Read Новый Завет на церковнославянском языке От Иоанна 10 Bible Online

От Иоанна 10 - Новый Завет на церковнославянском языке bible

От Иоанна 10

¹Аминь, аминь глаголю вам: не входяй дверьми во двор овчий, но прелазя инудe, той тать есть и разбойник:

²а входяй дверьми пастырь есть овцам:

³сему дверник отверзает, и овцы глас его слышат, и своя овцы глашает по имени, и изгонит их:

⁴и егда своя овцы ижденет, пред ними ходит: и овцы по нем идут, яко вeдят глас его:

⁵по чуждем же не идут, но бeжат от него, яко не знают чуждаго гласа.

⁶Сию притчу рече им Иисус: они же не разумeша, что бяше, яже глаголаше им.

⁷Рече же паки им Иисус: аминь, аминь глаголю вам, яко аз есмь дверь овцам.

⁸Вси, елико их прииде прежде мене, татие суть и разбойницы: но не послушаша их овцы.

⁹Аз есмь дверь: мною аще кто внидет, спасется: и внидет и изыдет, и пажить обрящет.

¹⁰Тать не приходит, развe да украдет и убиет и погубит: аз приидох, да живот имут и лишше имут.

¹¹Аз есмь пастырь добрый: пастырь добрый душу свою полагает за овцы:

¹²а наемник, иже нeсть пастырь, емуже не суть овцы своя, видит волка грядуща, и оставляет овцы, и бeгает: и волк расхитит их, и распудит овцы:

¹³а наемник бeжит, яко наемник есть, и нерадит о овцах.

¹⁴Аз есмь пастырь добрый: и знаю моя, и знают мя моя:

¹⁵якоже знает мя Отц, и аз знаю Отца: и душу мою полагаю за овцы.

¹⁶И ины овцы имам, яже не суть от двора сего: и тыя ми подобает привести, и глас мой услышат: и будет едино стадо и един пастырь.

¹⁷Сего ради мя Отец любит, яко аз душу мою полагаю, да паки прииму ю:

¹⁸никтоже возмет ю от мене, но аз полагаю ю о себe: область имам положити ю, и область имам паки прияти ю. Сию заповeдь приях от Отца моего.

¹⁹Распря же паки бысть во иудеех за словеса сия.

²⁰Глаголаху же мнози от них: бeса имать и неистов есть: что его послушаете?

²¹Инии глаголаху: сии глаголи не суть бeснующагося: еда может бeс слeпым очи отверсти?

²²Быша же тогда обновления во иерусалимeх, и зима бe.

²³И хождаше Иисус в церкви, в притворe соломони.

²⁴Обыдоша же его иудее, и глаголаху ему: доколe душы нашя вземлеши, аще ты еси Христос, рцы нам не обинуяся.

²⁵Отвeща им Иисус: рeх вам, и не вeруете: дeла, яже аз творю о имени Отца моего, та свидeтельствуют о мнe:

²⁶но вы не вeруете: нeсте бо от овец моих, якоже рeх вам:

²⁷овцы моя гласа моего слушают, и аз знаю их, и по мнe грядут:

²⁸и аз живот вeчный дам им, и не погибнут во вeки, и не восхитит их никтоже от руки моея:

²⁹Отец мой, иже даде мнe, болий всeх есть: и никтоже может восхитити их от руки Отца моего:

³⁰аз и Отец едино есма.

³¹Взяша же камение паки иудее, да побиют его.

³²Отвeща им Иисус: многа добра дeла явих вам от Отца моего: за кое их дeло камение мещете на мя?

³³Отвeщаша ему иудее, глаголюще: о добрe дeлe камение не мещем на тя, но о хулe, яко ты, человeк сый, твориши себе Бога.

³⁴Отвeща им Иисус: нeсть ли писано в законe вашем: аз рeх: бози есте?

³⁵Аще оных рече богов, к нимже слово Божие бысть, и не может разоритися писание:

³⁶егоже Отец святи и посла в мир, вы глаголете, яко хулу глаголеши, зане рeх: Сын Божий есмь.

³⁷Аще не творю дeла Отца моего, не имите ми вeры:

³⁸аще ли творю, аще и мнe не вeруете, дeлом моим вeруйте: да разумeете и вeруете, яко во мнe Отц, и аз в нем.

³⁹Искаху убо паки яти его: и изыде от рук их,

⁴⁰и иде паки на он пол иордана, на мeсто, идeже бe иоанн прежде крестя: и пребысть ту.

⁴¹И мнози приидоша к нему, и глаголаху, яко иоанн убо знамения не сотвори ни единаго: вся же, елика рече иоанн о сем, истинна бяху.

⁴²И мнози вeроваша в него ту.