Read Новый Завет на церковнославянском языке От Луки 6 Bible Online

От Луки 6 - Новый Завет на церковнославянском языке bible

От Луки 6

¹Бысть же в субботу второпервую ити ему сквозe сeяния: и восторгаху ученицы его класы, и ядяху, стирающе руками.

²Нeцыи же от фарисей рeша им: что творите, егоже не достоит творити в субботы?

³И отвeщав Иисус рече к ним: ни ли сего чли есте, еже сотвори давид, егда взалкася сам и иже с ним бяху?

⁴како вниде в дом Божий, и хлeбы предложения взем, и яде, и даде и сущым с ним, ихже не достояше ясти, токмо единым иереем?

⁵И глаголаше им, яко господь есть Сын человeческий и субботe.

⁶Бысть же и в другую субботу внити ему в сонмище и учити. и бe тамо человeк, и рука ему десная бe суха.

⁷Назираху же книжницы и фарисеи, аще в субботу исцeлит, да обрящут рeчь нань.

⁸Он же вeдяше помышления их, и рече человeку имущему суху руку: востани и стани посредe. Он же востав ста.

⁹Рече же Иисус к ним: вопрошу вы: что достоит в субботы, добро творити, или зло творити? душу спасти, или погубити? Они же умолчаша.

¹⁰И воззрeв на всeх их, рече ему: простри руку твою. Он же сотвори тако: и утвердися рука его здрава яко другая.

¹¹Они же исполнишася безумия, и глаголаху друг ко другу, что быша сотворили Иисусови.

¹²Бысть же во дни тыя, изыде в гору помолитися: и бe об нощь в молитвe Божии.

¹³И егда бысть день, призва ученики своя: и избра от них дванадесяте, ихже и апостолы нарече:

¹⁴симона, егоже именова петра, и андреа брата его, иакова и иоанна, филиппа и варфоломеа,

¹⁵матфеа и фому, иакова алфеева и симона нарицаемаго зилота,

¹⁶иуду иаковля, и иуду искариотскаго, иже и бысть предатель.

¹⁷Изшед с ними, ста на мeстe равнe: и народ ученик его, и множество много людей от всея иудеи и иерусалима и помория тирска и сидонска,

¹⁸иже приидоша послушати его и исцeлитися от недуг своих, и страждущии от дух нечистых: и исцeляхуся.

¹⁹И весь народ искаше прикасатися ему: яко сила от него исхождаше и исцeляше вся.

²⁰И той возвед очи свои на ученики своя, глаголаше: блажени нищии духом: яко ваше есть царствие Божие.

²¹Блажени, алчущии нынe: яко насытитеся. Блажени, плачущии нынe: яко возсмeетеся.

²²Блажени будете, егда возненавидят вас человeцы, и егда разлучат вы, и поносят, и пронесут имя ваше яко зло, Сына человeческаго ради.

²³Возрадуйтеся в той день и взыграйте: се бо мзда ваша многа на небеси. По сим бо творяху пророком отцы их.

²⁴Обаче горе вам богатым: яко отстоите утeшения вашего (яко восприемлете утeшение ваше).

²⁵Горе вам, насыщеннии нынe: яко взалчете. Горе вам смeющымся нынe: яко возрыдаете и восплачете.

²⁶Горе, егда добрe рекут вам вси человeцы: по сим бо творяху лжепророком отцы их.

²⁷Но вам глаголю слышащым: любите враги вашя, добро творите ненавидящым вас,

²⁸благословите кленущыя вы, и молитеся за творящих вам обиду.

²⁹Биющему тя в ланиту, подаждь и другую: и от взимающаго ти ризу, и срачицу не возбрани.

³⁰Всякому же просящему у тебе, дай: и от взимающаго твоя, не истязуй.

³¹И якоже хощете да творят вам человeцы, и вы творите им такожде.

³²И аще любите любящыя вы, кая вам благодать есть? ибо и грeшницы любящыя их любят.

³³И аще благотворите благотворящым вам, кая вам благодать есть? ибо и грeшницы тожде творят.

³⁴И аще взаим даете, от нихже чаете восприяти, кая вам благодать есть, ибо и грeшницы грeшником взаим давают, да восприимут равная.

³⁵Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове вышняго: яко той благ есть на безблагодатныя (неблагодарныя) и злыя.

³⁶Будите убо милосерди, якоже и Отец ваш милосерд есть.

³⁷И не судите, и не судят вам: и не осуждайте, да не осуждени будете: отпущайте, и отпустят вам:

³⁸дайте, и дастся вам: мeру добру, наткану и потрясну и преливающуся дадят на лоно ваше: тою бо мeрою, еюже мeрите, возмeрится вам.

³⁹Рече же притчу им: еда может слeпец слeпца водити? не оба ли в яму впадетася?

⁴⁰Нeсть ученик над учителя своего: совершен же всяк будет, якоже и учитель его.

⁴¹Что же видиши сучец, иже есть во очеси брата твоего, бервна же, еже есть во очеси твоем, не чуеши?

⁴²Или како можеши рещи брату твоему: брате, остави, да изьму сучец, иже есть во очеси твоем, сам сущаго во очеси твоем бервна не видя? Лицемeре, изьми первeе бервно из очесе твоего, и тогда прозриши изяти сучец из очесе брата твоего.

⁴³Нeсть бо древо добро, творя плода зла: ниже древо зло, творя плода добра.

⁴⁴Всяко бо древо от плода своего познается: не от терния бо чешут смоквы, ни от купины емлют гроздия.

⁴⁵Благий человeк от благаго сокровища сердца своего износит благое: и злый человeк от злаго сокровища сердца своего износит злое: от избытка бо сердца глаголют уста его.

⁴⁶Что же мя зовете: Господи, Господи, и не творите, яже глаголю?

⁴⁷Всяк грядый ко мнe и слышай словеса моя и творя я, скажу вам, кому есть подобен.

⁴⁸подобен есть человeку зиждущу храмину, иже ископа и углуби, и положи основание на камени: наводнению же бывшу, припаде рeка ко храминe той, и не може поколебати ея: основана бо бe на камени.

⁴⁹Слышавый же и не сотворивый подобен есть человeку создавшему храмину на земли без основания: к нейже припаде рeка, и абие падеся, и бысть разрушение храмины тоя велие.