Read Новый Завет на церковнославянском языке От Луки 2 Bible Online

От Луки 2 - Новый Завет на церковнославянском языке bible

От Луки 2

¹Бысть же во дни тыя, изыде повелeние от кесаря августа написати всю вселенную.

²Сие написание первое бысть владящу сириею киринию.

³И идяху вси написатися, кождо во свой град.

⁴Взыде же и иосиф от галилеи, из града назарета, во иудею, во град давидов, иже нарицается вифлеем, зане быти ему от дому и отечества давидова,

⁵написатися с мариею обрученою ему женою, сущею непраздною.

⁶Бысть же, егда быста тамо, исполнишася дние родити ей:

⁷и роди Сына своего первенца, и повит его, и положи его в яслех: зане не бe им мeста во обители.

⁸И пастырие бeху в тойже странe, бдяще и стрегуще стражу нощную о стадe своем.

⁹И се ангел Господнь ста в них, и слава Господня осия их: и убояшася страхом велиим.

¹⁰И рече им ангел: не бойтеся: се бо благовeствую вам радость велию, яже будет всeм людем:

¹¹яко родися вам днесь спас, иже есть Христос Господь, во градe давидовe:

¹²и се вам знамение. обрящете младенца повита, лежаща в яслех.

¹³И внезапу бысть со ангелом множество вой небесных, хвалящих Бога и глаголющих:

¹⁴слава в вышних Богу, и на земли мир, во человeцeх благоволение.

¹⁵И бысть, яко отидоша от них на небо ангели, и человeцы пастырие рeша друг ко другу: прейдем до вифлеема и видим глагол сей бывший, егоже Господь сказа нам.

¹⁶И приидоша поспeшшеся, и обрeтоша мариамь же и иосифа, и младенца лежаща во яслех.

¹⁷Видeвше же сказаша о глаголe глаголаннeм им о отрочати сем.

¹⁸И вси слышавшии дивишася о глаголанных от пастыреи к ним.

¹⁹Мариамь же соблюдаше вся глаголы сия, слагающи в сердцы своем.

²⁰И возвратишася пастырие, славяще и хваляще Бога о всeх, яже слышаша и видeша, якоже глаголано бысть к ним.

²¹И егда исполнишася осмь дний, да обрeжут его, и нарекоша имя ему Иисус, нареченное ангелом прежде даже не зачатся во чревe.

²²И егда исполнишася дние очищения ею, по закону моисеову, вознесоста его во иерусалим, поставити его пред Господем,

²³якоже есть писано в законe Господни. яко всяк младенец мужеска полу, разверзая ложесна, свято Господви наречется:

²⁴и еже дати жертву, по реченному в законe Господни, два горличища или два птенца голубина.

²⁵И се бe человeк во иерусалимe, емуже имя симеон: и человeк сей праведен и благочестив, чая утeхи израилевы: и дух бe свят в нем.

²⁶И бe ему обeщано духом святым, не видeти смерти, прежде даже не видит Христа Господня.

²⁷И прииде духом в церковь. И егда введоста родителя отроча Иисуса, сотворити има по обычаю законному о нем,

²⁸и той прием его на руку своею, и благослови Бога, и рече:

²⁹нынe отпущаеши раба твоего, влко, по глаголу твоему, с миром:

³⁰яко видeстe очи мои спасeние твое,

³¹еже еси уготовал пред лицем всeх людей:

³²свeт во откровение языком, и славу людей твоих израиля.

³³И бe иосиф и мати его чудящася о глаголемых о нем.

³⁴И благослови я симеон, и рече к марии матри его: се лежит сей на падение и на востание многим во израили, и в знамение пререкаемо:

³⁵и тебe же самой душу пройдет оружие. яко да открыются от многих сердец помышления.

³⁶И бe анна пророчица, дщи фануилева, от колeна асирова: сия заматорeвши во днех мнозeх, живши с мужем седмь лeт от дeвства своего:

³⁷и та вдова яко лeт осмьдесят и четыре, яже не отхождаше от церкве, постом и молитвами служащи день и нощь.

³⁸И та в той час приставши исповeдашеся Господеви, и глаголаше о нем всeм чающым избавления во иерусалимe.

³⁹И яко скончашася вся по закону Господню, возвратишася в галилею, во град свой назарет.

⁴⁰Отроча же растяше и крeпляшеся духом, исполняяся премудрости: и благодать Божия бe на нем.

⁴¹И хождаста родителя его на всяко лeто во иерусалим в праздник пасхи.

⁴²И егда бысть двоюнадесяти лeту, восходящым им во иерусалим по обычаю праздника,

⁴³и скончавшым дни, и возвращающымся им, оста отрок Иисус во иерусалимe: и не разумe иосиф и мати его:

⁴⁴мнeвша же его в дружинe суща, преидоста дне путь, и искаста его во сродницeх и в знаемых:

⁴⁵и не обрeтша его, возвратистася во иерусалим, взыскающа его.

⁴⁶И бысть по триех днех, обрeтоста его в церкви, сeдящаго посредe учителей, и послушающаго их, и вопрошающаго их:

⁴⁷ужасахуся же вси послушающии его о разумe и о отвeтeх его.

⁴⁸И видeвша его, дивистася: и к нему мати его рече: чадо, что сотвори нама тако? се отец твой и аз боляща искахома тебе.

⁴⁹И рече к нима. что яко искаста мене? не вeста ли, яко в тeх, яже Отца моего, достоит быти ми?

⁵⁰И та не разумeста глагола, егоже глагола има.

⁵¹И сниде с нима, и прииде в назарет: и бe повинуяся има. И мати его соблюдаше вся глаголы сия в сердцы своем.

⁵²И Иисус преспeваше премудростию и возрастом и благодатию у Бога и человeк.