Read Новый Завет на церковнославянском языке От Луки 23 Bible Online

От Луки 23 - Новый Завет на церковнославянском языке bible

От Луки 23

¹И воставше все множество их, ведоша его к пилату.

²Начаша же нань вадити, глаголюще: сего обрeтохом развращающа язык наш и возбраняюща кесареви дань даяти, глаголюща себе Христа царя быти.

³Пилат же вопроси его, глаголя: ты ли еси царь иудеом? он же отвeщав рече ему: ты глаголеши.

⁴Пилат же рече ко архиереом и народу: никоеяже обрeтаю вины в человeцe сем.

⁵Они же крeпляхуся глаголюще, яко развращает люди, учя по всеи иудеи, начен от галилеи до здe.

⁶Пилат же слышав галилею, вопроси, аще человeк галилеанин есть?

⁷И разумeв, яко от области иродовы есть, посла его ко ироду, сущу и тому во иерусалимe в тыя дни.

⁸Ирод же видeв Иисуса рад бысть зeло: бe бо желая от многа времене видeти его, зане слышаше многа о нем: и надeяшеся знамение нeкое видeти от него бываемо.

⁹Вопрошаше же его словесы многими: он же ничесоже отвeщаваше ему.

¹⁰Стояху же архиерее и книжницы, прилeжно вадяще нань.

¹¹Укорив же его ирод с вои своими и поругався, оболк его в ризу свeтлу, возврати его к пилату.

¹²Быста же друга ирод же и пилат в той день с собою: прежде бо бeста вражду имуща между собою.

¹³Пилат же созвав архиереи и князи и люди,

¹⁴рече к ним: приведосте ми человeка сего, яко развращающа люди: и се аз пред вами истязав, ни единыя же обрeтаю в человeцe сем вины, яже нань вадите:

¹⁵но ни ирод: послах бо его к нему, и се ничтоже достойно смерти сотворено есть о нем:

¹⁶наказав убо его отпущу.

¹⁷Нужду же имяше на вся праздники отпущати им единаго.

¹⁸Возопиша же вси народи, глаголюще: возьми сего, отпусти же нам варавву.

¹⁹Иже бe за нeкую крамолу бывшую во градe и убийство ввержен в темницу.

²⁰Паки же пилат возгласи, хотя отпустити Иисуса.

²¹Они же возглашаху, глаголюще: распни, распни его.

²²Он же третицею рече к ним: что бо зло сотвори сей? ничесоже достойна смерти обрeтох в нем: наказав убо его отпущу.

²³Они же прилeжаху гласы великими, просяще его на распятие: и устояху (превозмогаху) гласи их и архиерейстии.

²⁴Пилат же посуди быти прошению их:

²⁵отпусти же бывшаго за крамолу и убийство всаждена в темницу, егоже прошаху: Иисуса же предаде воли их.

²⁶И яко поведоша его, емше симона нeкоего киринеа, грядуща с села, возложиша нань крест, нести по Иисусe.

²⁷Идяше же вослeд его народ мног людей, и жены, яже и плакахуся и рыдаху его.

²⁸Обращься же к ним Иисус рече: дщери иерусалимски, не плачитеся о мнe, обаче себе плачите и чад ваших:

²⁹яко се дние грядут, в няже рекут: блажены неплоды, и утробы, яже не родиша, и сосцы, иже не доиша.

³⁰Тогда начнут глаголати горам: падите на ны: и холмом: покрыйте ны.

³¹Зане, аще в суровe древe сия творят, в сусe что будет?

³²Ведяху же и ина два злодeя с ним убити.

³³И егда приидоша на мeсто, нарицаемое лобное, ту распяша его и злодeя, оваго убо одесную, а другаго ошуюю.

³⁴Иисус же глаголаше: Отче, отпусти им: не вeдят бо что творят. Раздeляюще же ризы его, метаху жребия.

³⁵И стояху людие зряще. Ругахуся же и князи с ними, глаголюще: иныя спасе, да спасет и себе, аще той есть Христос Божий избранный.

³⁶Ругахуся же ему и воини, приступающе и оцет придeюще ему,

³⁷и глаголаху: аще ты еси царь иудейск, спасися сам.

³⁸Бe же и написание написано над ним писмены еллинскими и римскими и еврейскими: сей есть царь иудейск.

³⁹Един же от обeшеною злодeю хуляше его, глаголя: аще ты еси Христос, спаси себе и наю.

⁴⁰Отвeщав же другий прещаше ему, глаголя: ни ли ты боишися Бога, яко в томже осужден еси?

⁴¹и мы убо в правду: достойная бо по дeлом наю восприемлева: сей же ни единаго зла сотвори.

⁴²И глаголаше Иисусови: помяни мя, Господи, егда приидеши во царствии си.

⁴³И рече ему Иисус: аминь глаголю тебe, днесь со мною будеши в раи.

⁴⁴Бe же час яко шестый, и тьма бысть по всей земли до часа девятаго:

⁴⁵и померче солнце, и завeса церковная раздрася посредe.

⁴⁶И возглашь гласом велиим Иисус, рече: Отче, в руцe твои предаю дух мой. И сия рек издше.

⁴⁷Видeв же сотник бывшее, прослави Бога, глаголя: воистинну человeк сей праведен бe.

⁴⁸И вси пришедшии народи на позор сей, видяще бывающая, биюще перси своя возвращахуся.

⁴⁹Стояху же вси знаемии его издалеча, и жены спослeдствовавшыя ему от галилеи, зрящя сия.

⁵⁰И се муж именем иосиф, совeтник сый, муж благ и праведен,

⁵¹сей не бe пристал совeту и дeлу их, от аримафеа града иудеиска, иже чаяше и сам царствия Божия:

⁵²сей приступль к пилату, проси тeлесе Иисусова:

⁵³и Сынем е, обвит плащаницею, и положи е во гробe изсeченe, в немже не бe никтоже никогдаже положен.

⁵⁴И день бe пяток, и суббота свeташе.

⁵⁵Вослeд же шедшыя жены, яже бяху пришли с ним от галилеи, видeша гроб, и яко положено бысть тeло его.

⁵⁶Возвращшяся же уготоваша ароматы и миро: и в субботу убо умолчаша по заповeди.