Read Новый Завет на церковнославянском языке От Иоанна 14 Bible Online

От Иоанна 14 - Новый Завет на церковнославянском языке bible

От Иоанна 14

¹Да не смущается сердце ваше: вeруйте в Бога, и в мя вeруйте:

²в дому Отца моего обители многи суть: аще ли же ни, рекл бых вам: иду уготовати мeсто вам:

³и аще (аще пойду и) уготовлю мeсто вам, паки прииду и поиму вы к себe, да, идeже есмь аз и вы будете:

⁴и аможе аз иду, вeсте, и путь вeсте.

⁵Глагола ему фома: Господи, не вeмы, камо идеши: и како можем путь вeдeти?

⁶Глагола ему Иисус: аз есмь путь и истина и живот: никтоже приидет ко Отцу, токмо мною:

⁷аще мя бысте знали, и Отца моего знали бысте убо: и отселe познасте его, и видeсте его.

⁸Глагола ему филипп: Господи, покажи нам Отца, и довлeет нам.

⁹Глагола ему Иисус: толико время с вами есмь, и не познал еси мене, филиппе? видeвый мене видe Отца: и како ты глаголеши: покажи нам Отца?

¹⁰не вeруеши ли, яко аз во Отцe, и Отец во мнe есть? глаголы, яже аз глаголю вам, о себe не глаголю: Отец же во мнe пребываяй, той творит дeла:

¹¹вeруйте мнe, яко аз во Отцe, и Отец во мнe: аще ли же ни, за та дeла вeру имите ми.

¹²Аминь, аминь глаголю вам: вeруяй в мя, дeла, яже аз творю, и той сотворит, и болша сих сотворит: яко аз ко Отцу моему гряду:

¹³и еже аще что просите от Отца во имя мое, то сотворю, да прославится Отец в Сынe:

¹⁴и аще чесо просите во имя мое, аз сотворю.

¹⁵Аще любите мя, заповeди моя соблюдите,

¹⁶и аз умолю Отца, и иного утeшителя даст вам, да будет с вами в вeк,

¹⁷дух истины, егоже мир не может прияти, яко не видит его, ниже знает его: вы же знаете его, яко в вас пребывает и в вас будет.

¹⁸Не оставлю вас сиры: прииду к вам.

¹⁹еще мало, и мир ктому не увидит мене, вы же увидите мя, яко аз живу, и вы живи будете:

²⁰в той день уразумeете вы, яко аз во Отцe моем, и вы во мнe, и аз в вас.

²¹Имeяй заповeди моя и соблюдаяй их, той есть любяй мя: а любяй мя возлюблен будет Отцем моим, и аз возлюблю его, и явлюся ему сам.

²²Глагола ему иуда не искариотский: Господи, и что бысть, яко нам хощеши явитися, а не мирови?

²³Отвeща Иисус и рече ему: аще кто любит мя, слово мое соблюдет: и Отец мой возлюбит его, и к нему приидема, и обитель у него сотворима:

²⁴не любяй мя словес моих не соблюдает: и слово, еже слышасте, нeсть мое, но пославшаго мя Отца.

²⁵Сия глаголах вам в вас сый:

²⁶утeшитель же, дух святый, егоже послет Отец во имя мое, той вы научит всему, и воспомянет вам вся, яже рeх вам.

²⁷Мир оставляю вам, мир мой даю вам: не якоже мир дает, аз даю вам. Да не смущается сердце ваше, ни устрашает.

²⁸Слышасте, яко аз рeх вам: иду и прииду к вам. Аще бысте любили мя, возрадовалися бысте убо, яко рeх: иду ко Отцу: яко Отец мой болий мене есть.

²⁹И нынe рeх вам, прежде даже не будет, да, егда будет, вeру имете.

³⁰Ктому не много глаголю с вами: грядет бо сего мира князь, и во мнe не имать нечесоже.

³¹Но да разумeет мир, яко люблю Отца, и якоже заповeда мнe Отц, тако творю: востаните, идем отсюду.