Read Новый Завет на церковнославянском языке От Луки 10 Bible Online

От Луки 10 - Новый Завет на церковнославянском языке bible

От Луки 10

¹По сих же яви Господь и инeх седмьдесят, и посла их по двeма пред лицем своим во всяк град и мeсто, аможе хотяше сам ити.

²Глаголаше же к ним: жатва убо многа, дeлателей же мало: молитеся убо Господину жатвe, да изведет дeлатели на жатву свою.

³Идите: се аз посылаю вы яко агнцы посредe волков.

⁴Не носите влагалища, ни пиры, ни сапог и никогоже на пути цeлуйте.

⁵Воньже аще дом внидете, первeе глаголите: мир дому сему.

⁶И аще убо будет ту сын мира, почиет на нем мир ваш: аще ли же ни, к вам возвратится.

⁷В том же дому пребывайте, ядуще и пиюще, яже суть у них: достоин бо есть дeлатель мзды своея: не преходите из дому в дом.

⁸И воньже аще град входите, и приемлют вы, ядите предлагаемая вам:

⁹и исцeлите недужныя, иже суть в нем, и глаголите им: приближися на вы царствие Божие.

¹⁰И воньже аще град входите, и не приемлют вас, изшедше на распутия его, рцыте:

¹¹и прах прилeпший нам от града вашего, оттрясаем вам. обаче сие вeдите, яко приближися на вы царствие Божие.

¹²Глаголю вам, яко содомляном в день той отраднeе будет, неже граду тому.

¹³Горе тебe, хоразине, горе тебe, вифсаидо: яко аще в тирe и сидонe быша силы были бывшыя в ваю, древле убо во вретищи и пепелe сeдяще покаялися быша:

¹⁴обаче тиру и сидону отраднeе будет на судe, неже вама.

¹⁵И ты, капернауме, иже до небес вознесыйся, до ада низведешися.

¹⁶Слушаяй вас, мене слушает: и отметаяйся вас, мене отметается: отметаяйся же мене, отметается пославшаго мя.

¹⁷Возвратишася же седмьдесят с радостию, глаголюще: Господи, и бeси повинуются нам о имени твоем.

¹⁸Рече же им: видeх сатану яко молнию с небесе спадша.

¹⁹Се даю вам власть наступати на змию и на скорпию и на всю силу вражию: и ничесоже вас вредит.

²⁰Обаче о сем не радуйтеся, яко дуси вам повинуются: радуйтеся же, яко имена ваша написана суть на небесeх.

²¹В той час возрадовася духом Иисус и рече: исповeдаю ти ся, Отче, Господи небесе и земли, яко утаил еси сия от премудрых и разумных, и открыл еси та младенцем: ей, Отче, яко тако бысть благоволение пред тобою.

²²И обращься ко учеником, рече: вся мнe предана быша от Отца моего: и никтоже вeсть, кто есть Сын, токмо Отц: и кто есть Отц, токмо Сын, и емуже аще хощет Сын открыти.

²³И обращься ко учеником, един (особь) рече: блажени очи видящии, яже видите:

²⁴глаголю бо вам, яко мнози пророцы и царие восхотeша видeти, яже вы видите, и не видeша: и слышати, яже слышите, и не слышаша.

²⁵И се законник нeкий воста, искущая его и глаголя: учителю, что сотворив, живот вeчный наслeдую,

²⁶он же рече к нему. в законe что писано есть, како чтеши?

²⁷Он же отвeщав рече: возлюбиши Господа Бога твоего от всего сердца твоего, и от всея души твоея, и всею крeпостию твоею, и всeм помышлением твоим: и ближняго своего яко сам себе.

²⁸Рече же ему: право отвeщал еси: сие сотвори, и жив будеши.

²⁹Он же хотя оправдитися сам, рече ко Иисусу: и кто есть ближний мой?

³⁰Отвeщав же Иисус рече: человeк нeкий схождаше от иерусалима во иерихон, и в разбойники впаде, иже совлекше его, и язвы возложше отидоша, оставльше едва жива суща.

³¹По случаю же священник нeкий схождаше путем тeм, и видeв его, мимоиде.

³²Такожде же и левит, быв на том мeстe, пришед и видeв, мимоиде.

³³Самарянин же нeкто грядый, прииде над него, и видeв его, милосердова:

³⁴и приступль обвяза струпы его, возливая масло и вино: всадив же его на свой скот, приведе его в гостинницу, и прилeжа ему:

³⁵и наутрия изшед, изем два сребреника, даде гостиннику, и рече ему: прилeжи ему: и, еже аще прииждивеши, аз егда возвращуся, воздам ти.

³⁶Кто убо от тeх триех ближний мнит ти ся быти впадшему в разбойники?

³⁷Он же рече: сотворивый милость с ним. Рече же ему Иисус: иди, и ты твори такожде.

³⁸Бысть же ходящым им, и сам вниде в весь нeкую: жена же нeкая именем марфа прият его в дом свой.

³⁹И сестра ей бe нарицаемая мариа, яже и сeдши при ногу Иисусову, слышаше слово его.

⁴⁰Марфа же молвяше о мнозe службe, ставши же рече: Господи, не брежеши ли, яко сестра моя едину мя остави служити? рцы убо ей, да ми поможет.

⁴¹Отвeщав же Иисус рече ей: марфо, марфо, печешися, и молвиши о мнозe,

⁴²едино же есть на потребу: мариа же благую часть избра, яже не отимется от нея.