Read Новый Завет на церковнославянском языке От Луки 15 Bible Online

От Луки 15 - Новый Завет на церковнославянском языке bible

От Луки 15

¹Бяху же приближающеся к нему вси мытарие и грeшницы, послушати его.

²И роптаху фарисее и книжницы, глаголюще, яко сей грeшники приемлет и с ними яст.

³Рече же к ним притчу сию, глаголя:

⁴кий человeк от вас имый сто овец, и погубль едину от них, не оставит ли девятидесяти и девяти в пустыни, и идет вслeд погибшия, дондеже обрящет ю?

⁵И обрeт возлагает на рамe свои радуяся:

⁶и пришед в дом, созывает други и сосeды, глаголя им: радуйтеся со мною, яко обрeтох овцу мою погибшую.

⁷Глаголю вам, яко тако радость будет на небеси о едином грeшницe кающемся, нежели о девятидесятих и девяти праведник, иже не требуют покаяния.

⁸Или кая жена имущи десять драхм, аще погубит драхму едину, не вжигает ли свeтильника, и пометет храмину, и ищет прилeжно, дондеже обрящет?

⁹И обрeтши созывает другини и сосeды, глаголющи: радуйтеся со мною, яко обрeтох драхму погибшую.

¹⁰Тако, глаголю вам, радость бывает пред ангелы Божиими о едином грeшницe кающемся.

¹¹Рече же: человeк нeкий имe два сына:

¹²и рече юнeйший ею (от них) отцу: отче, даждь ми достойную часть имeния. И раздeли има имeние.

¹³И не по мнозeх днех собрав все мний сын, отиде на страну далече, и ту расточи имeние свое, живый блудно.

¹⁴Изжившу же ему все, бысть глад крeпок на странe той, и той начат лишатися.

¹⁵И шед прилeпися единому от житель тоя страны: и посла его на села своя пасти свиния.

¹⁶И желаше насытити чрево свое от рожец, яже ядяху свиния: и никтоже даяше ему.

¹⁷В себе же пришед, рече: колико наемником отца моего избывают хлeбы, аз же гладом гиблю?

¹⁸Востав иду ко отцу моему, и реку ему: отче, согрeших на небо и пред тобою,

¹⁹и уже нeсмь достоин нарещися сын твой? сотвори мя яко единаго от наемник твоих.

²⁰И востав иде ко отцу своему. Еще же ему далече сущу, узрe его отец его, и мил ему бысть, и тек нападе на выю его, и облобыза его.

²¹Рече же ему сын: отче, согрeших на небо и пред тобою, и уже нeсмь достоин нарещися сын твой.

²²Рече же отец к рабом своим: изнесите одежду первую и облецыте его, и дадите перстень на руку его и сапоги на нозe:

²³и приведше телец упитанный заколите, и ядше веселимся:

²⁴яко сын мой сей мертв бe, и оживе: и изгибл бe, и обрeтеся. И начаша веселитися.

²⁵Бe же сын его старeй на селe: и яко грядый приближися к дому, слыша пeние и лики:

²⁶и призвав единаго от отрок, вопрошаше: что убо сия суть?

²⁷Он же рече ему, яко брат твой прииде: и закла отец твой тельца упитанна, яко здрава его прият.

²⁸Разгнeвася же, и не хотяше внити. Отец же его изшед моляше его.

²⁹Он же отвeщав рече отцу: се толико лeт работаю тебe, и николиже заповeди твоя преступих, и мнe николиже дал еси козляте, да со други своими возвеселился бых:

³⁰егда же сын твой сей, изядый твое имeние с любодeйцами, прииде, заклал еси ему тельца питомаго.

³¹Он же рече ему: чадо, ты всегда со мною еси и вся моя твоя суть:

³²возвеселити же ся и возрадовати подобаше, яко брат твой сей мертв бe, и оживе: и изгибл бe, и обрeтеся.