Read Новый Завет на церковнославянском языке От Иоанна 18 Bible Online

От Иоанна 18 - Новый Завет на церковнославянском языке bible

От Иоанна 18

¹и сия рек Иисус, изыде со ученики своими на он пол потока кедрска, идeже бe вертоград, воньже вниде сам и ученицы его.

²вeдяше же иуда предаяи его мeсто. яко множицею собирашеся Иисус ту со ученики своими.

³иуда убо прием спиру и от архиереи и фарисеи слуги, прииде тамо со свeтилы и свeщами и оружии.

⁴Иисус же вeдыи вся грядущая нань, изшед рече им. кого ищете,

⁵отвeщаша ему. Иисуса назореа. глагола им Иисус. аз есмь. стояще же и иуда, иже предаяше его, с ними.

⁶егда же рече им. аз есмь, идоша вспять и падоша на земли.

⁷паки убо вопроси их Иисус. кого ищете, они же рeша. Иисуса назореа.

⁸отвeща Иисус. рeх вам, яко аз есмь. аще убо мене ищете, оставите сих ити.

⁹да сбудется слово, еже рече, яко ихже дал еси мнe, не погубих от них никогоже.

¹⁰симон же петр, имыи нож, извлече его, и удари архиереова раба, и урeза ему ухо десное. бe же имя рабу малх.

¹¹рече убо Иисус петрови. вонзи нож в ножницу. чашу юже даде мнe оц, не имам ли пити ея,

¹²спира же и тысящник и слуги иудеистии яша Иисуса, и связаша его,

¹³и ведоша его ко аннe первeе. бe бо тесть каиафe, иже бe архиереи лeту тому.

¹⁴бe же каиафа давыи совeт иудеом, яко уне есть единому человeку умрети за люди.

¹⁵по Иисусe же идяше симон петр и другии ученик. ученик же тои бe знаемь архиереови, и вниде со Иисусом во двор архиереов.

¹⁶петр же стояше при дверех внe. изыде убо ученик тои, иже бe знаемь архиереови, и рече дверницe, и введе петра.

¹⁷глагола же раба дверница петрови. еда и ты ученик еси человeка сего, глагола он. нeсмь.

¹⁸стояху же раби и слуги огнь сотворше, яко зима бe, и грeяхуся. бe же с ними петр стоя и грeяся.

¹⁹архиереи же вопроси Иисуса о ученицeх его и о учении его.

²⁰отвeща ему Иисус. аз не обинуяся глаголах миру. аз всегда учах на сонмищах и в церкви, идeже всегда иудее Сынемлются, и таи не глаголах ничесоже.

²¹что мя вопрошаеши, вопроси слышавших, что глаголах им. се сии вeдят, яже рeх аз.

²²сия же рекшу ему, един от предстоящих слуг удари в ланиту Иисуса, рек. тако ли отвeщаваеши архиереови,

²³отвeща ему Иисус. аще злe глаголах, свидeтельствуи о злe. аще ли добрe, что мя биеши,

²⁴посла же его анна связана к каиафe архиереови.

²⁵бe же симон петр стоя и грeяся. рeша же ему. еда и ты от ученик его еси, он же отвержеся и рече. нeсмь.

²⁶глагола един от раб архиереовых, южика сыи, емуже петр урeза ухо. не аз ли тя видeх в вертоградe с ним,

²⁷паки убо петр отвержеся. и абие пeтель возгласи.

²⁸ведоша же Иисуса от каиафы в претор. бe же утро. и тии не внидоша в претор, да не осквернятся, но да ядят пасху.

²⁹изыде же пилат к ним вон и рече. кую рeчь (вину) приносите на человeка сего,

³⁰отвeщаша и рeша ему. аще не бы был сеи злодeи, не быхом предали его тебe.

³¹рече же им пилат. поимите его вы, и по закону вашему судите ему. рeша же ему иудее. нам не достоит убити никогоже.

³²да слово Иисусово сбудется, еже рече, назнаменуя, коею смертию хотяше умрети.

³³вниде убо паки пилат в претор, и пригласи Иисуса, и рече ему. ты ли еси Царь иудеиск,

³⁴отвeща ему Иисус. о себe ли ты сие глаголеши, или инии тебe рекоша о мнe,

³⁵отвeща пилат. еда аз жидовин есмь, род твои и архиерее предаша тя мнe. что еси сотворил,

³⁶отвeща Иисус. цртво мое нeсть от мира сего. аще от мира сего было бы цртво мое, слуги мои убо подвизалися быша, да не предан бых был иудеом. нынe же цртво мое нeсть отсюду.

³⁷рече же ему пилат. убо Царь ли еси ты, отвeща Иисус. ты глаголеши, яко Царь есмь аз. аз на сие родихся и на сие приидох в мир, да свидeтельствую истину. и всяк, иже есть от истины, послушает гласа моего.

³⁸глагола ему пилат. что есть истина, и сие рек, паки изыде ко иудеом, и глагола им. аз ни единыя вины обрeтаю в нем.

³⁹есть же обычаи вам, да единаго вам отпущу на пасху. хощете ли убо, да отпущу вам цря иудеиска,

⁴⁰возопиша же паки вси, глаголюще. не сего, но варавву. бe же варавва разбоиник.