Read Новый Завет на церковнославянском языке От Луки 21 Bible Online

От Луки 21 - Новый Завет на церковнославянском языке bible

От Луки 21

¹Воззрeв же видe вметающыя в храм набдящий имeния (в сокровищное хранилище) дары своя богатыя.

²Видe же и нeкую вдовицу убогу вметающу ту двe лептe,

³и рече: воистинну глаголю вам, яко вдовица сия убогая множае всeх вверже.

⁴вси бо сии от избытка своего ввергоша в дары Богови: сия же от лишения своего все житие, еже имe, вверже.

⁵И нeким глаголющым о церкви, яко камением дорбым и сосуды украшена, рече:

⁶сия яже видите, приидут дние, в няже не останет камень на камени, иже не разорится.

⁷Вопросиша же его, глаголюще: учителю, когда убо сия будут? и что есть знамение, егда хотят сия быти?

⁸Он же рече: блюдите, да не прельщени будете: мнози бо приидут во имя мое, глаголюще, яко аз есмь: и время приближися. Не изыдите убо вослeд их.

⁹Егда же услышите брани и нестроения, не убойтеся: подобает бо сим быти прежде: но не у абие кончина.

¹⁰Тогда глаголаше им: востанет бо язык на язык, и царство на царство:

¹¹труси же велицы по мeстом, и глади и пагубы будут, страхования же и знамения велия с небесе будут.

¹²Прежде же сих всeх возложат на вы руки своя, и ижденут, предающе на сонмища и темницы, ведомы к царем и владыкам, имене моего ради.

¹³Прилучится же вам во свидeтельство.

¹⁴Положите убо на сердцах ваших, не прежде поучатися отвeщавати:

¹⁵аз бо дам вам уста и премудрость, ейже не возмогут противитися или отвeщати вси противляющиися вам.

¹⁶Предани же будете и родители и братиею и родом и други, и умертвят от вас:

¹⁷и будете ненавидими от всeх имене моего ради.

¹⁸И влас главы вашея не погибнет.

¹⁹В терпeнии вашем стяжите душы вашя.

²⁰Егда же узрите обстоимь иерусалим вои, тогда разумeйте, яко приближися запустeние ему.

²¹Тогда сущии во иудеи да бeгают в горы: и иже посредe его, да исходят: и иже во странах, да не входят вонь:

²²яко дние отмщению сии суть, яко исполнитися всему писанному.

²³Горе же имущым во утробe и доящым в тыя дни: будет бо бeда велия на земли, и гнeв на людех сих.

²⁴И падут во острии меча, и плeнени будут во вся языки: и иерусалим будет попираемь языки, дондеже скончаются времена язык.

²⁵И будут знамения в солнцe и лунe и звeздах: и на земли туга языком от нечаяния, шума морскаго и возмущения,

²⁶издыхающым человeком от страха и чаяния грядущих на вселенную: силы бо небесныя подвигнутся.

²⁷И тогда узрят Сына человeческа грядуща на облацeх с силою и славою многою.

²⁸Начинающым же сим бывати, восклонитеся и воздвигните главы вашя: зане приближается избавление ваше.

²⁹И рече притчу им: видите смоковницу и вся древа:

³⁰егда прошибаются уже, видяще сами вeсте, яко близ жатва есть.

³¹Тако и вы, егда узрите сия бывающа, вeдите, яко близ есть царствие Божие.

³²Аминь глаголю вам, яко не имать прейти род сей, дондеже вся сия будут.

³³Небо и земля мимоидет, а словеса моя не имут прейти.

³⁴Внемлите же себe, да не когда отягчают сердца ваша обядением и пиянством и печальми житейскими, и найдет на вы внезапу день той:

³⁵яко сeть бо приидет на вся живущыя на лицы всея земли.

³⁶Бдите убо на всяко время молящеся, да сподобитеся убeжати всeх сих хотящих быти, и стати пред Сыном человeческим.

³⁷Бe же во дни во церкви учя: нощию же исходя водворяшеся в горe нарицаемeй елеон.

³⁸И вси людие из утра прихождаху к нему во церковь послушати его.