Read Новый Завет на церковнославянском языке От Луки 11 Bible Online

От Луки 11 - Новый Завет на церковнославянском языке bible

От Луки 11

¹И бысть внегда быти ему на мeстe нeкоем молящуся, и яко преста, рече нeкий от ученик его к нему: Господи, научи ны молитися, якоже и иоанн научи ученики своя.

²Рече же им: егда молитеся, глаголите: Отче наш, иже на небесeх, да святится имя твое: да приидет царствие твое: да будет воля твоя, яко на небеси, и на земли:

³хлeб наш насущный подавай нам на всяк день:

⁴и остави нам грeхи нашя, ибо и сами оставляем всякому должнику нашему: и не введи нас во искушение, но избави нас от лукаваго.

⁵И рече к ним: кто от вас имать друга, и идет к нему в полунощи, и речет ему: друже, даждь ми взаим три хлeбы:

⁶понеже друг прииде с пути ко мнe, и не имам чесо предложити ему.

⁷И той извнутрь отвeщав речет: не твори ми труды: уже двери затворены суть, и дeти моя со мною на ложи суть: и не могу востав дати тебe.

⁸Глаголю же вам: аще и не даст ему востав, зане друг ему есть: но за безочьство его, востав даст ему, елика требует.

⁹И аз вам глаголю: просите, и дастся вам: ищите, и обрящете: толцыте, и отверзется вам:

¹⁰всяк бо просяй приемлет, и ищяй обрeтает, и толкущему отверзется.

¹¹Котораго же вас отца воспросит сын хлeба, еда камень подаст ему? или рыбы, еда в рыбы мeсто змию подаст ему?

¹²или аще попросит яица, еда подаст ему скорпию?

¹³Аще убо вы зли суще, умeете даяния блага даяти чадом вашым, кольми паче Отц, иже с небесе, даст духа святаго просящым у него?

¹⁴И бe изгоня бeса, и той бe нeм: бысть же бeсу изшедшу, проглагола нeмый: и дивишася народи.

¹⁵Нeцыи же от них рeша: о веельзевулe князи бeсовстeм изгонит бeсы.

¹⁶Друзии же искушающе, знамения от него искаху с небесе.

¹⁷Он же вeдый помышления их, рече им: всяко царство само в себe раздeляяся, запустeет: и дом на дом, падает.

¹⁸Аще же и сатана сам в себe раздeлися, како станет царство его, якоже глаголете, о веельзевулe изгонящя мя бeсы.

¹⁹Аще же аз о веельзевулe изгоню бeсы, сынове ваши о ком изгонят? сего ради тии будут вам судии.

²⁰Аще ли же о перстe Божии изгоню бeсы, убо постиже на вас царствие Божие.

²¹Егда крeпкий вооружився хранит свой двор, во смирении (в мирe) суть имeния его:

²²егда же крeплeи его нашед побeдит его, все оружие его возьмет, на неже уповаше, и корысть его раздает.

²³Иже нeсть со мною, на мя есть: и иже не собирает со мною, расточает.

²⁴Егда же нечистый дух изыдет от человeка, преходит сквозe безводная мeста, ищя покоя: и не обрeтая, глаголет: возвращуся в дом мой, отнюдуже изыдох.

²⁵И пришед обрящет и пометен и украшен.

²⁶Тогда идет и поймет седмь других духов горших себе, и вшедше живут ту: и бывают послeдняя человeку тому горша первых.

²⁷Бысть же егда глаголаше сия, воздвигши нeкая жена глас от народа, рече ему: блажено чрево носившее тя, и сосца, яже еси ссал.

²⁸Он же рече: тeмже убо блажени слышащии слово Божие и хранящии е.

²⁹Народом же собирающымся начат глаголати: род сей лукав есть: знамения ищет, и знамение не дастся ему, токмо знамение ионы пророка:

³⁰Якоже бо бысть иона знамение ниневитом, тако будет и Сын человeческий роду сему.

³¹Царица южская востанет на суд с мужи рода сего, и осудит их: яко прииде от конец земли слышати премудрость соломонову: и се множае соломона здe.

³²Мужие ниневитстии востанут на суд с родом сим, и осудят и: яко покаяшася проповeдию иониною: и се множае ионы здe.

³³Никтоже убо свeтильника вжег, в скровe полагает, ни под спудом, но на свeщницe, да входящии свeт видят.

³⁴Свeтильник тeлу есть око: егда убо око твое просто будет, все тeло твое свeтло будет: егда же лукаво будет, и тeло твое темно.

³⁵Блюди убо, еда свeт, иже в тебe, тьма есть.

³⁶Аще бо тeло твое все свeтло, не имый нeкия части темны, будет свeтло все, якоже егда свeтильник блистанием прсвeщает тя.

³⁷Егда же глаголаше, моляше его фарисей нeкии, да обeдует у него: вшед же возлеже.

³⁸Фарисей же видeв дивися, яко не прежде крестися (не первeе умыся) прежде обeда.

³⁹Рече же Господь к нему: нынe вы, фарисее, внeшняя сткляницы и блюда очищаете, внутреннее же ваше полно грабления есть и лукавства.

⁴⁰Безумнии, не иже ли сотвори внeшнее, и внутреннее сотворил есть?

⁴¹Обаче от сущих дадите милостыню: и се вся чиста вам будут.

⁴²Но горе вам фарисеом, яко одесятствуете от мятвы и пигана и всякаго зелия, и мимоходите суд и любовь Божию: сия подобаше сотворити, и онeх не оставляти.

⁴³Горе вам фарисеом, яко любите предсeдания на сонмищех и цeлования на торжищих.

⁴⁴Горе вам, книжницы и фарисее лицемeри, яко есте яко гроби невeдоми, и человeцы ходящии верху не вeдят.

⁴⁵Отвeщав же нeкий от законник рече ему: учителю, сия глаголя, и нам досаждаеши.

⁴⁶Он же рече: и вам законником горе, яко накладаете на человeки бремена не удобь носима, и сами единeм перстом вашим не прикасаетеся бременем.

⁴⁷Горе вам, яко зиждете гробы пророк, отцы же ваши избиша их.

⁴⁸Убо свидeтельствуете и соблаговолите дeлом отец ваших: яко тии убо избиша их, вы же зиждете их гробы.

⁴⁹Сего ради и премудрость Божия рече: послю в них (к ним) пророки и апостолы, и от них убиют и изженут:

⁵⁰да взыщется кровь всeх пророк, проливаемая от сложения мира, от рода сего,

⁵¹от крове авеля даже до крове захарии, погибшаго между олтарем и храмом: ей, глаголю вам, взыщется от рода сего.

⁵²Горе вам законником, яко взясте ключь разумeния: сами не внидосте, и входящым возбранисте.

⁵³Глаголющу же ему сия к ним, начаша книжницы и фарисее бeднe (зeло) гнeватися нань и престати (вопрошати) его о мнозe,

⁵⁴лающе его (навeтующе нань), ищуще уловити нeчто от уст его, да нань возглаголют.