Read Новый Завет на церковнославянском языке От Иоанна 19 Bible Online

От Иоанна 19 - Новый Завет на церковнославянском языке bible

От Иоанна 19

¹тогда убо пилат поят Иисуса, и би его.

²и воини сплетше вeнец от терния, возложиша ему на главу, и в ризу багряну облекоша его,

³и глаголаху. радуися, црю иудеискии. и бияху его по ланитома.

⁴изыде убо паки вон пилат, и глагола им. се извожду его вам вон, да разумeете, яко в нем ни единыя вины обрeтаю.

⁵изыде же вон Иисус, нося терновен вeнец и багряну ризу. и глагола им. се человeк.

⁶егда же видeша его архиерее и слуги, возопиша глаголюще. распни, распни его. глагола им пилат. поимите его вы, и распните. аз бо не обрeтаю в нем вины.

⁷отвeщаша ему иудее. мы закон имамы, и по закону нашему должен есть умрети, яко себе Сына Божия сотвори.

⁸егда убо слыша пилат сие слово, паче убояся.

⁹и вниде в претор паки, и глагола Иисусови. откуду еси ты, Иисус же отвeта не даде ему.

¹⁰глагола же ему пилат. мнe ли не глаголеши, не вeси ли, яко власть имам распяти тя и власть имам пустити тя,

¹¹отвeща Иисус. не имаши власти ни единыя на мнe, аще не бы ти дано свыше. сего ради предавыи мя тебe болии грeх имать.

¹²от сего искаше пилат пустити его. иудее же вопияху, глаголюще. аще сего пустиши, нeси друг кесарев. всяк, иже царя себе творит, противится кесарю.

¹³пилат убо слышав сие слово, изведе вон Иисуса, и сeде на судищи, на мeстe глаголемeм лифостротон, евреиски же гаввафа.

¹⁴бe же пяток пасцe, час же яко шестыи. и глагола иудеом. се Царь ваш.

¹⁵они же вопияху. возьми, возьми, распни его. глагола им пилат. цря ли вашего распну, отвeщаша архиерее. не имамы царя, токмо кесаря.

¹⁶тогда убо предаде его им, да распнется. поемше же Иисуса, и ведоша.

¹⁷и нося крт свои, изыде на глаголемое лобное мeсто, еже глаголется евреиски голгофа.

¹⁸идeже пропяша его, и с ним ина два, сюду и сюду, посредe же Иисуса.

¹⁹написа же и титла пилат, и положи на кртe. бe же написано. Иисус назорянин, Царь иудеискии.

²⁰сего же титла мнози чтоша от иудеи, яко близ бe мeсто града, идeже пропяша Иисуса. и бe написано евреиски, гречески, римски.

²¹глаголаху убо пилату архиерее иудеистии. не пиши. Царь иудеискии. но яко сам рече. Царь есмь иудеискии.

²²отвeща пилат. еже писах, писах.

²³воини же, егда пропяша Иисуса, прияша ризы его, и сотвориша четыри части, коемуждо воину часть, и хитон. бe же хитон не швен, свыше исткан весь.

²⁴рeша же к себe. не предерем его, но метнем жребия о нем, кому будет. да сбудется писание, глаголющее. раздeлиша ризы моя себe, и о иматисмe моеи меташа жребия. воини убо сия сотвориша.

²⁵стояху же при кртe Иисусовe мти его, и сестра мтре его, мариа клеопова, и мариа магдалина.

²⁶Иисус же видeв Матерь и ученика стояща, егоже любляше, глагола Матери своеи. жено, се сын твои.

²⁷потом глагола ученику. се мти твоя. и от того часа поят ю ученик во своя си.

²⁸посем вeдыи Иисус, яко вся уже совершишася, да сбудется писание, глагола. жажду.

²⁹сосуд же стояше полн оцта. они же исполнивше губу оцта и на трость вонзше, придeша ко устом его.

³⁰егда же прият оцет Иисус, рече. совершишася. и преклонь главу, предаде дх.

³¹иудее же, понеже пяток бe, да не останут на крестe тeлеса в субботу, бe бо велик день тоя субботы, молиша пилата, да пребиют голени их и возьмут.

³²приидоша же воини, и первому убо пребиша голени, и другому распятому с ним.

³³на Иисуса же пришедше, яко видeша его уже умерша, не пребиша ему голении.

³⁴но един от воин копием ребра ему прободе, и абие изыде кровь и вода.

³⁵и видeвыи свидeтельствова, и истинно есть свидeтельство его. и тои вeсть, яко истину глаголет, да вы вeру имете.

³⁶быша бо сия, да сбудется писание. кость не сокрушится от него.

³⁷и паки другое писание глаголет. воззрят нань, егоже прободоша.

³⁸по сих же моли пилата иосиф, иже от аримафеа, сыи ученик Иисусов, потаен же страха ради иудеиска, да возьмет тeло Иисусово. и повелe пилат. прииде же и взят тeло Иисусово.

³⁹прииде же и никодим, пришедыи ко Иисусови нощию прежде, нося смeшение смирнено и алоино, яко литр сто.

⁴⁰прияста же тeло Иисусово, и обвиста е ризами со ароматы, якоже обычаи есть иудеом погребати.

⁴¹бe же на мeстe, идeже распятся, вeрт (вертоград), и в вертe гроб нов, в немже николиже никтоже положен бe.

⁴²ту убо пятка ради иудеиска, яко близ бяше гроб, положиста Иисуса.