Read Новый Завет на церковнославянском языке От Луки 22 Bible Online

От Луки 22 - Новый Завет на церковнославянском языке bible

От Луки 22

¹Приближашеся же праздник опрeснок, глаголемый пасха.

²И искаху архиерее и книжницы, како бы убили его: бояхуся бо людей.

³Вниде же сатана во иуду нарицаемаго искариот, суща от числа обоюнадесяте.

⁴И шед глагола архиереом и воеводам, како его предаст им.

⁵И возрадовашася, и совeщаша ему сребреники дати:

⁶и исповeда (обeщася), и искаше удобна времене, да предаст его им без народа.

⁷Прииде же день опрeсноков, воньже подобаше жрети пасху:

⁸и посла петра и иоанна, рек: шедша уготовайта нам пасху, да ямы.

⁹Она же рекоста ему: гдe хощеши уготоваем?

¹⁰Он же рече има: се восходящема вама во град, срящет вы человeк в скудельницe воду нося: по нем идeта в дом, воньже входит,

¹¹и рцeта дому владыцe: глаголет тебe учитель: гдe есть обитель, идeже пасху со ученики моими Сынeм?

¹²И той вама покажет горницу велию постлану: ту уготовайта.

¹³Шедша же обрeтоста, якоже рече има: и уготоваста пасху.

¹⁴И егда бысть час, возлеже, и обанадесяте апостола с ним.

¹⁵И рече к ним: желанием возжелeх сию пасху ясти с вами, прежде даже не прииму мук:

¹⁶глаголю бо вам, яко отселe не имам ясти от нея, дондеже скончаются во царствии Божии.

¹⁷И приим чашу, хвалу воздав, рече: приимите сию, и раздeлите себe:

¹⁸глаголю бо вам, яко не имам пити от плода лознаго, дондеже царствие Божие приидет.

¹⁹И приим хлeб, хвалу воздав преломи, и даде им, глаголя: сие есть тeло мое, еже за вы даемо: сие творите в мое воспоминание.

²⁰Такожде же и чашу по вечери, глаголя: сия чаша новый завeт моею кровию, яже за вы проливается.

²¹Обаче се рука предающаго мя со мною есть на трапезe.

²²И Сын убо человeческий идет по реченному (по предуставленному совeту): обаче горе человeку тому, имже предаетеся.

²³И тии начаша искати в себe, который убо от них хощет сие сотворити.

²⁴Бысть же и пря в них, кий мнится их быти болий.

²⁵Он же рече им: царие язык господствуют ими, и обладающии ими благодателе нарицаются.

²⁶Вы же не тако: но болий в вас, да будет яко мний: и старeй, яко служай.

²⁷Кто бо болий, возлежай ли, или служай? не возлежай ли? Аз же посредe вас есмь яко служай.

²⁸Вы же есте пребывше со мною в напастех моих:

²⁹и аз завeщаваю вам, якоже завeща мнe Отец мой, царство,

³⁰да ясте и пиете на трапезe моей во царствии моем: и сядете на престолeх, судяще обeманадесяте колeнома израилевома.

³¹Рече же Господь: симоне, симоне, се сатана просит вас, да бы сeял, яко пшеницу:

³²аз же молихся о тебe, да не оскудeет вeра твоя: и ты нeкогда обращься утверди братию твою.

³³Он же рече ему: Господи, с тобою готов есмь и в темницу и на смерть ити.

³⁴Он же рече: глаголю ти, петре, не возгласит пeтель днесь, дондеже трикраты отвержешися мене не вeдeти.

³⁵И рече им: егда послах вы без влагалища и без мeха и без сапог, еда чесого лишени бысте? Они же рeша: ничесоже.

³⁶Рече же им: но нынe иже имать влагалище, да возьмет, такожде и мeх: а иже не имать, да продаст ризу свою, и купит нож.

