Read Новый Завет на церковнославянском языке От Луки 5 Bible Online

От Луки 5 - Новый Завет на церковнославянском языке bible

От Луки 5

¹Бысть же належащу ему народу, да быша слышали слово Божие, и той бe стоя при езерe геннисаретстe:

²и видe два корабля стояща при езерe: рыбарие же отшедше от нею, измываху мрежи.

³Влeз же в един от кораблю, иже бe симонов, моли его от земли отступити мало: и сeд учаше из корабля народы.

⁴Якоже преста глаголя, рече к симону: поступи во глубину, и вверзите мрежи вашя в ловитву.

⁵И отвeщав симон рече ему: наставниче, об нощь всю труждшеся, ничесоже яхом: по глаголу же твоему ввергу мрежу.

⁶И се сотворше, яша множество рыб много: протерзашеся же мрежа их.

⁷И помануша причастником, иже бeху во друзeм корабли, да пришедше помогут им: и приидоша, и исполниша оба корабля, яко погружатися има.

⁸Видeв же симон петр, припаде к колeнома Иисусовома, глаголя: изыди от мене, яко муж грeшен есмь, Господи.

⁹Ужас бо одержаше его и вся сущыя с ним, о ловитвe рыб, яже яша.

¹⁰Такожде же иакова и иоанна сына зеведеова, яже бeста обещника симонови. И рече к симону Иисус: не бойся: отселe будеши человeки ловя.

¹¹И извлекше оба корабля на землю, оставльше вся, вслед его идоша.

¹²И бысть егда бe Иисус во едином от градов, и се муж исполнь прокажения: и видeв Иисуса, пад ниц, моляся ему, глаголя: Господи, аще хощеши, можеши мя очистити.

¹³И простер руку, коснуся его, рек: хощу, очистися: и абие проказа отиде от него.

¹⁴И той заповeда ему никомуже повeдати: но шед покажися иереови, и принеси о очищении твоем, якоже повелe моисей, во свидeтельство им.

¹⁵Прохождаше же паче слово о нем: и схождахуся народи мнози слышати и цeлитися от него от недуг своих.

¹⁶Той же бe отходя в пустыню и моляся.

¹⁷И бысть во един от дний, и той бe учя: и бeху сeдяще фарисее и законоучителие, иже бeху пришли от всякия веси галилейския и иудейския и иерусалимския: и сила Господня бe исцeляющи их:

¹⁸и се мужие носяще на одрe человeка, иже бe разслаблен, и искаху внести его и положити пред ним:

¹⁹и не обрeтше кудe внести его народа ради, взлeзше на храм, сквозe скуделы (кров скудельный) низвeсиша его со одром на среду пред Иисуса.

²⁰И видeв вeру их, рече ему: человeче, оставляют ти ся грeси твои.

²¹И начаша помышляти книжницы и фарисее, глаголюще: кто есть сей, иже глаголет хулы, кто может оставляти грeхи, токмо един Бог?

²²Разумeв же Иисус помышления их, отвeщав рече к ним. что помышляете в сердцах ваших?

²³что есть удобeе, рещи: оставляют ти ся грeси твои? или рещи: востани и ходи?

²⁴но да увeсте, яко власть имать Сын человeческии на земли отпущати грeхи, (рече разслабленному:) тебe глаголю: востани и возьми одр твой, и иди в дом твой.

²⁵И абие востав пред ними, взем, на немже лежаше, иде в дом свой, славя Бога.

²⁶И ужас прият всeх, и славляху Бога: и исполнишася страха, глаголюще, яко видeхом преславная днесь.

²⁷И посем изыде, и узрe мытаря именем левию, сeдяща на мытницe, и рече ему: иди по мнe.

²⁸И оставль вся, востав вослeд его иде.

²⁹И сотвори учреждение велие левий ему в дому своем. и бe народ мытарей мног, и инeх, иже бяху с ним возлежаще.

³⁰И роптаху книжницы на него и фарисее, ко учеником его глаголюще: почто с мытари и грeшники ясте и пиете?

³¹И отвeщав Иисус рече к ним: не требуют здравии врача, но болящии:

³²не приидох призвати праведных, но грeшныя в покаяние.

³³Они же рeша к нему: почто ученицы иоанновы постятся часто и молитвы творят, такожде и фарисейстии, а твои ядят и пиют?

³⁴Он же рече к ним: еда можете сыны брачныя, дондеже жених с ними есть, сотворити поститися?

³⁵Приидут же дние, егда отят будет от них жених, и тогда постятся в тыя дни.

³⁶Глаголаше же и притчу к ним, яко никтоже приставления ризы новы приставляет на ризу ветху: аще ли же ни, и новую раздерет, и ветсeи не согласует еже от новаго.

³⁷И никтоже вливает вина нова в мeхи ветхи: аще ли же ни, расторгнет новое вино мeхи, и само излиется, и мeси погибнут.

³⁸Но вино новое в мeхи новы вливати (вливати подобает). и обоя соблюдутся.

³⁹И никтоже пив ветхое, абие хощет новаго: глаголет бо: ветхое лучше есть.