Read Новый Завет на церковнославянском языке От Луки 20 Bible Online

От Луки 20 - Новый Завет на церковнославянском языке bible

От Луки 20

¹И бысть во един от дней онeх, учащу ему люди в церкви и блговeствующу, приидоша священницы и книжницы со старцы

²и рeша к нему, глаголюще: рцы нам, коею областию сия твориши, или кто есть давый тебe власть сию?

³Отвeщав же рече к ним: вопрошу вы и аз единаго словесе, и рцыте ми:

⁴крещение иоанново с небесе ли бe, или от человeк?

⁵Они же помышляху в себe, глаголюще, яко аще речем: с небесе, речет: почто убо не вeровасте ему?

⁶аще ли же речем: от человeк, вси людие камением побиют ны: извeстно бо бe о иоаннe, яко пророк бe.

⁷И отвeщаша: не вeмы откуду.

⁸Иисус же рече им: ни аз глаголю вам, коею областию сия творю.

⁹Начат же к людем глаголати притчу сию: человeк нeкий насади виноград, и вдаде его дeлателем, и отиде на лeта многа.

¹⁰И во время посла к дeлателем раба, да от плода винограда дадут ему: дeлатели же бивше его, послаша тща.

¹¹И приложи послати другаго раба: они же и того бивше и досадивше ему, послаша тща.

¹²И приложи послати третияго: они же и того уязвльше изгнаша.

¹³Рече же господин винограда: что сотворю? послю сына моего возлюбленнаго, еда како, его видeвше, усрамятся.

¹⁴Видeвше же его дeлателе, мышляху в себe, глаголюще: сей есть наслeдник: приидите, убием его, да наше будет достояние.

¹⁵И изведше его вон из винограда, убиша. Что убо сотворит им господин винограда?

¹⁶Приидет и погубит дeлатели сия, и вдаст виноград инeм. Слышавше же рекоша: да не будет.

¹⁷Он же воззрeв на них, рече: что убо писаное сие: камень, егоже небрегоша зиждущии, сей бысть во главу угла?

¹⁸Всяк падый на камени том, сокрушится: а на немже падет, стрыет его.

¹⁹И взыскаша архиерее и книжницы возложити нань руцe в той час, и убояшася народа: разумeша бо, яко к ним притчу сию рече.

²⁰И наблюдше послаша лаятели (навeтников), притворяющих себе праведники быти: да имут его в словеси, во еже предати его начальству и области игемоновe.

²¹И вопросиша его, глаголюще: учителю, вeмы, яко право глаголеши и учиши, и не на лица зриши, но воистинну пути Божию учиши:

²²достоит ли нам кесареви дань даяти, или ни?

²³Разумeв же их лукавство, рече к ним: что мя искушаете?

²⁴покажите ми цату (в греч. динарий): чий имать образ и надписание? Отвeщавше же рекоша: кесарев.

²⁵Он же рече им: воздадите убо, яже кесарева, кесареви, и яже Божия, Богови.

²⁶И не могоша зазрeти глагола его пред людьми: и дивишася о отвeтe его, и умолчаша.

²⁷Приступиша же нeцыи от саддукей, глаголющии воскресeнию не быти, вопрошаху его,

²⁸глаголюще: учителю, моисей написа нам: аще кому брат умрет имый жену, и той безчаден умрет, да брат его поймет жену и возставит сeмя брату своему.

²⁹Седмь убо братий бe: и первый поят жену, умре безчаден:

³⁰и поят вторый жену, и той умре безчаден:

³¹и третий поят ю: такожде же и вси седмь: и не оставиша чад, и умроша:

³²послeжде же всeх умре и жена.

³³В воскресeние убо, котораго их будет жена? седмь бо имeша ю жену.

³⁴И отвeщав рече им Иисус: сынове вeка сего женятся и посягают:

³⁵а сподобльшиися вeк он улучити и воскресeние, еже от мертвых, ни женятся, ни посягают:

³⁶ни умрети бо ктому могут: равни бо суть ангелом, и сынове суть Божии, воскресeния сынове суще.

³⁷А яко востают мертвии, и моисей сказа при купинe, якоже глаголет Господа Бога авраамля и Бога исаакова и Бога иаковля.

³⁸Бог же нeсть мертвых, но живых: вси бо тому живи суть.

³⁹Отвeщавше же нeцый от книжник рекоша: учителю, добрe рекл еси.

⁴⁰Ктомуже не смeяху его вопросити ничесоже. Рече же к ним:

⁴¹како глаголют Христа Сына давидова быти?

⁴²Сам бо давид глаголет в книзe псаломстeй: рече Господь Господеви моему: сeди одесную мене,

⁴³дондеже положу враги твоя подножие ногама твоима.

⁴⁴Давид убо Господа его нарицает, и како Сын ему есть?

⁴⁵Слышащым же всeм людем, рече учеником своим:

⁴⁶внемлите себe от книжник, хотящих ходити во одеждах, и любящих цeлования на торжищах и предсeдания на сонмищах, и преждевозлежания на вечерях:

⁴⁷иже Сынeдают домы вдовиц, и виною далече молятся (и лицемeрно на долзe молятся): сии приимут лишше осуждение.