Read Новый Завет на церковнославянском языке От Луки 13 Bible Online

От Луки 13 - Новый Завет на церковнославянском языке bible

От Луки 13

¹Приидоша же нeцыи в то время, повeдающе ему о галилеех, ихже кровь пилат смeси с жертвами их.

²И отвeщав Иисус рече им: мните ли, яко галилеане сии грeшнeйши паче всeх галилеан бяху, яко тако пострадаша?

³Ни, глаголю вам: но аще не покаетеся, вси такожде погибнете.

⁴Или они осмьнадесяте, на нихже паде столп силоамский и поби их, мните ли, яко тии должнeйши бяху паче всeх живущих во иерусалимe?

⁵Ни, глаголю вам: но аще не покаетеся, вси такожде погибнете.

⁶Глаголаше же сию притчу: смоковницу имяше нeкий в виноградe своем всаждену: и прииде ищя плода на ней, и не обрeте:

⁷рече же к винареви: се третие лeто, отнелиже прихожду ищя плода на смоковницe сей, и не обрeтаю: посeцы ю убо, вскую и землю упражняет?

⁸Он же отвeщав рече ему: господи, остави ю и се лeто, дондеже окопаю окрест ея и осыплю гноем:

⁹и аще убо сотворит плод: аще ли же ни, во грядущее посeчеши ю.

¹⁰Бяше же учя на едином от сонмищ в субботу:

¹¹и се жена бe имущи дух недужен лeт осмьнадесять, и бe сляка и не могущи восклонитися отнюд.

¹²Видeв же ю Иисус, пригласи и рече ей: жено, отпущена еси от недуга твоего.

¹³И возложи на ню руцe: и абие простреся, и славляше Бога.

¹⁴Отвeщав же старeйшина собору, негодуя, зане в субботу исцeли ю Иисус, глаголаше народу: шесть дний есть, в няже достоит дeлати: в тыя убо приходяще цeлитеся, а не в день субботный.

¹⁵Отвeща же убо ему Господь и рече: лицемeре, кождо вас в субботу не отрeшает ли своего вола или осла от яслий, и вед напаяет,

¹⁶сию же дщерь авраамлю сущу, юже связа сатана се осмоенадесяте лeто, не достояше ли разрeшитися ей от юзы сея в день субботный?

¹⁷И сия ему глаголющу, стыдяхуся вси противляющиися ему: и вси людие радовахуся о всeх славных бывающих от него.

¹⁸Глаголаше же: кому подобно есть царствие Божие? и кому уподоблю е?

¹⁹Подобно есть зерну горушну, еже прием человeк вверже в вертоград свой: и возрасте, и бысть древо велие, и птицы небесныя вселишася в вeтвие его.

²⁰Паки рече: кому уподоблю царствие Божие?

²¹Подобно есть квасу, егоже приемши жена, скры в сатeх триех муки, дондеже вскисе все.

²²И прохождаше сквозe грады и веси, учя и шествие творя во иерусалим.

²³Рече же нeкий ему: Господи, аще мало есть спасающихся? Он же рече к ним:

²⁴подвизайтеся внити сквозe тeсная врата: яко мнози, глаголю вам, взыщут внити, и не возмогут.

²⁵Отнелeже востанет дому владыка, и затворит двери, и начнете внe стояти и ударяти в двери, глаголюще: Господи, Господи, отверзи нам. И отвeщав речет вам: не вeм вас, откуду есте.

²⁶Тогда начнете глаголати: ядохом пред тобою и пихом, и на распутиих наших учил еси.

²⁷И речет: глаголю вам, не вeм вас, откуду есте: отступите от мене, вси дeлателие неправды.

²⁸Ту будет плачь и скрежет зубом, егда узрите авраама и исаака и иакова и вся пророки во царствии Божии, вас же изгонимых вон.

²⁹И приидут от восток и запад и сeвера и юга, и возлягут в царствии Божии.

³⁰И се суть послeднии, иже будут перви, и суть первии, иже будут послeдни.

³¹В той день приступиша нeцый от фарисей, глаголюще ему: изыди и иди отсюду, яко ирод хощет тя убити.

³²И рече им: шедше рцыте лису тому: се изгоню бeсы и исцeления творю днесь и утрe, и в третий скончаюся.

³³Обаче подобает ми днесь и утрe и в ближний ити: яко невозможно есть пророку погибнути кромe иерусалима.

³⁴Иерусалиме, иерусалиме, избивый пророки и камением побивая посланныя к тебe, колькраты восхотeх собрати чада твоя, якоже кокош гнeздо свое под крилe, и не восхотeсте?

³⁵Се оставляется вам дом ваш пуст. Глаголю же вам, яко не имате мене видeти, дондеже приидет, егда речете: благословен грядый во имя Господне.