Read Новый Завет на церковнославянском языке От Луки 7 Bible Online

От Луки 7 - Новый Завет на церковнославянском языке bible

От Луки 7

¹Егда же сконча вся глаголы своя в слухи людем, вниде в капернаум.

²Сотнику же нeкоему раб боля злe, хотяше (имeяше) умрети, иже бe ему честен.

³Слышав же о Иисусe, посла к нему старцы иудейския, моля его, яко да пришед спасет раба его.

⁴Они же пришедше ко Иисусови, моляху его тощно, глаголюще, яко достоин есть, емуже даси сие:

⁵любит бо язык наш, и сонмище той созда нам.

⁶Иисус же идяше с ними. И уже ему не далече сущу от храмины, посла к нему сотник други, глаголя ему: Господи, не движися: нeсмь бо достоин, да под кров мой внидеши.

⁷Тeмже ни себе достойна сотворих приити к тебe: но рцы слово, и исцeлeет отрок мой.

⁸Ибо и аз человeк есмь под владыкою учинен, имeя под собою воины: и глаголю сему: иди, и идет: и другому: прииди, и приидет: и рабу моему: сотвори сие, и сотворит.

⁹Слышав же сия Иисус, чудися ему, и обращься идущему по нем народу рече: глаголю вам, ни во израили толики вeры обрeтох.

¹⁰И возвращшеся послании обрeтоша болящаго раба исцeлeвша.

¹¹И бысть посем, идяше во град, нарицаемый наин: и с ним идяху ученицы его мнози и народ мног.

¹²Якоже приближися ко вратом града, и се изношаху умерша, сына единородна матери своей, и та бe вдова: и народ от града мног с нею.

¹³И видeв ю Господь, милосердова о ней, и рече ей: не плачи.

¹⁴И приступль коснуся во одр: носящии же сташа: и рече: юноше, тебe глаголю, востани.

¹⁵И сeде мертвый, и начат глаголати: и даде его матери его.

¹⁶Прият же страх всeх, и славляху Бога, глаголюще: яко пророк велий воста в нас, и яко посeти Бог людей своих.

¹⁷И изыде слово сие по всей иудеи о нем, и по всей странe.

¹⁸И возвeстиша иоанну ученицы его о всeх сих.

¹⁹И призвав два нeкая от ученик своих иоанн, посла ко Иисусу, глаголя: ты ли еси грядый, или иного чаем?

²⁰Пришедша же к нему мужа рeста: иоанн креститель посла нас к тебe, глаголя: ты ли еси грядый, или иного чаем,

²¹В той же час исцeли многи от недуг и ран и дух злых, и многим слeпым дарова прозрeние.

²²И отвeщав Иисус рече има: шедша возвeстита иоанну, яже видeста и слышаста: яко слeпии прозирают, хромии ходят, прокаженнии очищаются, глусии слышат, мертвии востают, нищии благовeствуют:

²³и блажен есть, иже аще не соблазнится о мнe.

²⁴Отшедшема же ученикома иоанновома, начат глаголати к народом о иоаннe: чесо изыдосте в пустыню видeти, трость ли вeтром колеблему?

²⁵Но чесо изыдосте видeти? человeка ли в мягки ризы одeяна? Се, иже во одежди славнeй и пищи сущии, во царствии (во дворeх царских) суть.

²⁶Но чесо изыдосте видeти? пророка ли? Ей, глаголю вам, и лишше пророка.

²⁷Сей бо есть, о немже писано есть: се аз послю ангела моего пред лицем твоим, иже устроит путь твой пред тобою.

²⁸Глаголю бо вам: болий в рожденных женами пророка иоанна крестителя никтоже есть: мний же во царствии Божии, болии его есть.

²⁹И вси людие слышавше и мытарие, оправдиша Бога, крещшеся крещением иоанновым:

³⁰фарисее же и законницы совeт Божии отвергоша о себe, не крещшеся от него.

³¹Рече же Господь: кому убо уподоблю человeки рода сего, и кому суть подобни?

³²Подобни суть отрочищем сeдящым на торжищах, и приглашающым друг друга, и глаголющым: пискахом вам, и не плясасте: рыдахом вам, и не плакасте.

³³Прииде бо иоанн креститель ни хлeба ядый, ни вина пия, и глаголете: бeся имать.

³⁴Прииде Сын человeческий ядый и пия, и глаголете: сей человeк ядца и винопийца, друг мытарем и грeшником.

³⁵И оправдися премудрость от чад своих всeх.

³⁶Моляше же его нeкий от фарисей, да бы ял с ним: и вшед в дом фарисеов, возлеже.

³⁷И се жена во градe, яже бe грeшница, и увeдeвши, яко возлежит во храминe фарисеовe, принесши алавастр мира,

³⁸и ставши при ногу его созади, плачущися, начат умывати нозe его слезами, и власы главы своея отираше, и облобызаше нозe его, и мазаше миром.

³⁹Видeв же фарисей воззвавыи его, рече в себe, глаголя сей аще бы был пророк, вeдeл бы кто и какова жена прикасается ему: яко грeшница есть.

⁴⁰И отвeщав Иисус рече к нему: симоне, имам ти нeчто рещи. Он же рече: учителю, рцы.

⁴¹Иисус же рече: два должника бeста заимодавцу нeкоему: един бe должен пятиюсот динарии, другий же пятиюдесят:

⁴²не имущема же има воздати, обeма отда (остави). Который убо ею, рцы, паче возлюбит его?

⁴³Отвeщав же симон рече: мню, яко емуже вящше отда (остави). Он же рече ему: право судил еси.

⁴⁴И обращься к женe, симоновй рече: видиши ли сию жену? Внидох в дом твой, воды на нозe мои не дал еси: сия же слезами облия ми нозe и власы главы своея отре.

⁴⁵Лобзания ми не дал еси: сия же, отнелиже внидох, не преста облобызающи ми нозe.

⁴⁶Маслом главы моея не помазал еси: сия же миром помаза ми нозe.

⁴⁷Егоже ради, глаголю ти: отпущаются грeси ея мнози, яко возлюби много: а емуже мало оставляется, меньше любит.

⁴⁸Рече же ей: отпущаются тебe грeси.

⁴⁹И начаша возлежащии с ним глаголати в себe: кто сей есть, иже и грeхи отпущает?

⁵⁰Рече же к женe: вeра твоя спасе тя: иди в мирe.