Read Новый Завет на церковнославянском языке От Луки 3 Bible Online

От Луки 3 - Новый Завет на церковнославянском языке bible

От Луки 3

¹В пятое же надесяте лeто владычества тивериа кесаря, обладающу понтийскому пилату иудеею, и четвертовластвующу галилеею ироду, филиппу же брату его четвертовластвующу итуреею и трахонитскою страною, и лисанию авилиниею четвертовластвующу,

²при архиереи аннe и каиафe, бысть глагол Божии ко иоанну захариину сыну в пустыни.

³И прииде во всю страну иорданскую, проповeдая крещение покаяния во оставление грeхов:

⁴якоже есть писано в книзe словес исаии пророка, глаголюща: глас вопиющаго в пустыни: уготовайте путь Господнь: правы творите стези его:

⁵всяка дебрь исполнится, и всяка гора и холм смирится: и будут стропотная в правая, и острии в пути гладки:

⁶и узрит всяка плоть спасeние Божие.

⁷Глаголаше же исходящым народом креститися от него: порождения ехиднова, кто сказа вам бeжати от грядущаго гнeва?

⁸Сотворите убо плоды достоины покаяния: и не начинайте глаголати в себe: отца имамы авраама: глаголю бо вам, яко может Бог от камения сего воздвигнути чада аврааму.

⁹Уже бо и сeкира при корени древа лежит: всяко убо древо, не творящее плода добра, посeкается и во огнь вметается.

¹⁰И вопрошаху его народи, глаголюще: что убо сотворим?

¹¹Отвeщав же глагола им: имeяй двe ризe, да подаст не имущему: и имeяй брашна, такожде да творит.

¹²Приидоша же и мытари креститися от него, и рeша к нему: учителю, что сотворим?

¹³Он же рече к ним: ничтоже болeе от повелeннаго вам творите.

¹⁴Вопрошаху же его и воини, глаголюще: и мы что сотворим? И рече к ним: никогоже обидите, ни оклеветавайте: и довольни будите оброки вашими.

¹⁵Чающым же людем, и помышляющым всeм в сердцах своих о иоаннe, еда той есть Христос,

¹⁶отвeщаваше иоанн всeм, глаголя: аз убо водою крещаю вы: грядет же крeплий мене, емуже нeсмь достоин отрeшити ремень сапогу его: той вы крестит духом святым и огнем:

¹⁷емуже лопата в руку его, и отребит гумно свое, и соберет пщеницу в житницу свою, плевы же сожжет огнем негасающим.

¹⁸Многа же убо и ина, утeшая благовeствоваше людем.

¹⁹Ирод же четвертовластник, обличаем от него о иродиадe женe брата своего, и о всeх, яже сотвори злая ирод,

²⁰приложи и сие над всeми, и затвори иоанна в темницe.

²¹Бысть же егда крестишася вси людие, и Иисусу крещшуся и молящуся, отверзеся небо,

²²и сниде дух святый тeлесным образом, яко голубь, нань: и глас с небесе бысть, глаголя: ты еси Сын мой возлюбленный, о тебe благоволих.

²³И той бe Иисус яко лeт тридесять начиная, сый, яко мнимь, Сын иосифов, илиев,

²⁴матфатов, левиин, мелхиин, ианнаев, иосифов,

²⁵маттафиев, амосов, наумов, еслимов, наггеов,

²⁶маафов, маттафиев, семеиев, иосифов, иудин,

²⁷иоаннанов, рисаев, зоровавелев, салафиилев, нириев,

²⁸мелхиев, аддиев, косамов, елмодамов, иров,

²⁹иосиев, елиезеров, иоримов, матфатов, левиин,

³⁰симеонов, иудин, иосифов, ионанов, елиакимов,

³¹мелеаев, маинанов, маттафаев, нафанов, давидов,

³²иессеов, овидов, воозов, салмонов, наассонов,

³³аминадавов, арамов, есромов, фаресов, иудин,

³⁴иаковль, исааков, авраамов, фарин, нахоров,

³⁵серухов, рагавов, фалеков, еверов, саланов,

³⁶каинанов, арфаксадов, симов, ноев, ламехов,

³⁷мафусалев, енохов, иаредов, малелеилов, каинанов,

³⁸еносов, сифов, адамов, Божий.