Read Новый Завет на церковнославянском языке От Луки 19 Bible Online

От Луки 19 - Новый Завет на церковнославянском языке bible

От Луки 19

²И се муж нарицаемый закхей, и сей бe старeй мытарем, и той бe богат:

³и искаше видeти Иисуса, кто есть, и не можаше от народа, яко возрастом мал бe.

⁴И предитек, возлeзе на ягодичину, да видит, яко хотяше мимо ея проити.

⁵И яко прииде на мeсто, воззрeв Иисус видe его, и рече к нему: закхее, потщався слeзи: днесь бо в дому твоем подобает ми быти.

⁶И потщався слeзе, и прият его радуяся.

⁷И видeвше вси роптаху, глаголюще, яко ко грeшну мужу вниде витати.

⁸Став же закхей рече ко Господу: се пол имeния моего, Господи, дам нищым: и аще кого чим обидeх, возвращу четверицею.

⁹Рече же к нему Иисус: яко днесь спасeние дому сему бысть, зане и сей сын авраамль есть:

¹⁰прииде бо Сын человeчь взыскати и спасти погибшаго.

¹¹Слышащым же им сия, приложь рече притчу, зане близ ему быти иерусалима, и мняху, яко абие царство Божие хощет явитися.

¹²Рече убо: человeк нeкий добра рода иде на страну далече, прияти себe царство и возвратитися.

¹³Призвав же десять раб своих, даде им десять мнас, и рече к ним: куплю дeйте, дондеже прииду.

¹⁴И граждане его ненавидяху его, и послаша послы вслeд его, глаголюще: не хощем сему, да царствует над нами.

¹⁵И бысть егда возвратися приим царство, рече пригласити рабы тыя, имже даде сребро, да увeсть, какову куплю суть сотворили.

¹⁶Прииде же первый, глаголя: господи, мнас твоя придeла десять мнас.

¹⁷И рече ему: благо, рабе добрый: яко о малe вeрен был еси, буди область имeя над десятию градов.

¹⁸И прииде вторый, глаголя: господи, мнас твоя сотвори пять мнас.

¹⁹Рече же и тому: и ты буди над пятию градов.

²⁰И другий прииде, глаголя: господи, се мнас твоя, юже имeх положену во убрусe:

²¹бояхся бо тебе, яко человeк яр еси, вземлеши, егоже не положил еси, и жнеши, егоже не сeял еси.

²²Глагола же ему: от уст твоих сужду ти, лукавый рабе: вeдeл еси, яко аз человeк яр есмь, вземлю, егоже не положих, и жну, егоже не сeях:

²³и почто не вдал еси моего сребра купцем, и аз пришед с лихвою истязал бых е?

²⁴И предстоящым рече: возьмите от него мнас, и дадите имущему десять мнас.

²⁵И рeша ему: господи, имать десять мнас.

²⁶Глаголю бо вам, яко всякому имущему дастся: а от неимущаго, и еже имать, отимется от него:

²⁷обаче враги моя оны, иже не восхотeша мене, да царь бых был над ними, приведите сeмо и изсeцыте предо мною.

²⁸И сия рек, идяше преди, восходя во иерусалим.

²⁹И бысть яко приближися в виффагию и вифанию, к горe нарицаемeй елеон, посла два ученик своих,

³⁰глаголя: идита в прямную весь: и в нюже входяща обрящета жребя привязано, на неже никтоже николиже от человeк всeде: отрeшша е приведита.

³¹И аще кто вы вопрошает: почто отрeшаета, сице рцыта ему, яко Господь его требует.

³²Шедша же посланная обрeтоста, якоже рече има.

³³Отрeшающема же има жребя, рекоша господие его к нима: что отрeшаета жребя?

³⁴Она же рекоста, яко Господь его требует.

³⁵И приведоста е ко Иисусови: и возвергше ризы своя на жребя, всадиша Иисуса.

³⁶Идущу же ему, постилаху ризы своя по пути.

³⁷Приближающу же ся ему уже абие к низхождению горe елеонстeи, начаша все множество ученик радующеся хвалити Бога гласом велиим о всeх силах, яже видeша,

³⁸глаголюще: благвен грядый царь во имя Господне: мир на небеси, и слава в вышних.

³⁹И нeцыи фарисее от народа рeша к нему: учителю, запрети учеником твоим.

⁴⁰И отвeщав рече им: глаголю вам, яко, аще сии умолчат, камение возопиет.

⁴¹И яко приближися, видeв град, плакася о нем,

⁴²глаголя: яко аще бы разумeл и ты, в день сей твой, еже к смирению (к миру) твоему: нынe же скрыся от очию твоею:

⁴³яко приидут дние на тя, и обложат врази твои острог о тебe, и обыдут тя, и обимут тя отвсюду,

⁴⁴и разбиют тя и чада твоя в тебe, и не оставят камень на камени в тебe: понеже не разумeл еси времене посeщения твоего.

⁴⁵И вшед в церковь, начат изгонити продающыя в ней и купующыя,

⁴⁶глаголя им: писано есть: дом мой дом молитвы есть: вы же сотвористе его пещеру разбойником.

⁴⁷И бe учя по вся дни в церкви. Архиерее же и книжницы искаху его погубити, и старeйшины людем.

⁴⁸И не обрeтаху, что бы сотворили ему: людие бо вси держахуся его, послушающе его.