³⁷Глаголю бо вам, яко еще писаное се, подобает, да скончается о мнe, еже: и со беззаконными вмeнися. Ибо еже о мнe, кончину имать.

³⁸Они же рeша: Господи, се ножа здe два. Он же рече им: довольно есть.

³⁹И изшед иде по обычаю в гору елеонскую: по нем же идоша ученицы его.

⁴⁰Быв же на мeстe, рече им: молитеся, да не внидете в напасть.

⁴¹И сам отступи от них яко вержением камене, и поклонь колeна моляшеся,

⁴²глаголя: Отче, аще волиши мимонести чашу сию от мене: обаче не моя воля, но твоя да будет.

⁴³Явися же ему ангел с небесе, укрeпляя его.

⁴⁴И быв в подвизe, прилeжнeе моляшеся: бысть же пот его яко капли крове каплющыя на землю.

⁴⁵И востав от молитвы, и пришед ко учеником, обрeте их спящих от печали

⁴⁶и рече им: что спите? воставше молитеся, да не внидете в напасть.

⁴⁷Еще же ему глаголющу, се народ, и нарицаемый иуда, един от обоюнадесяте, идяше пред ними, и приступи ко Иисусови цeловати его. Сие бо бe знамение дал им: егоже аще лобжу, той есть.

⁴⁸Иисус же рече ему: иудо, лобзанием ли Сына человeческаго предаеши?

⁴⁹Видeвше же, иже бeху с ним, бываемое, рeша ему: Господи, аще ударим ножем?

⁵⁰И удари един нeкий от них архиереова раба, и урeза ему ухо десное.

⁵¹Отвeщав же Иисус рече: оставите до сего. И коснувся уха его, исцeли его.

⁵²Рече же Иисус ко пришедшым нань архиереом и воеводам церковным и старцем: яко на разбойника ли изыдосте со оружием и дрекольми яти мя?

⁵³по вся дни сущу ми с вами в церкви, не простросте руки на мя: но се есть ваша година и область темная.

⁵⁴Емше же его ведоша, и введоша его во двор архиереов. Петр же вослeд идяше издалеча.

⁵⁵Возгнeщшым же огнь посредe двора и вкупe сeдящым им, сeдяше петр посредe их.

⁵⁶Узрeвши же его рабыня нeкая сeдяща при свeтe (огни), и воззрeвши нань, рече: и сей с ним бe.

⁵⁷Он же отвержеся его, глаголя: жено, не знаю его.

⁵⁸И помалe другий видeв его, рече: и ты от них еси. Петр же рече: человeче, нeсмь.

⁵⁹И мимошедшу яко часу единому, ин нeкий крeпляшеся глаголя: воистинну и сей с ним бe: ибо галилеанин есть.

⁶⁰Рече же петр: человeче, не вeм, еже глаголеши. И абие, еще глаголющу ему, возгласи пeтель.

⁶¹И обращься Господь воззрe на петра: и помяну петр слово Господне, якоже рече ему, яко прежде даже пeтель не возгласит, отвержешися мене трикраты.

⁶²И изшед вон, плакася горько.

⁶³И мужие держащии Иисуса ругахуся ему, биюще:

⁶⁴и закрывше его, бияху его по лицу, и вопрошаху его, глаголюще: прорцы, кто есть ударей тя?

⁶⁵И ина многа хуляще глаголаху нань.

⁶⁶И яко бысть день, собрашася старцы людстии и архиерее и книжницы, и ведоша его на сонм свой,

⁶⁷глаголюще: аще ты еси Христос? рцы нам. Рече же им: аще вам реку, не имете вeры:

⁶⁸аще же и вопрошу вы, не отвeщаете ми, ни отпустите:

⁶⁹отселe будет Сын человeческий сeдяй одесную силы Божия.

⁷⁰Рeша же вси: ты ли убо еси Сын Божий? Он же к ним рече: вы глаголете, яко аз есмь.

⁷¹Они же рeша: что еще требуем свидeтельства, сами бо слышахом от уст его.