Read Новый Завет на церковнославянском языке От Иоанна 17 Bible Online

От Иоанна 17 - Новый Завет на церковнославянском языке bible

От Иоанна 17

¹сия глагола Иисус, и возведе очи свои на небо, и рече. оче, прииде час. прослави Сына твоего, да и Сын твои прославит тя.

²якоже дал еси ему власть всякия плоти, да всяко еже дал еси ему, даст им живот вeчныи.

³се же есть живот вeчныи, да знают тебе единаго истиннаго Бога, и егоже послал еси Иисус Христа.

⁴аз прославих тя на земли, дeло соверших, еже дал еси мнe да сотворю.

⁵и нынe прослави мя ты, оче, у тебе самого славою, юже имeх у тебе прежде мир не бысть.

⁶явих имя твое человeком, ихже дал еси мнe от мира. твои бeша, и мнe их дал еси, и слово твое сохраниша.

⁷нынe разумeша, яко вся, елика дал еси мнe, от тебе суть.

⁸яко глаголы, ихже дал еси мнe, дах им. и тии прияша, и разумeша воистинну, яко от тебе изыдох, и вeроваша, яко ты мя послал еси.

⁹аз о сих молю. не о всем мирe молю, но о тeх, ихже дал еси мнe, яко твои суть.

¹⁰и моя вся твоя суть, и твоя моя. и прославихся в них.

¹¹и ктому нeсмь в мирe, и сии в мирe суть, и аз к тебe гряду. оче стыи, соблюди их во имя твое, ихже дал еси мнe, да будут едино, якоже и мы.

¹²егда бeх с ними в мирe, аз соблюдах их во имя твое. ихже дал еси мнe, сохраних, и никтоже от них погибе, токмо сын погибельныи, да сбудется писание.

¹³нынe же к тебe гряду, и сия глаголю в мирe, да имут радость мою исполнену в себe.

¹⁴аз дах им слово твое, и мир возненавидe их, яко не суть от мира, якоже и аз от мира нeсмь.

¹⁵не молю, да возьмеши их от мира, но да соблюдеши их от неприязни.

¹⁶от мира не суть, якоже и аз от мира нeсмь.

¹⁷святи их во истину твою. слово твое истина есть.

¹⁸якоже мене послал еси в мир, и аз послах их в мир.

¹⁹и за них аз свящу себе, да и тии будут священи во истину.

²⁰не о сих же молю токмо, но и о вeрующих словесе их ради в мя.

²¹да вси едино будут. якоже ты, оче, во мнe, и аз в тебe, да и тии в нас едино будут. да и мир вeру имет, яко ты мя послал еси.

²²и аз славу, юже дал еси мнe, дах им. да будут едино, якоже мы едино есма.

²³аз в них, и ты во мнe. да будут совершени во едино, и да разумeет мир, яко ты мя послал еси и возлюбил еси их, якоже мене возлюбил еси.

²⁴оче, ихже дал еси мнe, хощу, да идeже есмь аз, и тии будут со мною. да видят славу мою, юже дал еси мнe, яко возлюбил мя еси прежде сложения мира.

²⁵оче праведныи, и мир тебе не позна, аз же тя познах, и сии познаша, яко ты мя послал еси.

²⁶и сказах им имя твое, и скажу. да любы, еюже мя еси возлюбил, в них будет, и аз в них.