Read Новый Завет на церковнославянском языке От Иоанна 15 Bible Online

От Иоанна 15 - Новый Завет на церковнославянском языке bible

От Иоанна 15

¹аз есмь лоза истинная, и оц мои дeлатель есть.

²всяку розгу о мнe не творящую плода, измет ю. и всяку творящую плод, отребит ю, да множаишии плод принесет.

³уже вы чисти есте за слово, еже глаголах вам.

⁴будите во мнe, и аз в вас. якоже розга не может плода сотворити о себe, аще не будет на лозe. тако и вы, аще во мнe не пребудете.

⁵аз есмь лоза, вы же рождие. и иже будет во мнe, и аз в нем, тои сотворит плод мног. яко без мене не можете творити ничесоже.

⁶аще кто во мнe не пребудет, извержется вон, якоже розга, и изсышет. и собирают ю и во огнь влагают, и сгарает.

⁷аще пребудете во мнe и глаголы мои в вас пребудут, егоже аще хощете, просите, и будет вам.

⁸о сем прославися оц мои, да плод мног сотворите, и будете мои ученицы.

⁹якоже возлюби мя оц, и аз возлюбих вас. будите в любви моеи.

¹⁰аще заповeди моя соблюдете, пребудете в любви моеи. якоже аз заповeди оца моего соблюдох, и пребываю в его любви.

¹¹сия глаголах вам, да радость моя в вас будет и радость ваша исполнится.

¹²сия есть заповeдь моя, да любите друг друга, якоже возлюбих вы.

¹³больши сея любве никтоже имать, да кто душу свою положит за други своя.

¹⁴вы друзи мои есте, аще творите, елика аз заповeдаю вам.

¹⁵не ктому вас глаголю рабы, яко раб не вeсть, что творит господь его. вас же рекох други, яко вся, яже слышах от оца моего, сказах вам.

¹⁶не вы мене избрасте, но аз избрах вас, и положих вас, да вы идете и плод принесете, и плод ваш пребудет. да, егоже аще просите от оца во имя мое, даст вам.

¹⁷сия заповeдаю вам, да любите друг друга.

¹⁸аще мир вас ненавидит, вeдите, яко мене прежде вас возненавидe.

¹⁹аще от мира бысте были, мир убо свое любил бы. якоже от мира нeсте, но аз избрах вы от мира, сего ради ненавидит вас мир.

²⁰поминаите слово, еже аз рeх вам. нeсть раб болии господа своего. аще мене изгнаша, и вас изженут. аще слово мое соблюдоша, и ваше соблюдут.

²¹но сия вся творят вам за имя мое, яко не вeдят пославшаго мя.

²²аще не бых пришел и глаголал им, грeха не быша имeли. нынe же вины (извинения) не имут о грeсe своем.

²³ненавидяи мене, и оца моего ненавидит.

²⁴аще дeл не бых сотворил в них, ихже ин никтоже сотвори, грeха не быша имeли. нынe же и видeша, и возненавидeша мене и оца моего.

²⁵но да сбудется слово, писанное в законe их, яко возненавидeша мя туне.

²⁶егда же приидет утeшитель, егоже аз послю вам от оца, дх истины, иже от оца исходит, тои свидeтельствует о мнe.

²⁷и вы же свидeтельствуете, яко искони со мною есте.