшии словесе:

³изволися и мнe послeдовавшу выше вся испытно, поряду писати тебe, державный феофиле,

⁴да разумeеши, о нихже научился еси словесeх утверждение.

⁵Бысть во дни ирода царя иудейска, иерей нeкии, именем захариа, от дневныя чреды авиани: и жена его от дщерей аароновeх, и имя ей елисавет.

⁶Бeста же праведна оба пред Богом, ходяща во всeх заповeдех и оправданиих Господних безпорочна.

⁷И не бe има чада, понеже елисавет бe неплоды, и оба заматорeвша во днех своих бeста.

⁸Бысть же служащу ему в чину чреды своея пред Богом,

⁹по обычаю священничества ключися ему покадити, вшедшу в церковь Господню:

¹⁰и все множество людей бe молитву дeя внe, в год (во время) фимиама:

¹¹явися же ему ангел Господень, стоя одесную олтаря кадильнаго.

¹²И смутися захариа видeв, и страх нападе нань.

¹³Рече же к нему ангел: не бойся, захарие: зане услышана бысть молитва твоя, и жена твоя елисаветь родит сына тебe, и наречеши имя ему иоанн.

¹⁴И будет тебe радость и веселие, и мнози о рождествe его возрадуются.

¹⁵Будет бо велий пред Господем: и вина и сикера не имать пити, и духа святаго исполнится еще из чрева матере своея:

¹⁶и многих от сынов израилевых обратит ко Господу Богу их.

¹⁷И той предидет пред ним духом и силою илииною, обратити сердца отцем на чада, и противныя в мудрости праведных, уготовати Господви люди совершены.

¹⁸И рече захариа ко ангелу: по чесому разумeю сие? аз бо есмь стар, и жена моя заматорeвши во днех своих.

¹⁹И отвeщав ангел рече ему: аз есмь гавриил предстояй пред Богом, и послан есмь глаголати к тебe и благовeстити тебe сия:

²⁰и се будеши молчя и не могий проглаголати, до негоже дне будут сия: зане не вeровал еси словесем моим, яже сбудутся во время свое.

²¹И бeша людие ждуще захарию: и чудяхуся коснящу ему в церкви.

²²Изшед же не можаше глаголати к ним: и разумeша, яко видeние видe в церкви: и той бe помавая им, и пребываше нeм.

²³И бысть яко исполнишася дние службы его, иде в дом свой.

²⁴По сих же днех зачат елисавет жена его, и таяшеся мeсяц пять, глаголющи:

²⁵яко тако мнe сотвори Господь во дни, в няже призрe отяти поношение мое в человeцeх.

²⁶В мeсяц же шестый послан бысть ангел гавриил от Бога во град галилейский, емуже имя назарет,

²⁷к дeвe обрученнeй мужеви, емуже имя иосиф, от дому давидова: и имя дeвe мариамь.

²⁸И вшед к ней ангел рече: радуися, благодатная: Господь с тобою: благословена ты в женах.

²⁹Она же видeвши смутися о словеси его и помышляше, каково будет цeлование сие.

³⁰И рече ангел ей: не бойся, мариамь: обрeла бо еси благодать у Бога.

³¹И се зачнеши во чревe, и родиши Сына, и наречеши имя ему Иисус.

³²Сей будет велий, и Сын вышняго наречется: и даст ему Господь Бог престол давида отца его:

³³и воцарится в дому иаковли во вeки, и царствию его не будет конца.

³⁴Рече же мариамь ко ангелу: како будет сие, идeже мужа не знаю?

³⁵И отвeщав ангел рече ей: дух святый найдет на тя, и сила вышняго осeнит тя, тeмже и раждаемое свято наречется Сын Божий.

³⁶И се елисавет южика твоя, и та зачат сына в старости своей: и сей мeсяц шестый есть ей нарицаемeй неплоды?

³⁷яко не изнеможет у Бога всяк глагол.

³⁸Рече же мариамь: се раба Господня: буди мнe по глаголу твоему. И отиде от нея ангел.

