Read Новый Завет на церковнославянском языке От Луки 9 Bible Online

От Луки 9 - Новый Завет на церковнославянском языке bible

От Луки 9

¹Созвав же обанадесяте, даде им силу и власть на вся бeсы, и недуги цeлити.

²И посла их проповeдати царствие Божие и исцeлити болящыя.

³И рече к ним: ничесоже возьмите на путь: ни жезла, ни пиры, ни хлeба, ни сребра, ни по двe ризe имeти.

⁴И воньже дом внидете, ту пребывайте, и оттуду исходите.

⁵И елицы аще не приемлют вас, исходяще от града того, и прах от ног ваших оттрясите, во свидeтельство на ня.

⁶Исходяще же прохождаху сквозe веси, благовeствующе и исцeляюще всюду.

⁷Слыша же ирод четвертовластник бывающая от него вся, и недоумeвашеся, зане глаголемо бe от нeких, яко иоанн воста от мертвых:

⁸от инeх же, яко илиа явися: от других же, яко пророк един от древних воскресе.

⁹И рече ирод: иоанна аз усeкнух: кто же есть сей, о немже аз слышу таковая, и искаше видeти его.

¹⁰И возвращшеся апостоли повeдаша ему, елика сотвориша: и поим их, отиде един (особь) на мeсто пусто града, нарицаемаго вифсаида.

¹¹Народи же разумeвше, по нем идоша: и прием их, глаголаше им о царствии Божии, и требующыя исцeления цeляше.

¹²День же начат прекланятися. Приступльше же обанадесяте рекоша ему: отпусти народ, да шедше во окрестныя веси и села витают и обрящут брашно: яко здe в пустe мeстe есмы.

¹³Рече же к ним: дадите им вы ясти. Они же рeша: нeсть у нас вящше, токмо пять хлeб и рыбe двe, аще убо не шедше мы купим во вся люди сия брашна.

¹⁴Бeху бо мужей яко пять тысящ. Рече же ко учеником своим: посадите их на купы по пятидесят.

¹⁵И сотвориша тако , и посадиша их вся.

¹⁶Приим же пять хлeб и обe рыбe, воззрeв на небо, благослови их, и преломи, и даяше учеником, предложити народу.

¹⁷И ядоша, и насытишася вси: и взяша избывшыя им укрухи кошя дванадесяте.

¹⁸И бысть егда моляшеся един, с ним бeху ученицы: и вопроси их, глаголя: кого мя глаголют народи быти?

¹⁹Они же отвeщавше рeша: иоанна крестителя: инии же илию: друзии же, яко пророк нeкий от древних воскресе.

²⁰Рече же им: вы же кого мя глаголете быти? Отвeщав же петр рече: Христа Божия.

²¹Он же запрещь им, повелe никомуже глаголати сего,

²²рек, яко подобает Сыну человeческому много пострадати, и искушену (отвержену) быти от старец и архиерей и книжник, и убиену быти, и в третий день востати.

²³Глаголаше же ко всeм: аще кто хощет по мнe ити, да отвержется себе, и возьмет крест свой, и послeдует ми.

²⁴Иже бо аще хощет душу свою спасти, погубит ю: а иже погубит душу свою мене ради, сей спасет ю.

²⁵Что бо пользы имать человeк, приобрeт мир весь, себе же погубив или оттщетив?

²⁶Иже бо аще постыдится мене и моих словес, сего Сын человeческий постыдится, егда приидет во славe своей и Отчей и святых ангел.

²⁷Глаголю же вам воистинну: суть нeцыи от здe стоящих, иже не имут вкусити смерти, дондеже видят царствие Божие.

²⁸Бысть же по словесeх сих яко дний осмь, и поем петра и иоанна и иакова, взыде на гору помолитися.

²⁹И бысть егда моляшеся, видeние лица его ино, и одeяние его бeло блистаяся.

³⁰И се мужа два с ним глаголюща, яже бeста моисей и илиа,

³¹явльшася во славe, глаголаста же исход его, егоже хотяше скончати во иерусалимe.

