Read Новый Завет на церковнославянском языке От Луки 24 Bible Online

От Луки 24 - Новый Завет на церковнославянском языке bible

От Луки 24

¹Во едину же от суббот зeло рано приидоша на гроб, носящя яже уготоваша ароматы: и другия с ними:

³и вшедшя не обрeтоша тeлесе Господа Иисуса.

⁴И бысть не домышляющымся им о сем, и се мужа два стаста пред ними в ризах блещащихся.

⁵Пристрашным же бывшым им и поклоньшым лица на землю, рекоста к ним: что ищете живаго с мертвыми?

⁶нeсть здe, но воста: помяните, якоже глагола вам, еще сый в галилеи,

⁷глаголя, яко подобает Сыну человeческому предану быти в руцe человeк грeшник, и пропяту быти, и в третий день воскреснути.

⁸И помянуша глаголы его:

⁹и возвращшяся от гроба, возвeстиша вся сия единомунадесяте и всeм прочым.

¹⁰Бяше же магдалина мариа и иоанна и мариа иаковля, и прочыя с ними, яже глаголаху ко апостолом сия.

¹¹И явишася пред ними яко лжа глаголы их, и не вeроваху им.

¹²Петр же востав тече ко гробу, и приник видe ризы едины лежащя: и отиде, в себe дивяся бывшему.

¹³И се два от них бeста идуща в тойже день в весь, отстоящу стадий шестьдесят от иерусалима, ейже имя еммаус:

¹⁴и та бесeдоваста к себe о всeх сих приключшихся.

¹⁵И бысть бесeдующема има и совопрошающемася, и сам Иисус приближився идяше с нима:

¹⁶очи же ею держастeся, да его не познаета.

¹⁷Рече же к нима: что суть словеса сия, о нихже стязаетася к себe идуща, и еста дряхла?

¹⁸отвeщав же един, емуже имя клеопа, рече к нему: ты ли един пришлец еси во иерусалим, и не увeдeл еси бывших в нем во дни сия?

¹⁹И рече има: киих? Она же рeста ему: яже о Иисусe назарянинe, иже бысть муж пророк, силен дeлом и словом пред Богом и всeми людьми:

²⁰како предаша его архиереи и князи наши на осуждение смерти, и распяша его:

²¹мы же надeяхомся, яко сей есть хотя избавити израиля: но и над всeми сими, третий сей день есть днесь, отнелиже сия быша.

²²Но и жены нeкия от нас ужасиша ны, бывшыя рано у гроба:

²³и не обрeтшя тeлесе его, приидоша, глаголющя, яко и явление ангел видeша, иже глаголют его жива.

²⁴И идоша нeцыи от нас ко гробу, и обрeтоша тако, якоже и жены рeша: самаго же не видeша.

²⁵И той рече к нима: о! несмысленная и косная сердцем, еже вeровати о всeх, яже глаголаша прр(о)оцы:

²⁶не сия ли подобаше пострадати Христу и внити в славу свою?

²⁷И начен от моисеа и от всeх пророк, сказаше има от всeх писаний яже о нем.

²⁸И приближишася в весь, в нюже идяста: и той творяшеся далечайше ити.

²⁹И нуждаста его, глаголюща: облязи с нама, яко к вечеру есть, и приклонился есть день. И вниде с нима облещи.

³⁰И бысть яко возлеже с нима, и приим хлeб благослови, и преломив даяше има.

³¹Онeма же отверзостeся очи, и познаста его: и той невидимь бысть има.

³²И рекоста к себe: не сердце ли наю горя бe в наю, егда глаголаше нама на пути и егда сказоваше нама писания?

³³И воставша в той час, возвратистася во иерусалим, и обрeтоста совокупленных единонадесяте и иже бяху с ними,

³⁴глаголющих, яко воистинну воста Господь и явися симону.

³⁵И та повeдаста, яже быша на пути, и яко познася има в преломлении хлeба.

³⁶Сия же им глаголющым, и сам Иисус ста посредe их, и глагола им: мир вам.

³⁷Убоявшеся же и пристрашни бывше, мняху дух видeти.

³⁸И рече им: что смущени есте? и почто помышления входят в сердца ваша?

³⁹видите руцe мои и нозe мои, яко сам аз есмь: осяжите мя и видите: яко дух плоти и кости не имать, якоже мене видите имуща.

⁴⁰И сие рек, показа им руцe и нозe.

⁴¹Еще же не вeрующым им от радости и чудящымся, рече им: имате ли что Сынeдно здe?

⁴²Они же даша ему рыбы печены часть и от пчел сот.

⁴³И взем пред ними яде.

⁴⁴Рече же им: сия суть словеса, яже глаголах к вам еще сый с вами, яко подобает скончатися всeм написанным в законe моисеовe и пророцeх и псалмeх о мнe.

⁴⁵Тогда отверзе им ум разумeти писания.

⁴⁶И рече им, яко тако писано есть, и тако подобаше пострадати Христу, и воскреснути от мертвых в третий день,

⁴⁷и проповeдатися во имя его покаянию и отпущению грeхов во всeх языцeх, наченше от иерусалима.

⁴⁸Вы же есте свидeтелие сим.

⁴⁹И се аз послю обeтование оца моего на вы: вы же сeдите во градe иерусалимстe, дондеже облечетеся силою свыше.

⁵⁰Извед же их вон до вифании, и воздвиг руцe свои, и благослови их.

⁵¹И бысть егда благословляше их, отступи от них, и возношашеся на небо.

⁵²И тии поклонишася ему, и возвратишася во иерусалим с радостию великою:

⁵³и бяху выну в церкви, хваляще и благословяще Бога. Аминь.