³⁹Воставши же мариамь во дни тыя, иде в горняя со тщанием, во град иудов:

⁴⁰и вниде в дом захариин, и цeлова елисавет.

⁴¹И бысть яко услыша елисавет цeлование мариино, взыграся младенец во чревe ея: и исполнися духа свята елисавет,

⁴²и возопи гласом велиим, и рече: благословена ты в женах, и благословен плод чрева твоего.

⁴³И откуду мнe сие, да приидет мати Господа моего ко мнe?

⁴⁴Се бо, яко бысть глас цeлования твоего во ушию моею, взыграся младенец радощами во чревe моем.

⁴⁵И блаженна вeровавшая, яко будет совершение глаголанным ей от Господа.

⁴⁶И рече мариамь: величит душа моя Господа,

⁴⁷и возрадовася дух мой о Бозe спасe моем.

⁴⁸яко призрe на смирение рабы своея: се бо отнынe ублажат мя вси роди:

⁴⁹яко сотвори мнe величие сильный, и свято имя его:

⁵⁰и милость его в роды родов боящымся его.

⁵¹Сотвори державу мышцею своею: расточи гордыя мыслию сердца их?

⁵²низложи сильныя со престол, и вознесе смиренныя:

⁵³алчущыя исполни благ, и богатящыяся отпусти тщы.

⁵⁴Восприят израиля отрока своего, помянути милости,

⁵⁵якоже глагола ко отцем нашым, аврааму и сeмени его до вeка.

⁵⁶Пребысть же мариамь с нею яко три мeсяцы и возвратися в дом свой.

⁵⁷Елисавети же исполнися время родити ей, и роди сына.

⁵⁸И слышаша окрест живущии и ужики ея, яко возвеличил есть Господь милость свою с нею: и радовахуся с нею.

⁵⁹И бысть во осмый день, приидоша обрeзати отроча, и нарицаху е именем отца его, захарию.

⁶⁰И отвeщавши мати его рече: ни, но да наречется иоанн.

⁶¹И рeша к ней, яко никтоже есть в родствe твоем, иже нарицается именем тeм.

⁶²И помаваху отцу его, еже како бы хотeл нарещи е.

⁶³И испрошь дщицу, написа, глаголя: иоанн будет имя ему. И чудяхуся вси.

⁶⁴Отверзошася же уста его абие и язык его, и глаголаше, благословя Бога.

⁶⁵И бысть на всeх страх живущих окрест их: и во всей странe иудейстeй повeдаеми бяху вси глаголи сии.

⁶⁶И положиша вси слышавшии в сердцe своем, глаголюще: что убо отроча сие будет? И рука Господня бe с ним.

⁶⁷И захариа отец его исполнися духа свята, и пророчествова, глаголя:

⁶⁸благословен Господь Бог израилев, яко посeти и сотвори избавление людем своим:

⁶⁹и воздвиже рог спасeния нам, в дому давида отрока своего:

⁷⁰якоже глагола усты святых сущих от вeка пророк его,

⁷¹спасeние от враг наших и из руки всeх ненавидящих нас:

⁷²сотворити милость со отцы нашими и помянути завeт святый свой,

⁷³клятву, еюже клятся ко аврааму отцу нашему, дати нам,

⁷⁴без страха, из руки враг наших избавльшымся,

⁷⁵служити ему преподобием и правдою пред ним вся дни живота нашего.

⁷⁶И ты, отроча, пророк вышняго наречешися: предидеши бо пред лицем Господним, уготовати пути его,

⁷⁷дати разум спасeния людем его, во оставление грeх их,

⁷⁸милосердия ради милости Бога нашего, в нихже посeтил есть нас восток свыше,

⁷⁹просвeтити во тьмe и сeни смертнeи сeдящыя, направити ноги нашя на путь мирен.

⁸⁰отроча же растяше и крeпляшеся духом: и бe в пустынях до дне явления своего ко израилю.