Read Новый Завет на церковнославянском языке От Иоанна 1 Bible Online

От Иоанна 1 - Новый Завет на церковнославянском языке bible

От Иоанна 1

¹В началe бe слово, и слово бe к Богу, и Бог бe слово.

²Сей бe искони к Богу:

³вся тeм быша, и без него ничтоже бысть, еже бысть.

⁴В том живот бe, и живот бe свeт человeком:

⁵и свeт во тмe свeтится, и тма его не объят.

⁶Бысть человeк послан от Бога, имя ему Иоанн:

⁷сей прииде во свидeтелство, да свидeтелствует о свeтe, да вси вeру имут ему.

⁸Не бe той свeт, но да свидeтелствует о свeтe:

⁹бe свeт истинный, иже просвeщает всякаго человeка грядущаго в мир:

¹⁰в мирe бe, и мир тeм бысть, и мир его не позна:

¹¹во своя прииде, и свои его не прияша.

¹²Елицы же прияша его, даде им область чадом Божиим быти, вeрующым во имя его,

¹³иже не от кровe, ни от похоти плотския, ни от похоти мужеския, но от Бога родишася.

¹⁴И слово плоть бысть и вселися в ны, и видeхом славу его, славу яко единороднаго от Отца, исполнь благодати и истины.

¹⁵Иоанн свидeтелствует о нем и воззва глагола: сей бe, егоже рeх, иже по мнe грядый, предо мною бысть, яко первeе мене бe.

¹⁶И от исполнения его мы вси прияхом и благодать воз благодать:

¹⁷яко закон моисеом дан бысть, благодать (же) и истина Иисус Христом бысть.

¹⁸Бога никтоже видe нигдeже: единородный Сын, сый в лонe Отчи, той исповeда.

¹⁹И сие есть свидeтелство иоанново, егда послаша жидове от иерусалима иереев и левитов, да вопросят его: ты кто еси?

²⁰И исповeда и не отвержеся: и исповeда, яко нeсмь аз Христос.

²¹И вопросиша его: что убо? илиа ли еси ты? И глагола: нeсмь. Пророк ли еси? и отвeща: ни.

²²Рeша же ему: кто еси? да отвeт дамы пославшым ны: что глаголеши о тебe самeм?

²³Рече: аз глас вопиющаго в пустыни: исправите путь Господень, якоже рече исаиа пророк.

²⁴И посланнии бeху от фарисей:

²⁵и вопросиша его и рeша ему: что убо крещаеши, аще ты нeси Христос, ни илия, ни пророк.

²⁶Отвeща им иоанн, глагола: аз крещаю водою: посредe же вас стоит, егоже вы не вeсте:

²⁷той есть грядый по мнe, иже предо мною бысть, емуже нeсмь аз достоин, да отрeшу ремень сапогу его.

²⁸Сия в вифаварe быша об он пол иордана, идeже бe иоанн крестя.

²⁹Во утрий (же) видe иоанн Иисуса грядуща к себe и глагола: се агнец Божий, вземляй грeхи мира:

³⁰Сей есть, о немже аз рeх: по мнe грядет муж, иже предо мною бысть, яко первeе мене бe:

³¹и аз не вeдех его: но да явится Израилеви, сего ради приидох аз водою крестя.

³²И свидeтелствова иоанн, глагола, яко видeх духа сходяща яко голубя с небесе, и пребысть на нем:

³³и аз не видeх его: но пославый мя крестити водою, той мнe рече: над негоже узриши духа сходяща и пребывающа на нем, той есть крестяй духом святым:

³⁴и аз видeх и свидeтелствовах, яко сей есть Сын Божий.

³⁵Во утрий (же) паки стояше иоанн, и от ученик его два.

³⁶И узрeв Иисуса грядуща, глагола: се, агнец Божий.

³⁷И слышаста его оба ученика глаголючаго, и по Иисусe идоста.

³⁸Обращься же Иисус и видeв я по себe идуща, глагола има: чесо ищета? Она же рeста ему: равви, еже глаголется сказаемо учителю, гдe живеши?

³⁹(И) глагола има: приидита и видита. Приидоста и видeста, гдe живяше, и у него пребыста день той. Бe же час десятый.

⁴⁰Бe (же) андрей, брат симона петра, един от обою слышавшею от иоанна и по нем шедшею.

⁴¹Обрeте сей прежде брата своего симона и глагола ему: обрeтохом мессию, еже есть сказаемо Христос.

⁴²И приведе его ко Иисусови. Воззрeв же нань Иисус рече: ты еси симон сын ионин: ты наречешися кифа, еже сказается петр.

⁴³Во утрии (же) восхотe изыти в галилею: и обрeте филиппа и глагола ему: гряди по мнe.

⁴⁴Бe (же) филипп от вифсаиды, от града андреова и петрова.

⁴⁵Обрeте филипп нафанаила и глагола ему: егоже писа моисей в законe и пророцы, обрeтохом Иисуса Сына иосифова, иже от назарета.

⁴⁶И глагола ему нафанаил: от назарета можеть ли что добро быти? Глагола ему филипп: прииди и виждь.

⁴⁷Видe (же) Иисус нафанаила грядуща к себe и глагола о нем: се, воистинну Израилтянин, в немже льсти нeсть.

⁴⁸Глагола ему нафанаил: како мя знаеши? Отвeща Иисус и рече ему: прежде даже не возгласи тебе филипп, суйа тя под смоковницею видeх тя.

⁴⁹Отвeща нафанаил и глагола ему: равви, ты еси Сын Божий, ты еси царь Израилев.

⁵⁰Отвeща Иисус и рече ему: зане рeх ти, яко видeх тя под смоковницею, вeруеши: болша сих узриши.

⁵¹И глагола ему: аминь, аминь глаголю вам, отселe узрите небо отверсто и ангелы Божия восходящыя и нисходящыя над сына человeческаго.