Read Новый Завет на церковнославянском языке От Луки 14 Bible Online

От Луки 14 - Новый Завет на церковнославянском языке bible

От Луки 14

¹И бысть егда внити ему в дом нeкоего князя фарисейска в субботу хлeб ясти, и тии бяху назирающе его.

²И се человeк нeкий, имыи водный труд, бe пред ним.

³И отвeщав Иисус рече к законником и фарисеом, глаголя: аще достоит в субботу цeлити?

⁴Они же умолчаша. И прием исцeли его, и отпусти.

⁵И отвeщав к ним рече: котораго от вас осел или вол в студенец впадет, и не абие ли исторгнет его в день субботный?

⁶И не возмогоша отвeщати ему к сим.

⁷Глаголаше же к званным притчу, обдержя (внимая), како предсeдания избираху, глаголя к ним:

⁸егда зван будеши ким на брак, не сяди на преднем мeстe: еда кто честнeе тебе будет званных,

⁹и пришед иже тебе звавый и онаго, речет ти: даждь сему мeсто: и тогда начнеши со студом послeднее мeсто держати.

¹⁰Но егда зван будеши, шед сяди на послeднем мeстe, да егда приидет звавый тя, речет ти: друже, посяди выше: тогда будет ти слава пред званными с тобою.

¹¹Яко всяк возносяйся смирится, и смиряяйся вознесется.

¹²Глаголаше же и ко звавшему его: егда сотвориши обeд или вечерю, не зови другов твоих, ни братии твоея, ни сродник твоих, ни сосeд богатых: еда когда и тии тя такожде воззовут, и будет ти воздаяние.

¹³Но егда твориши пир, зови нищыя, маломощныя, хромыя, слeпыя:

¹⁴и блажен будеши, яко не имут ти что воздати: воздаст же ти ся в воскрешение праведных.

¹⁵Слышав же нeкий от возлежащих с ним сия, рече ему: блажен, иже Сынeсть обeд в царствии Божии.

¹⁶Он же рече ему: человeк нeкии сотвори вечерю велию, и зва многи:

¹⁷и посла раба своего в год вечери рещи званным: грядите, яко уже готова суть вся.

¹⁸И начаша вкупe отрицатися вси. Первый рече ему: село купих, и имам нужду изыти и видeти е. Молю ти ся, имeй мя отречена.

¹⁹И другий рече: супруг волов купих пять, и гряду искусити их. Молю тя, имeй мя отречена.

²⁰И другий рече: жену поях, и сего ради не могу приити.

²¹И пришед раб той повeда господину своему сия. Тогда разгнeвався дому владыка, рече рабу своему: изыди скоро на распутия и стогны града, и нищыя и бeдныя и слeпыя и хромыя введи сeмо.

²²И рече раб. Господи, бысть якоже повелeл еси, и еще мeсто есть.

²³И рече господин к рабу: изыди на пути и халуги, и убeди внити, да наполнится дом мой:

²⁴глаголю бо вам, яко ни един мужей тeх званных вкусит моея вечери: мнози бо суть звани, мало же избранных.

²⁵Идяху же с ним народи мнози: и обращься рече к ним:

²⁶аще кто грядет ко мнe, и не возненавидит отца своего и матерь, и жену, и чад, и братию, и сестр, еще же и душу свою, не может мой быти ученик:

²⁷и иже не носит креста своего и вслeд мене грядет, не может мой быти ученик.

²⁸Кто бо от вас, хотяй столп создати, не прежде ли сeд разчтет имeние, аще имать, еже есть на совершение?

²⁹да не, когда положит основание и не возможет совершити, вси видящии начнут ругатися ему,

³⁰глаголюще, яко сей человeк начат здати и не може совершити.

³¹Или кий царь идый ко иному царю Сынитися с ним на брань, не сeд ли прежде совeщавает, аще силен есть срeсти с десятию тысящ грядущаго со двeмадесятьма тысящама нань?

³²Аще ли же ни, еще далече ему сущу, моление послав молится о смирении.

³³Тако убо всяк от вас, иже не отречется всего своего имeния, не может быти мой ученик.

³⁴Добро есть соль: аще же соль обуяет, чим осолится?

³⁵Ни в землю, ни в гной потребна есть: вон изсыплют ю. Имeяй ушы слышати, да слышит.