³²Петр же и сущии с ним бяху отягчени Сыном: убуждшеся же видeша славу его, и оба мужа стояща с ним.

³³И бысть егда разлучистася от него, рече петр ко Иисусу: наставниче, добро есть нам здe быти: и сотворим сeни три, едину тебe, и едину моисеови, и едину илии: не вeдый, еже глаголаше.

³⁴Се же ему глаголющу, бысть облак, и осeни их: убояшася же, вшедше во облак.

³⁵И глас бысть из облака, глаголя: сей есть Сын мой возлюбленный, того послушайте.

³⁶И егда бысть глас, обрeтеся Иисус един. И тии умолчаша, и никомуже возвeстиша в тыя дни ничесоже от тeх, яже видeша.

³⁷Бысть же в прочий день, сшедшым им с горы, срeте его народ мног.

³⁸И се муж из народа возопи, глаголя: учителю, молю ти ся, призри на сына моего, яко единороден ми есть:

³⁹и се дух емлет его, и внезапу вопиет, и пружается (терзает его) с пeнами, и едва отходит от него, сокрушая его:

⁴⁰и молихся учеником твоим, да ижденут его: и не возмогоша.

⁴¹Отвeщав же Иисус рече: О! роде невeрный и развращенный, доколe буду в вас и терплю вы? приведи ми сына твоего сeмо.

⁴²Еще же грядущу ему, поверже его бeс и стрясе. Запрети же Иисус духови нечистому, и исцeли отрока, и вдаде его отцу его.

⁴³Дивляхуся же вси о величии Божии. Всeм же чудящымся о всeх, яже творяше Иисус, рече ко учеником своим:

⁴⁴вложите вы во ушы ваши словеса сия: Сын бо человeческий имать предатися в руцe человeчестe.

⁴⁵Они же не разумeша глагола сего, бe бо прикровен от них, да не ощутят его: и бояхуся вопросити его о глаголe сем.

⁴⁶Вниде же помышление в них, кто их вящший бы был.

⁴⁷Иисус же вeдый помышление сердец их, прием отроча, постави е у себе

⁴⁸и рече им: иже аще приимет сие отроча во имя мое, мене приемлет: и иже аще мене приемлет, приемлет пославшаго мя: иже бо меньший есть в вас, сей есть велик.

⁴⁹Отвeщав же иоанн рече: наставниче, видeхом нeкоего о имени твоем изгоняща бeсы: и возбранихом ему, яко вослeд не ходит с нами.

⁵⁰И рече к нему Иисус: не браните: иже бо нeсть на вы, по вас есть.

⁵¹Бысть же егда скончавахуся дние восхождению его, и той утверди лице свое ити во иерусалим.

⁵²И посла вeстники пред лицем своим: и изшедше внидоша в весь самарянску, яко да уготовят ему.

⁵³И не прияша его, яко лице его бe грядущее во иерусалим.

⁵⁴Видeвша же ученика его иаков и иоанн, рeста: Господи, хощеши ли, речема, да огнь снидет с небесе и потребит их, якоже и илиа сотвори?

⁵⁵Обращься же запрети има, и рече: не вeста, коего духа еста вы:

⁵⁶Сын бо человeческий не прииде душ человeческих погубити, но спасти: и идоша во ину весь.

⁵⁷Бысть же идущым им по пути, рече нeкий к нему: иду по тебe, аможе аще идеши, Господи.

⁵⁸И рече ему Иисус: лиси язвины имут, и птицы небесныя гнeзда: Сын же человeческий не имать гдe главу подклонити.

⁵⁹Рече же ко другому: ходи вслeд мене. Он же рече: Господи, повели ми, да шед прежде погребу отца моего.

⁶⁰Рече же ему Иисус: остави мертвыя погребсти своя мертвецы: ты же шед возвeщай царствие Божие.

⁶¹Рече же и другий: иду по тебe, Господи: прежде же повели ми отвeщатися, иже суть (попроститися с сущими) в дому моем.

⁶²Рече же к нему Иисус: никтоже возложь руку свою на рало и зря вспять, управлен есть в царствии Божии.