Read Новый Завет на церковнославянском языке От Иоанна 12 Bible Online

От Иоанна 12 - Новый Завет на церковнославянском языке bible

От Иоанна 12

¹Иисус же прежде шести дний пасхи прииде в вифанию, идeже бe лазарь умерый, егоже воскреси от мертвых.

²Сотвориша же ему вечерю ту, и марфа служаше: лазарь же един бe от возлежащих с ним.

³Мариа же приемши литру мира нарда пистика многоцeнна, помаза нозe Иисусовe, и отре власы своими нозe его: храмина же исполнися от вони масти благовонныя.

⁴Глагола же един от ученик его, иуда симонов искариотский, иже хотяше его предати:

⁵чесо ради миро сие не продано бысть на триех стeх пeнязь и дано нищым?

⁶Сие же рече, не яко о нищих печашеся, но яко тать бe, и ковчежец имeяше, и вметаемая ношаше.

⁷Рече же Иисус: не дeйте ея, да в день погребения моего соблюдет е:

⁸нищыя бо всегда имате с собою, мене же не всегда имате.

⁹Разумe же народ мног от иудей, яко ту есть: и приидоша не Иисуса ради токмо, но да и лазаря видят, егоже воскреси от мертвых.

¹⁰Совeщаша же архиерее, да и лазаря убиют,

¹¹яко мнози его ради идяху от иудей и вeроваху во Иисуса.

¹²Во утрий же день народ мног пришедый в праздник, слышавше, яко Иисус грядет во иерусалим,

¹³прияша ваиа от финик, и изыдоша в срeтение ему, и зваху глаголюще: осанна, благословен грядый во имя Господне, царь Израилев.

¹⁴Обрeт же Иисус осля, всeде на не, якоже есть писано:

¹⁵не бойся, дщи сионя: се царь твой грядет, сeдя на жребяти осли.

¹⁶Сих же не разумeша ученицы его прежде: но егда прославися Иисус, тогда помянуша, яко сия быша о нем писана, и сия сотвориша ему.

¹⁷Свидeтельствоваше убо народ, иже бe прежде с ним, егда лазаря возгласи от гроба и воскреси его от мертвых:

¹⁸сего ради и срeте его народ, яко слышаша его сие сотворша знамение.

¹⁹Фарисее убо рeша к себe: видите, яко никаяже польза есть? се мир по нем идет.

²⁰Бяху же нeцыи еллини от пришедших, да поклонятся в праздник:

²¹сии убо приступиша к филиппу, иже бe от вифсаиды галилейския, и моляху его, глаголюще: господи, хощем Иисуса видeти.

²²Прииде филипп и глагола андреови: и паки андрей и филипп глаголаста Иисусови.

²³Иисус же отвeща има, глаголя: прииде час, да прославится Сын человeческий:

²⁴аминь, аминь глаголю вам: аще зерно пшенично пад на земли не умрет, то едино пребывает: аще же умрет, мног плод сотворит:

²⁵любяй душу свою, погубит ю: и ненавидяй души своея в мирe сем, в живот вeчный сохранит ю:

²⁶аще кто мнe служит, мнe да послeдствует: и идeже есмь аз, ту и слуга мой будет: и аще кто мнe служит, почтит его Отец мой:

²⁷нынe душа моя возмутися и что реку? Отче, спаси мя от часа сего: но сего ради приидох на час сей:

²⁸Отче, прослави имя твое. Прииде же глас с небесе: и прославих, и паки прославлю.

²⁹Народ же стояй и слышав, глаголаху: гром бысть. Инии глаголаху: ангел глагола ему.

³⁰Отвeща Иисус и рече: не мене ради глас сей бысть, но народа ради:

³¹нынe суд есть миру сему: нынe князь мира сего изгнан будет вон:

³²и аще аз вознесен буду от земли, вся привлеку к себe.

³³Сие же глаголаше, назнаменуя, коею смертию хотяше умрети.

³⁴Отвeща ему народ: мы слышахом от закона, яко Христос пребывает во вeки: како ты глаголеши: вознестися подобает Сыну человeческому? кто есть сей Сын человeческий?

³⁵Рече же им Иисус: еще мало время свeт в вас есть: ходите, дондеже свeт имате, да тьма вас не имет: и ходяй во тьмe не вeсть, камо идет:

³⁶дондеже свeт имате, вeруйте во свeт, да сынове свeта будете. Сия глагола Иисус, и отшед скрыся от них.

³⁷Толика знамения сотворшу ему пред ними, не вeроваху в него,

³⁸да сбудется слово исаии пророка, еже рече: Господи, кто вeрова слуху нашему? и мышца Господня кому открыся?

³⁹Сего ради не можаху вeровати, яко паки рече исаиа:

⁴⁰ослeпи очи их, и окаменил есть сердца их, да не видят очима, ни разумeют сердцем, и обратятся, и исцeлю их.

⁴¹Сия рече исаиа, егда видe славу его и глагола о нем.

⁴²Обаче убо и от князь мнози вeроваша в него: но фарисей ради не исповeдоваху, да не из сонмищ изгнани будут:

⁴³возлюбиша бо паче славу человeческую, неже славу Божию.

⁴⁴Иисус же воззва и рече: вeруяй в мя не вeрует в мя, но в пославшаго мя:

⁴⁵и видяй мя видит пославшаго мя:

⁴⁶аз свeт в мир приидох, да всяк вeруяй в мя во тьмe не пребудет:

⁴⁷и аще кто услышит глаголы моя и не вeрует, аз не сужду ему: не приидох бо, да сужду мирови, но да спасу мир:

⁴⁸отметаяйся мене и не приемляй глагол моих имать судящаго ему: слово, еже глаголах, то судит ему в послeдний день:

⁴⁹яко аз от себе не глаголах: но пославый мя Отц, той мнe заповeдь даде, что реку и что возглаголю:

⁵⁰и вeм, яко заповeдь его живот вeчный есть: яже убо аз глаголю, якоже рече мнe Отц, тако глаголю.