Read Новый Завет на церковнославянском языке От Луки 12 Bible Online

От Луки 12 - Новый Завет на церковнославянском языке bible

От Луки 12

¹О нихже (между тeм) собравшымся тьмам народа, яко попирати друг друга, начат глаголати учеником своим первeе: внемлите себe от кваса фарисейска, еже есть лицемeрие.

²Ничтоже бо покровено есть, еже не открыется, и тайно, еже не уразумeется.

³Зане, елика во тьмe рeсте, во свeтe услышатся: и еже ко уху глаголасте во храмeх, проповeсться на кровeх.

⁴Глаголю же вам другом своим: не убойтеся от убивающих тeло и потом не могущих лишше что сотворити.

⁵Сказую же вам, кого убойтеся: убойтеся имущаго власть по убиении воврещи в дебрь огненную: ей, глаголю вам, того убойтеся.

⁶Не пять ли птиц цeнится пeнязема двeма, и ни едина от них нeсть забвена пред Богом.

⁷Но и власи главы вашея вси изочтени суть. не убойтеся убо: мнозeх птиц унши есте вы.

⁸Глаголю же вам: всяк, иже аще исповeсть мя пред человeки, и Сын человeческий исповeсть его пред ангелы Божиими:

⁹а отвергийся мене пред человeки, отвержен будет пред ангелы Божиими.

¹⁰И всяк иже речет слово на Сына человeческаго, оставится ему: а на святаго духа хулившему не оставится.

¹¹Егда же приведут вы на соборища и власти и владычества, не пецытеся, како или что отвeщаете, или что речете:

¹²святый бо дух научит вы в той час, яже подобает рещи.

¹³Рече же ему нeкий от народа: учителю, рцы брату моему раздeлити со мною достояние.

¹⁴Он же рече ему: человeче, кто мя постави судию или дeлителя над вами?

¹⁵Рече же к ним: блюдите и хранитеся от лихоимства: яко не от избытка (внегда избыточествовати) кому живот его есть от имeния его.

¹⁶Рече же притчу к ним, глаголя: человeку нeкоему богату угобзися нива:

¹⁷и мысляше в себe, глаголя: что сотворю, яко не имам гдe собрати плодов моих?

¹⁸И рече: се сотворю: разорю житницы моя, и большыя созижду, и соберу ту вся жита моя и благая моя:

¹⁹и реку души моей: душе, имаши многа блага, лежаща на лeта многа: почивай, яждь, пий, веселися.

²⁰Рече же ему Бог: безумне, в сию нощь душу твою истяжут от тебе: а яже уготовал еси, кому будут?

²¹Тако собираяй себe, а не в Бога богатeя.

²²Рече же ко учеником своим: сего ради глаголю вам: не пецытеся душею вашею, что ясте: ни тeлом, во что облечетеся:

²³душа больши есть пищи, и тeло одежды.

²⁴Смотрите вран, яко не сeют, ни жнут: имже нeсть сокровища, ни житницы, и Бог питает их: кольми паче вы есте лучши птиц?

²⁵Кто же от вас пекийся может приложити возрасту своему лакоть един?

²⁶Аще убо ни мала чесо можете, что о прочих печетеся?

²⁷Смотрите крины, како растут: не труждаются, ни прядут: глаголю же вам, яко ни соломон во всей славe своей облечеся, яко един от сих.

²⁸Аще же траву, на селe днесь сущу и утрe в пещь вмещему, Бог тако одeвает: кольми паче вас, маловeри?

²⁹И вы не ищите, что ясте, или что пиете: и не возноситеся:

³⁰всeх бо сих языцы мира сего ищут: ваш же Отец вeсть, яко требуете сих.

³¹Обаче ищите царствия Божия, и сия вся приложатся вам.

³²Не бойся, малое стадо: яко благоизволи Отец ваш дати вам царство.

³³Продадите имeния ваша, и дадите милостыню. сотворите себe влагалища не ветшающа, сокровище неоскудeемо на небесeх, идeже тать не приближается, ни моль растлeвает.

³⁴Идeже бо сокровище ваше, ту и сердце ваше будет.

³⁵Да будут чресла ваша препоясана, и свeтильницы горящии:

³⁶и вы подобни человeком чающым господа своего, когда возвратится от брака, да пришедшу и толкнувшу, абие отверзут ему.

³⁷Блажени раби тии, ихже пришед господь обрящет бдящих: аминь глаголю вам, яко препояшется и посадит их, и минув (приступив) послужит им.

³⁸И аще приидет во вторую стражу, и в третию стражу приидет, и обрящет их тако, блажени суть раби тии.

³⁹Се же вeдите, яко аще бы вeдал господин храмины, в кий час тать приидет, бдeл убо бы, и не бы дал подкопати дому своего.

⁴⁰И вы убо будите готови: яко, воньже час не мните, Сын человeческий приидет.

⁴¹Рече же ему петр: Господи, к нам ли притчу сию глаголеши, или ко всeм?

⁴²Рече же Господь: кто убо есть вeрный строитель и мудрый, егоже поставит господь над челядию своею, даяти во время житомeрие?

⁴³Блажен раб той, егоже пришед господь его обрящет творяща тако:

⁴⁴воистинну глаголю вам, яко над всeм имeнием своим поставит его.

⁴⁵Аще же речет раб той в сердцы своем: коснит господин мой приити: и начнет бити рабы и рабыни, ясти же и пити и упиватися:

⁴⁶приидет господин раба того в день, воньже не чает, и в час, воньже не вeсть: и растешет его, и часть его с невeрными положит.

⁴⁷Той же раб вeдeвый волю господина своего, и не уготовав, ни сотворив по воли его, биен будет много.

⁴⁸Невeдeвый же, сотворив же достойная ранам, биен будет мало. Всякому же, емуже дано будет много, много взыщется от него: и емуже предаша множайше, множайше просят (истяжут) от него.

⁴⁹Огня приидох воврещи на землю, и что хощу, аще уже возгорeся?

⁵⁰Крещением же имам креститися, и како удержуся, дондеже скончаются?

⁵¹Мните ли, яко мир приидох дати на землю? ни, глаголю вам, но раздeление.

⁵²Будут бо отселe пять во едином дому раздeлени, трие на два, и два на три:

⁵³раздeлится отец на сына, и сын на отца: мати на дщерь, и дщи на матерь: свекры на невeсту свою, и невeста на свекровь свою.

⁵⁴Глаголаше же и народом: егда узрите облак восходящь от запада, абие глаголете: туча грядет: и бывает тако.

⁵⁵И егда юг вeющь, глаголете: зной будет: и бывает.

⁵⁶Лицемeри, лице небу и земли вeсте искушати: времене же сего како не искушаете?

⁵⁷Что же и о себe не судите праведное?

⁵⁸Егда бо грядеши с соперником твоим ко князю, на пути даждь дeлание (потщися) избыти от него: да не како привлечет тебе к судии, и судия тя предаст слузe, и слуга всадит тя в темницу:

⁵⁹глаголю тебe: не изыдеши оттуду, дондеже и послeднюю мeдницу воздаси.