Read Новый Завет на церковнославянском языке От Иоанна 13 Bible Online

От Иоанна 13 - Новый Завет на церковнославянском языке bible

От Иоанна 13

¹Прежде же праздника пасхи, вeдый Иисус, яко прииде ему час, да прейдет от мира сего ко Отцу, возлюбль своя сущыя в мирe, до конца возлюби их.

²И вечери бывшей, диаволу уже вложившу в сердце иудe симонову искариотскому, да его предаст,

³вeдый Иисус, яко вся даде ему Отец в руцe, и яко от Бога изыде и к Богу грядет:

⁴воста от вечери, и положи ризы, и прием лентион, препоясася:

⁵потом влия воду во умывальницу, и начат умывати ноги учеником и отирати лентием, имже бe препоясан.

⁶Прииде же к симону петру, и глагола ему той: Господи, ты ли мои умыеши нозe?

⁷Отвeща Иисус и рече ему: еже аз творю, ты не вeси нынe, уразумeеши же по сих.

⁸Глагола ему петр: не умыеши ногу моею во вeки. Отвeща ему Иисус: аще не умыю тебе, не имаши части со мною.

⁹Глагола ему симон петр: Господи, не нозe мои токмо, но и руцe и главу.

¹⁰Глагола ему Иисус: измовенный не требует, токмо нозe умыти, есть бо весь чист: и вы чисти есте, но не вси.

¹¹Вeдяше бо предающаго его: сего ради рече, яко не вси чисти есте.

¹²Егда же умы ноги их, прият ризы своя, возлег паки, рече им: вeсте ли, что сотворих вам?

¹³Вы глашаете мя учителя и Господа: и добрe глаголете, есмь бо.

¹⁴Аще убо аз умых ваши нозe, Господь и учитель, и вы должни есте друг другу умывати нозe:

¹⁵образ бо дах вам, да, якоже аз сотворих вам, и вы творите.

¹⁶Аминь, аминь глаголю вам: нeсть раб болий господа своего, ни посланник болий пославшаго его.

¹⁷Аще сия вeсте, блажени есте, аще творите я.

¹⁸Не о всeх вас глаголю: аз бо вeм, ихже избрах: но да писание сбудется: ядый со мною хлeб воздвиже на мя пяту свою.

¹⁹Отселe глаголю вам, прежде даже не будет, да, егда будет, вeру имете, яко аз есмь.

²⁰Аминь, аминь глаголю вам: приемляй, аще кого послю, мене приемлет: а приемляй мене приемлет пославшаго мя.

²¹Сия рек Иисус возмутися духом, и свидeтельствова, и рече: аминь, аминь глаголю вам, яко един от вас предаст мя.

²²Сзирахуся убо между собою ученицы, недоумeющеся, о ком глаголет.

²³Бe же един от ученик его возлежя на лонe Иисусовe, егоже любляше Иисус:

²⁴поману же сему симон петр вопросити, кто бы был, о немже глаголет.

²⁵Напад же той на перси Иисусовы, глагола ему: Господи, кто есть?

²⁶Отвeща Иисус: той есть, емуже аз омочив хлeб подам. И омочь хлeб, даде иудe симонову искариотскому.

²⁷И по хлeбe тогда вниде в онь сатана. Глагола убо ему Иисус: еже твориши, сотвори скоро.

²⁸Сего же никтоже разумe от возлежащих, к чесому рече ему.

²⁹Нeцыи же мняху, понеже ковчежец имяше иуда, яко глаголет ему Иисус: купи, еже требуем на праздник: или нищым да нeчто даст.

³⁰Приим же он хлeб, абие изыде: бe же нощь. Егда изыде,

³¹глагола Иисус: нынe прославися Сын человeческий, и Бог прославися о нем:

³²аще Бог прославися о нем, и Бог прославит его в себe, и абие прославит его.

³³Чадца, еще с вами мало есмь: взыщете мене, и якоже рeх иудеом, яко аможе аз иду, вы не можете приити: и вам глаголю нынe.

³⁴Заповeдь новую даю вам, да любите друг друга: якоже возлюбих вы, да и вы любите себе:

³⁵о сем разумeют вси, яко мои ученцы есте, аще любовь имате между собою.

³⁶Глагола ему симон петр: Господи, камо идеши? Отвeща ему Иисус: аможе аз иду, не можеши нынe по мнe ити: послeди же по мнe идеши.

³⁷Глагола ему петр: Господи, почто не могу нынe по тебe ити? нынe душу мою за тя положу.

³⁸Отвeща ему Иисус: душу ли твою за мя положиши? аминь, аминь глаголю тебe: не возгласит алектор, дондеже отвержешися мене трищи.