Read Новый Завет на церковнославянском языке От Иоанна 11 Bible Online

От Иоанна 11 - Новый Завет на церковнославянском языке bible

От Иоанна 11

¹Бe же нeкто боля лазарь от вифании, от веси мариины и марфы сестры ея.

²Бe же мариа помазавшая Господа миром и отершая нозe его власы своими, еяже брат лазарь боляше.

³Посластe убо сестрe к нему, глаголющe: Господи, се, егоже любиши, болит.

⁴Слышав же Иисус рече: сия болeзнь нeсть к смерти, но о славe Божии, да прославится Сын Божий ея ради.

⁵Любляше же Иисус марфу и сестру ея и лазаря.

⁶Егда же услыша, яко болит, тогда пребысть на немже бe мeстe два дни.

⁷Потом же глагола учеником: идем во иудею паки.

⁸Глаголаша ему ученицы: равви, нынe искаху тебе камением побити иудее, и паки ли идеши тамо?

⁹Отвeща Иисус: не два ли надесяте часа еста во дни? аще кто ходит во дни, не поткнется, яко свeт мира сего видит:

¹⁰аще же кто ходит в нощи, поткнется, яко нeсть свeта в нем.

¹¹Сия рече, и посем глагола им: лазарь друг наш успе: но иду, да возбужу его.

¹²Рeша убо ученицы его: Господи, аще успе, спасен будет.

¹³Рече же Иисус о смерти его: они же мнeша, яко о успении Сына глаголет.

¹⁴Тогда рече им Иисус не обинуяся: лазарь умре:

¹⁵и радуюся вас ради, да вeруете, яко не бeх тамо: но идем к нему.

¹⁶Рече же фома, глаголемый близнец, учеником: идем и мы, да умрем с ним.

¹⁷Пришед же Иисус, обрeте его четыри дни уже имуща во гробe.

¹⁸Бe же вифаниа близ иерусалима яко стадий пятьнадесять,

¹⁹и мнози от иудей бяху пришли к марфe и марии, да утeшат их о братe ею.

²⁰Марфа убо егда услыша, яко Иисус грядет, срeте его: мариа же дома сeдяше.

²¹Рече же марфа ко Иисусу: Господи, аще бы еси здe был, не бы брат мой умерл:

²²но и нынe вeм, яко елика аще просиши от Бога, даст тебe Бог.

²³Глагола ей Иисус: воскреснет брат твой.

²⁴Глагола ему марфа: вeм, яко воскреснет в воскрешение, в послeдний день.

²⁵Рече же ей Иисус: аз есмь воскрешение и живот: вeруяй в мя, аще и умрет, оживет:

²⁶и всяк живый и вeруяй в мя не умрет во вeки. Емлеши ли вeру сему?

²⁷Глагола ему: ей, Господи: аз вeровах, яко ты еси Христос Сын Божий, иже в мир грядый.

²⁸И сия рекши, иде и пригласи марию сестру свою тай, рекши: учитель пришел есть, и глашает тя.

²⁹Она же яко услыша, воста скоро и иде к нему.

³⁰Не уже бо бe пришел Иисус в весь, но бe на мeстe, идeже срeте его марфа.

³¹Иудее же убо сущии с нею в дому и утeшающе ю, видeвше марию, яко скоро воста и изыде, по ней идоша, глаголюще, яко идет на гроб, да плачет тамо.

³²Мариа же яко прииде, идeже бe Иисус, видeвши его, паде ему на ногу, глаголющи ему: Господи, аще бы еси был здe, не бы умерл мой брат.

³³Иисус убо, яко видe ю плачущуся и пришедшыя с нею иудеи плачущя, запрети духу, и возмутися сам,

³⁴и рече: гдe положисте его? Глаголаша ему: Господи, прииди и виждь.

³⁵Прослезися Иисус.

³⁶Глаголаху убо жидове: виждь, како любляше его.

³⁷Нeцыи же от них рeша: не можаше ли сей, отверзый очи слeпому, сотворити, да и сей не умрет?

³⁸Иисус же паки претя в себe, прииде ко гробу. Бe же пещера, и камень лежаше на ней.

³⁹Глагола Иисус: возьмите камень. Глагола ему сестра умершаго марфа: Господи, уже смердит: четверодневен бо есть.

⁴⁰Глагола ей Иисус: не рeх ли ти, яко аще вeруеши, узриши славу Божию?

⁴¹Взяша убо камень, идeже бe умерый лежя. Иисус же возведе очи горe и рече: Отче, хвалу тебe воздаю, яко услышал еси мя:

⁴²аз же вeдeх, яко всегда мя послушаеши: но народа ради стоящаго окрест рeх, да вeру имут, яко ты мя послал еси.

⁴³И сия рек, гласом великим воззва: лазаре, гряди вон.

⁴⁴И изыде умерый, обязан рукама и ногама укроем, и лице его убрусом обязано. Глагола им Иисус: разрeшите его, и оставите ити.

⁴⁵Мнози убо от иудей пришедшии к марии и видeвше, яже сотвори Иисус, вeроваша в него:

⁴⁶нeцыи же от них идоша к фарисеом и рекоша им, яже сотвори Иисус.

⁴⁷Собраша убо архиерее и фарисее сонм, и глаголаху: что сотворим? яко человeк сей многа знамения творит:

⁴⁸аще оставим его тако, вси увeруют в него: и приидут римляне, и возмут мeсто и язык наш.

⁴⁹Един же нeкто от них каиафа, архиерей сый лeту тому, рече им: вы не вeсте ничесоже,

⁵⁰ни помышляете, яко уне есть нам, да един человeк умрет за люди, а не весь язык погибнет.

⁵¹Сего же о себe не рече: но архиерей сый лeту тому, прорече, яко хотяше Иисус умрети за люди,

⁵²и не токмо за люди, но да и чада Божия расточеная соберет во едино.

⁵³От того убо дне совeщаша, да убиют его.

⁵⁴Иисус же ктому не явe хождаше во иудеех, но иде оттуду во страну близ пустыни, во ефрем нарицаемый град, и ту хождаше со ученики своими.

⁵⁵Бe же близ пасха иудейска, и взыдоша мнози во иерусалим от стран прежде пасхи, да очистятся.

⁵⁶Искаху убо Иисуса, и глаголаху к себe, в церкви стояще: что мнится вам, яко не имать ли приити в праздник?

⁵⁷Даша же архиерее и фарисее заповeдь, да аще кто ощутит его, гдe будет, повeсть, яко да имут его.