Read Новый Завет на церковнославянском языке От Луки 18 Bible Online

От Луки 18 - Новый Завет на церковнославянском языке bible

От Луки 18

¹Глаголаше же и притчу к ним, како подобает всегда молитися и не стужати си,

²глаголя: судия бe нeкий в нeкоем градe, Бога не бояся и человeк не срамляяся.

³Вдова же нeкая бe во градe том: и прихождаше к нему, глаголющи: отмсти мене от соперника моего.

⁴И не хотяше на долзe времени. Послeди же рече в себe: аще и Бога не боюся, и человeк не срамляюся:

⁵но зане творит ми труды вдовица сия, отмщу ея: да не до конца приходящи застоит (трудит) мене.

⁶Рече же Господь: слышите, что судия неправды глаголет?

⁷Бог же не имать ли сотворити отмщение избранных своих, вопиющих к нему день и нощь, и долготерпя о них?

⁸Глаголю вам, яко сотворит отмщение их вскорe. Обаче Сын человeческий пришед убо обрящет ли си вeру на земли?

⁹Рече же и ко другим уповающым собою, яко суть праведницы, и уничижающым прочих, притчу сию:

¹⁰человeка два внидоста в церковь помолитися: един фарисей, а другий мытарь.

¹¹Фарисей же став, сице в себe моляшеся: Боже, хвалу тебe воздаю, яко нeсмь якоже прочии человeцы, хищницы, неправедницы, прелюбодeе, или якоже сей мытарь:

¹²пощуся двакраты в субботу, десятину даю всего елико притяжу.

¹³Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мнe грeшнику.

¹⁴Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется.

¹⁵Приношаху же к нему и младенцы, да их коснется: видeвше же ученицы запретиша им.

¹⁶Иисус же призвав их, глагола: оставите дeтей приходити ко мнe и не браните им: таковых бо есть царствие Божие.

¹⁷Аминь бо глаголю вам: иже аще не приимет царствия Божия яко отроча, не имать внити в не.

¹⁸И вопроси его нeкий князь, глаголя: учителю благий, что сотворив, живот вeчный наслeдствую?

¹⁹Рече же ему Иисус: что мя глаголеши блага, никтоже благ, токмо един Бог.

²⁰Заповeди вeси: не прелюбы твори: не убий: не укради: не лжесвидeтельствуй: чти отца твоего и матерь твою.

²¹Он же рече: вся сия сохраних от юности моея.

²²Слышав же сия, Иисус рече ему: еще единаго не докончал еси: вся, елика имаши, продаждь, и раздай нищым: и имeти имаши сокровище на небеси: и гряди вослeд мене.

²³Он же слышав сие, прискорбен бысть: бe бо богат зeло.

²⁴Видeв же его Иисус прискорбна бывша, рече: како не удобь имущии богатство в царствие Божие внидут:

²⁵удобeе бо есть вельбуду сквозe иглинe ушы проити, неже богату в царствие Божие внити.

²⁶Рeша же слышавшии: то кто может спасен быти?

²⁷Он же рече: невозможная у человeк возможна суть у Бога.

²⁸Рече же петр: се мы оставихом вся и по тебe идохом.

²⁹Он же рече им: аминь глаголю вам, яко никтоже есть, иже оставит дом, или родители, или братию, или сестры, или жену, или чада, царствия ради Божия,

³⁰иже не приимет множицею во время сие, и в вeк грядущий живот вeчный.

³¹Поем же обанадесяте ученики своя, рече к ним? се восходим во иерусалим, и скончаются вся писанная пророки о Сынe человeчестe:

³²предадят бо его языком, и поругаются ему, и укорят его, и оплюют его,

³³и бивше убиют его: и в третий день воскреснет.

³⁴И тии ничесоже от сих разумeша: и бe глагол сей сокровен от них, и не разумeваху глаголемых.

³⁵Бысть же егда приближишася во иерихон, слeпец нeкий сeдяше при пути прося:

³⁶слышав же народ мимоходящь, вопрошаше: что убо есть се?

³⁷Повeдаша же ему, яко Иисус назарянин мимоходит.

³⁸И возопи, глаголя: Иисусе Сыне давидов, помилуй мя.

³⁹И предидущии прещаху ему, да умолчит: он же паче множае вопияше: Сыне давидов, помилуй мя.

⁴⁰Став же Иисус повелe привести его к себe: приближшуся же ему к нему, вопроси его,

⁴¹глаголя: что хощеши, да ти сотворю? Он же рече: Господи, да прозрю.

⁴²Иисус же рече ему: прозри: вeра твоя спасе тя.

⁴³И абие прозрe, и вослeд его идяше, славя Бога. И вси людие видeвше воздаша хвалу Богови.